Unicode
ချစ်မိသူ အရှုံး
(အခန်း - ၂၂ )
"ဒါ ဘယ်သွားဦးမလို့လဲ မဒီ "
ဦးမင်းထင် ဧည့်ခန်းမှာ သတင်းစာ ဖတ်နေစဉ် မဒီက အပြင်သွားရန် ပြင်ဆင်ပြီး ထွက်လာတာကြောင့် မျက်မှောင်ကြုတ်၍ မေးလိုက်သည် ။
"သူငယ်ချင်းတွေနဲ့ ချိန်းထားလို့ ဖေဖေ "
မဒီ ပြန်ဖြေသည့် လေသံ၌ နူးညံ့ညင်သာမှု အနည်းငယ်မျှ မရှိချေ ။
"ဘယ်သူတွေနဲ့ သွားတွေ့ဦးမလို့လဲ မဒီ ။ မိုးလင်းကနေ မိုးချုပ်ထိ သမီး ဘယ်တွေ လျှောက်သွားပြီး ဘာတွေလုပ်နေတာလဲ "
ဦးမင်းထင်က စူးရှသည့် အကြည့်နှင့် စိုက်ကြည့်၍ မဒီ့ကို မေးသည် ။
"လမင်း နဲ့ သွားတွေ့မှာ ။ ဖေဖေ စိုးရိမ်ဖို့ မလိုပါဘူး "
မဒီတို့ မိသားစု မန္တလေး မှ ရန်ကုန်ကို အပြီးပြောင်းလာခဲ့ပြီ ဖြစ်သည် ။ မဒီ ရန်ကုန်မှာ ကျောင်းမတက်ခင်တည်းက ဖေဖေက ရန်ကုန်မှာ အခြေချရန် ပြင်ဆင်ခဲ့သည် ။ ယခု ရန်ကုန်ကို ရောက်လာပြီး မဒီ့ လွတ်လပ်ခွင့်ကို ပိတ်ပင် တားဆီးချင်နေသည် ။
"ဒါဆို ခုရက်ပိုင်း ဘဏ်ထဲက ငွေတွေ ထုတ်နေတာက ဘာအတွက်ကြောင့်လဲ ။ အဲ့ဒီပိုက်ဆံတွေက သမီးကို ဖြုန်းချင်တိုင်း ဖြုန်းဖို့ ထည့်ပေးထားတာ မဟုတ်ဘူး နော် ။ သမီး ကျောင်းပြီးသွားရင် ကိုယ် ဝါသနာပါတဲ့ လမ်းကြောင်းကို ကိုယ့်ဘာသာ ဖန်တီးယူနိုင်အောင်လို့ ဖေဖေက ဒီပိုက်ဆံတွေ ဘဏ်စာအုပ်ထဲ ထည့်ပေးထားတာ ။ သမီး သုံးတာနဲ့ ဖြုန်းတာကို ကွဲကွဲပြားပြား သိဖို့ လိုတယ် မဒီ "
မဒီက မျက်ခုံးတွန့်၍ နှုတ်ခမ်းကို ဖိကိုက်သည် ။
"ဖေဖေ မဒီ့ကို ပေးထားတာ မဟုတ်လား ။ ဒါဆို မဒီ့ ပိုက်ဆံ ဖြစ်သွားပြီလေ ။ ဖေဖေ မသုံးစေချင်ရင် လည်း ပြော ။ မဒီ ယူမသုံးဘူး "
မဒီက အရွဲ့တိုက်သလို ပြောပြီး အိမ်ထဲက ထွက်သွားဖို့ ပြင်သည် ။
"အရင်ကလို အမှားမျိုး ထပ်မကျူးလွန်နဲ့နော် မဒီ ။ ဒီတစ်ခါဆို ဖေဖေ ခွင့်မလွှတ်ဘူး "
YOU ARE READING
ချစ်မိသူ အရှုံး ( Completed)
Romance📣( Season 1 + 2 ) Completed. Boy's Love Story . Own Creation . Thin Zar Moe Oo.
