Unicode
Season - 2
ချစ်မိသူ အရှုံး
ဇာတ်သိမ်းပိုင်း ။
ပြတင်းပေါက်မှ တိုးဝင်လာသော နေရောင်ခြည်စူးစူးကြောင့် မိုးသောက်ယံ နိုးလာခဲ့ရသည် ။ သူ မျက်လုံးဖွင့်လိုက်သည်နှင့် ရှိုင်း၏ မျက်နှာချောချောကို ဦးစွာ တွေ့လိုက်ရသည် ။ မနေ့ညက အဖြစ်အပျက်တွေက မိုးသောက်ယံ၏ အာရုံထဲ အနှေးပြကွက်လို တဖြည်းဖြည်း ပုံပေါ်လာသည် ။ သူ မျက်နှာပူထူပြီး စောင်ဖြင့် ဖုံးလိုက်မိသည် ။
"နိုးပြီလား ယံယံ "
ရှိုင်း၏ အသံကြားတော့ သူ မျက်နှာကို အုပ်ထားရာမှ စောင်ကို ဖယ်ပြီး ကြည့်လိုက်သည် ။ ရှိုင်း၏ နူးညံ့သော အကြည့်နွေးနွေးက သူ့ရင်ကို လှိုက်ခနဲ ခုန်သွားစေသည် ။
"အင်း "
မိုးသောက်ယံ ထထိုင်လိုက်တော့ မျက်နှာရှုံ့မဲ့သွားသည် ။ သူ့ မျက်နှာကို ကြည့်နေသော ရှိုင်းက ရိပ်မိသွားသည် ။
"အဆင်ပြေရဲ့လား ယံယံ ။ နာနေတာလား "
ရှိုင်းက ပျာပျာသလဲ ဟန်ဖြင့် မေးပြီး ငေါက်ခနဲ ထထိုင်သည် ။ မိုးသောက်ယံ အရှက်သည်းစွာဖြင့် ခေါင်းခါလိုက်သည် ။
"ငါ....အဆင်ပြေတယ် "
မိုးသောက်ယံ အိပ်ရာက ထဖို့ပြင်သော် ခန္ဓာကိုယ်၌ အဝတ်အစားကင်းမဲ့နေကြောင်း သတိရသွားသည် ။ ရှိုင်း၏ အရှေ့က ဘယ်လိုထသွားရမလဲ သူ စဉ်းစားရကြပ်လာသည် ။ ထိုစဉ်...
"ဘာတွေတွေးနေတာလဲ "
ရှိုင်းက ပြောပြီး သူ့ကို အနောက်မှ ပွေ့ဖက်လာသည် ။ မိုးသောက်ယံ ခေါင်းခါလိုက်သည် ။
"ကိုယ် မင်းကို အရမ်းချစ်တယ် ယံယံ "
ရှိုင်းက တုန်ရီလှိုက်မောသည့် လေသံဖြင့် ဆို၍ သူ့ မေးစေ့ကို ဆွဲယူကာ နှုတ်ခမ်းပါးသို့ နမ်းရှိုက်လာသည် ။ မိုးသောက်ယံ ရှက်ရွံ့နေတာကို မေ့လျော့ပြီး ရှိုင်း၏ အနမ်းတွေကို တုံ့ပြန်နေမိတော့သည် ။
ဤသို့နှင့်......။
**************
"မိုးသောက်တို့ကို ကျွန်တော် မနက်ထဲက မျှော်နေတာ "
YOU ARE READING
ချစ်မိသူ အရှုံး ( Completed)
Romance📣( Season 1 + 2 ) Completed. Boy's Love Story . Own Creation . Thin Zar Moe Oo.