Unicode
ချစ်မိသူ .... အရှုံး
(အခန်း - ၇ )
"ငါ မိုးသောက်ယံကို ကြည့်မရလို့ ။ ဟိုတစ်ခါ လူတွေရှေ့မှာ ငါ့ကို သူ အရှက်ခွဲခဲ့တယ် ။ အဲ့ဒါကြောင့် ငါ သူ့ကို တမင် လုပ်တာ မဒီ"
လမင်းက အေးဆေးတည်ငြိမ်စွာနှင့် ဖြေသည် ။
" နင်က ကြည့်မရလို့ဆိုပေမယ့် ငါ နဲ့ ရှိုင်းသာ နည်းနည်းနောက်ကျပြီးမှ ရောက်ခဲ့ရင် မိုးသောက်ယံ အသက်အန္တရယ်ရှိနိုင်တယ် ။ နင် သိရဲ့လား "
"အင်း ။ ငါ မှားမှန်းသိပါပြီ မဒီရယ် ။ ငါက သူ့ကို သင်ခန်းစာပေးချင်ရုံပါ ။ သူ အသက်အန္တရယ်ဖြစ်တဲ့ထိ မရည်ရွယ်ပါဘူးဟာ ။ နောက်ပြီး သူ ရေမကူးတတ်မှန်း ငါမှ မသိတာ "
"အေးပါ ။ ပြီးသွားပြီဆိုတော့ ထားလိုက်ပါတော့ ။ မိုးသောက်ယံက နင့်လက်ချက်ဆိုတာ မသိလို့ တော်သေးတယ် "
"အင်း ၊ ဟုတ်တယ် ။ ငါလည်း မိုးသောက်ယံနဲ့ အကြွေးမရှိတော့ဘူးဆိုတော့ နောက်သူ့ကို ပြသနာရှာစရာအကြောင်းမရှိတော့ပါဘူးဟာ "
"နင် အဲ့ဒီလိုလုပ်လို့ မဖြစ်ဘူး "
"ဟမ် ၊ ဘာလို့လဲ "
"နင် ငါ့ကို ကူညီရဦးမယ် လမင်း"
"ဘယ်လို ။ နင် ဘာကိုဆိုလိုတာလဲ မဒီ "
"ငါ နဲ့ ရှိုင်း နီးစပ်အောင် နင် ကူညီပေးရမယ် လမင်း ။ ပြီးရင် မိုးသောက်ယံကို ရှိုင်းနဲ့ အဆင်မပြေအောင် နင် လုပ်ပေးရမယ် "
"အဟင်း ...ဟင်း ၊ အေးပါ မေမဒီ ။ ငါ နင့်ကို ကူညီပေးမှာပေါ့ ။ ငါတို့က ညီအစ်မတွေပဲလေ "
မဒီ နှင့် လမင်းတို့ တစ်ယောက်နှင့် တစ်ယောက် ကြည့်ပြီး ရယ်မိကြသည်။ မဒီ နှင့် လမင်းဆိုတာ ငယ်ငယ်တည်းက အမြဲတတွဲတွဲပင် ၊ တစ်ခုခုဆို နှစ်ယောက်သား အတိုင်အဖောက်ညီကြသည်။
××××××××××××××××××××
" ငါ ပြန်တော့မယ် ။ နောက်နေ့မှ တွေ့တာပေါ့ "
YOU ARE READING
ချစ်မိသူ အရှုံး ( Completed)
Romance📣( Season 1 + 2 ) Completed. Boy's Love Story . Own Creation . Thin Zar Moe Oo.