Unicode
ချစ်မိသူ အရှုံး
( ဇာတ်သိမ်းပိုင်း )
နီညိုရောင် ရှပ်အင်္ကျီလက်ရှည်နှင့် စတိုင်ပင်ဘောင်းဘီအနက်ရောင် ဝတ်ထားသော လူငယ်လေးသည် ခြံဝန်းထဲကျယ်ကြီးထဲသို့ ဝင်လာသည် ။ သာယာလှပသော ညချမ်းမှာ အရောင်စုံသည့် မီးရောင်များကြား ထိုလူငယ်လေး၏ ကိုယ်ရောင်ဝါသည် တမူထူးခြားလျက် ခြံဝန်းထဲ၌ ရှိနေသူများ၏ အမြင်အာရုံကို ဆွဲဆောင်နေလေသည် ။
မိုးသောက်ယံသည် ရင်းနှီးနေသော ခြံဝန်းလေးထဲသို့ တစ်လှမ်းချင်း ဝင်လာခဲ့သည် ။ ခြံဝန်းကျယ်ကြီးထဲရှိ စေ့စပ်ပွဲ ကျင်းပရာ ခန်းမအလယ်၌ ဧည့်ခံနေသော စုံတွဲက သူ့ကိုမြင်သော် အပြေးရောက်လာသည် ။
"ကိုယ်တော်ချော ရောက်လာပြီပဲ ။ ငါ နင့်ကို မျှော်နေတာ "
ထိုစုံတွဲမှ ကောင်မလေးက သူ့ကို ပြုံး၍ ဆိုသည် ။
"အင်း ၊ ငါ ကိစ္စနည်းနည်းရှိလို့ နောက်ကျသွားတာ "
"ရပါတယ်ဟာ ။ ရောက်လာပေးတာပဲ ကျေးဇူးတင်တယ် "
မိုးသောက်ယံသည် မိမိ၏ ရှေ့၌ အပြာနုရောင်ဂါဝန်ရှည်ဝတ်ဆင်ထားပြီး အလှကြီးလှနေသော လမင်းကို ငေးကြည့်မိသည် ။ လမင်း၏ ဘေးမှာ သူ့ချစ်သူ ကိုနန္ဒက လိုက်ဖက်ညီစွာ ရှိနေသည် ။ သူတို့နှစ်ယောက်ကို ကြည့်ပြီး မိုးသောက်ယံ၏ ရင်ထဲ ကြည်နူးသွားရသလို တစ်ချိန်တည်းမှာပဲ ဆူးခနဲ နာကျင်သွားရသည် ။
"မိုးသောက် ၊ လမင်းနဲ့ အေးဆေး စကားပြောကြဦး ။ ကျွန်တော့် သူငယ်ချင်းတွေနဲ့ စကားသွားပြောလိုက်ဦးမယ် "
ကိုနန္ဒက အလိုက်သိစွာနှင့် နှုတ်ဆက်၍ စကားဝိုင်းမှ ရှောင်ထွက်သွားသည် ။
"ဒါနဲ့ ရှိုင်းရော အခြေအနေ ဘယ်လိုလဲ "
လမင်းက သူ့မျက်နှာကို ကြည့်၍ မဝံ့မရဲဟန်ဖြင့် မေးလာသည် ။
မိုးသောက်ယံ၏ မျက်နှာအမူအရာပျက်သွားရသော်လည်း လမင်းကို အားတင်း၍ ပြုံးပြလိုက်သည် ။
"အရင်အတိုင်းပါပဲ ။ နည်းနည်းတော့ တိုးတက်လာတယ်လို့ ဒေါက်တာကတော့ ပြောတယ် "
YOU ARE READING
ချစ်မိသူ အရှုံး ( Completed)
Romance📣( Season 1 + 2 ) Completed. Boy's Love Story . Own Creation . Thin Zar Moe Oo.