Unicode
ချစ်မိသူ အရှုံး
(အခန်း - ၁၃ )
အဖြူရောင်ဂါဝန်လေးနှင့် မိန်းကလေးတစ်ယောက် ရှိုင်း၏ ရှေ့၌ ဖြတ်လျှောက်သွားသည် ။ ထိုမိန်းကလေး၏ ဆံနွယ်ရှည်တို့သည် ခါးထက်သို့ ဝဲကျနေလေသည် ။ ထိုမိန်းကလေးက ဘယ်သူလဲ ။ ဒါ ဘယ်နေရာလဲ ။
ရှိုင်း ဘေးဘီကိုကြည့်တော့ လူသူကင်းရှင်းနေပြီး သစ်ပင်တွေနှင့် ဝိုင်းရံထားသည့် လမ်းကလေးတွင် သူ ရောက်ရှိနေသည်။ သူ ဘာကြောင့် သည်နေရာကို ရောက်နေလဲ စဉ်းစားနေတုန်း ခုန အဖြူရောင်ဂါဝန်နှင့် မိန်းကလေးက သူ့ရှေ့ကို ရောက်လာသည် ။ ဘယ်အချိန်က ရောက်နေမှန်း သတိမထားမိတာကြောင့် ရှိုင်းသည် ငေးကြောင်၍ ကြည့်နေမိသည် ။ ထိုစဥ် မိန်းကလေးက သူ့ မျက်နှာနားကို တိုးကပ်လာပြီး မထင်မှတ်သော အပြုအမှုကို စတင်ခဲ့သည် ။ ရုတ်တရက် သူ့ကို နမ်းလိုက်တာကြောင့် မျက်ဝန်းတို့ ပြူးကျယ်သွားရသည် ။ ထို့နောက် မိန်းကလေးက ထွက်သွားဖို့ပြင်ချိန်၌ ရှိုင်းသည် လက်ကို ဆွဲကာ ခါးကို တင်းတင်းဖက်ပြီး အနမ်းမိုးရွာနေမိသည်။ နူးညံ့သည့်အထိအတွေ့ကြောင့် ရှိုင်းကိုယ်တိုင် မက်မက်မောမော နမ်းရှိုက်မိခဲ့သည်။ သူ မျက်ဝန်းတို့ ခပ်ဖြည်းဖြည်း ဖွင့်လိုက်ချိန်၌ သူ နှင့် နမ်းနေသူမှာ မိန်းကလေးတစ်ယောက်မဟုတ်ဘဲ မိုးသောက်ယံဖြစ်နေခဲ့သည် ။ ရှိုင်း ထိတ်လန့်၍ တွန်းထုတ်လိုက်သည် ။ ထိုစဥ် ရှိုင်း အိပ်မက်မှ နိုးလာခဲ့သည် ။
"အား! "
ဒါ ဘယ်လို အိပ်မက်ကြီးလဲ ။ ဆိုးဝါးလိုက်တာ ။ သူနှင့် မိုးသောက်ယံက နမ်းနေကြသည်တဲ့လား ။
ကျစ်!
ရှိုင်း အလိုမကျစွာနှင့် ကျစ်ခနဲ စုတ်သတ်မိသည် ။ ဦးခေါင်းကလည်း တဆစ်ဆစ်နှင့် ထိုးကိုက်နေသည်။ မနေ့က အဖြစ်အပျက်ကြောင့် မန္တလေးမှ ရန်ကုန်ကို ချက်ချင်းပြန်လာခဲ့သည် ။ ထို့နောက် စိတ်ရှုပ်နေတာကြောင့် အိမ်မပြန်သေးဘဲ သူ အရက်တွေ သောက်ခဲ့ပြီး တက္ကစီငှား၍ ပြန်ခဲ့သည် ။ အဲဒီနောက်တော့ သူ အိပ်ရာပေါ်ကို ဘယ်လိုရောက်လာခဲ့တာလဲ ။ ရှိုင်း ပြန်တွေးကြည့်ပေမယ့် စဥ်းစား၍ မရပေ ။ ခေါင်းပိုကိုက်လာတာကြောင့် စဥ်းစားမနေတော့ဘဲ အိပ်ရာမှထကာ ရေချိုးဖို့ပြင်တော့သည်။
YOU ARE READING
ချစ်မိသူ အရှုံး ( Completed)
Romance📣( Season 1 + 2 ) Completed. Boy's Love Story . Own Creation . Thin Zar Moe Oo.