Unicode
ချစ်မိသူ အရှုံး
(အခန်း - ၁၆ )
ထိုစဥ် မဒီက သူတို့ရှေ့သို့ ရောက်လာသည် ။
" မိုးသောက်ယံ ၊ ရုပ်ရှင်သွားကြည့်တာ ဘာလို့ မဒီ့ကို မခေါ်ရတာလဲ ဟွန့် "
မဒီက နှုတ်ခမ်းစူပြီး ငယ်ပေါင်းကြီးဖော်တွေလို သူ့ကို ရင်းရင်းနှီးနှီး ပြောသည် ။
"ကိုယ် မခေါ်တာပါ ။ ဒီရက်တွေ မဒီ မအားတော့ တစ်ရ
က်လောက်ဖြစ်ဖြစ် အနားယူလို့ရအောင်ပါ "
သူ့အစား ရှိုင်းက မဒီ့ကို အေးဆေးတည်ငြိမ်စွာ ဝင်ပြောသည် ။
"မဟုတ်တာ ။ မဒီက ရှိုင်းနဲ့သာ အတူရှိမယ်ဆိုရင် နည်းနည်းလေးတောင် မပင်ပန်းဘူး"
မဒီက ပြုံးရယ်၍ ပြောပြီး ရှိုင်း၏ လက်ကို တွဲလိုက်သည် ။
မိုးသောက်ယံ၏ ရင်ထဲ စူးခနဲ နာကျင်သွားသည် ။ ဆက်၍ မကြည့်နိုင်တော့တာကြောင့် မျက်နှာလွှဲလိုက်သည် ။
"ကိုတို့ ခုဘယ်သွားကြဦးမှာလဲဟင် "
မဒီက ချွဲ့နွဲ့သည့် လေသံဖြင့် မေးသည် ။
"မုန့်သွားစားကြမလို့ "
"ဟုတ်လား ။ ဒီနားမှာ မဒီ စားနေကျ ဆိုင်ရှိတယ် ။ သွားကြမလား ကို "
မဒီက ရှိုင်းကို ကြည့်၍ မေးသည် ။ ထိုအခါ ရှိုင်းက အဖြေမပေးသေးဘဲ မိုးသောက်ယံကို ကြည့်သည် ။
"အင်း သွားမယ်လေ "
မိုးသောက်ယံက ပြောပြီး သူတို့ရှေ့မှ လျှောက်လာခဲ့သည် ။ သူ့ ရင်ထဲမှာ တင်းကျပ်ပြီး တကယ်ကို စိတ်ပင်ပန်းလွန်းလှသည် ။
***********
"ရော့ ကို နည်းနည်းလောက် စားကြည့်နော် ။ ဒါလေး ကောင်းတယ် "
မဒီက ချောကလက်ကိတ်မုန့်ကို ဇွန်းဖြင့် ဖဲ့၍ ရှိုင်းကို လှမ်းခွံ့သည် ။ ရှိုင်းက မစားသေးဘဲ မိုးသောက်ယံကို မျက်နှာပူစွာ လှမ်းကြည့်သည် ။
မိုးသောက်ယံသည် မမြင်သလိုဟန်ဆောင်ပြီး ခေါင်းငုံ့၍ Bubble Tea ကိုသာ သောက်နေသည် ။ သို့သော် မဒီက ရှိုင်းကို ချွဲ့နွဲ့၍ ပြောဆိုနေသည်ကိုတော့ သူ့နားက ကြားဖြစ်အောင် ကြားသည် ။
YOU ARE READING
ချစ်မိသူ အရှုံး ( Completed)
Romance📣( Season 1 + 2 ) Completed. Boy's Love Story . Own Creation . Thin Zar Moe Oo.
