Unicode
ချစ်မိသူ အရှုံး
(အခန်း - ၁၁ )
မိုးသောက်ယံသည် ခေါ်သံကြား၍ မော့ကြည့်မိသည် ။
"ရှိုင်း "
" သူက ဟိုတစ်ခါ မင်းကို နှောင့်ယှက်ခဲ့တဲ့ကောင် မဟုတ်လား "
ရှိုင်းက မိုးသောက်ယံကို မေးပြီး အဂ္ဂမင်း၏ အင်္ကျီကော်လံကို ဆွဲပြီး ထရပ်စေလိုက်သည်။
"သူ့ကို လွှတ်လိုက် ရှိုင်း ။ သူက ငါ့ မိတ်ဆွေ "
"ဘာ!"
အဂ္ဂမင်း၏ အင်္ကျီကော်လံကို ဆုပ်ကိုင်ထားသည့် ရှိုင်း၏ လက်တွေ ပြေလျော့သွားသည်။
အဂ္ဂမင်းက အင်္ကျီကို သေသပ်အောင်ပြန်ပြင်ဆင်ပြီး ရှိုင်းကို မကျေမနပ်စိုက်ကြည့်သည်။ သူ့ ဒေါသနှင့်ဆို သည်လိုအပြုအမှုမျိုးကို ချက်ချင်းပင် ဆွဲထိုးပစ်မိမှာပင် ။ မိုးသောက်ယံ၏ ရှေ့မှာမို့ သည်းခံနေလိုက်ခြင်းပင် ။
"ဟုတ်တယ် ။ ဒါငါ့ရဲ့ မိတ်ဆွေ ၊ သူ့နာမည် အဂ္ဂမင်း "
ရှိုင်းသည် အချိန်တိုအတွင်း ရင်းနှီးသွားကြသော မိုးသောက်ယံနှင့် အဂ္ဂမင်းကို နားမလည်နိုင်စွာ ကြည့်မိသည် ။
"ကို "
ထိုစဥ် ရှိုင်း၏ ဘေးကို မဒီရောက်လာသည် ။ မဒီက ရှိုင်းကို ခေါ်လိုက်သည့် အသုံးအနှုန်းကြောင့် မိုးသောက်ယံ၏ ရင်ထဲ နင့်ခနဲ ခံစားလိုက်ရသည်။
"မိုးသောက်ယံက သူငယ်ချင်းအသစ် ရနေပြီပဲ ။ သူတို့ အေးဆေးနေကြပါစေ နော် ကို ။ မဒီတို့ သွားရအောင်
မဒီက ပြောပြီး ရှိုင်း၏ လက်ကို ကိုင်ပြီး သူပိုင်ဆိုင်ကြောင်း တမင် ပြသည် ။
မိုးသောက်ယံ၏ ရင်ထဲနာကျင်နေရသော်လည်း ဟန်ဆောင်ပြုံးထားလိုက်သည် ။ ထို့နောက် အေးစက်စက်လေက လေသံဖြင့် ပြောလိုက်သည် ။
" ထွက်သွားပေးနိုင်မလား ။ ငါတို့ လွတ်လွတ်လပ်လပ် နေချင်လို့ "
ရှိုင်းက မဲ့ပြုံးပြုံးသည် ။
"ကောင်းပြီလေ ။ ငါ မင်းကို အနှောင့်အယှက် မပေးတော့ဘူး ။ မဒီ ကိုယ်တို့ သွားရအောင် "
YOU ARE READING
ချစ်မိသူ အရှုံး ( Completed)
Romance📣( Season 1 + 2 ) Completed. Boy's Love Story . Own Creation . Thin Zar Moe Oo.
