ခန့်ဝေယံကို မိခင်ဖြစ်သူနဲ့ တစ်မနက်လုံး စျေးပတ်ပြီး ၁၀နာရီခွဲပြီးမှာတော့ ထမင်းဗူးအိတ်လေးကိုင်ကာ ဆိုင်သို့ရောက်လာသည်။
"ကိုခန့် မင်္ဂလာပါ"
သူ့အား နှုတ်ဆက်လာကြသောဝန်ထမ်းများအား ပြန်ပြုံးပြရင်း
"အင်း အဆင်ပြေကြတယ်မလား"
"ဟုတ်ကဲ့"
"ကိုခန့် အခန်းထဲမှာ ဧည့်သည်ရောက်နေတယ်"
"ကိုခန့်ညီလေးလားလို့လေ"
"မနက်ကထဲကရောက်နေတာကိုခန့်"
တစ်ယောက်တစ်ပေါက်ဝိုင်းပြောလာသည်ကြောင့် ခန့်ဝေယံကိုချက်ချင်းတွေးမိသွားသည် ။ သေချာပေါက် မိန်း အစောရောက်နေသည်ပဲ ။
"ကျေးဇူးပါဗျ သွားလိုက်ပါဦးမယ်"
ထိုဝန်ထမ်းတွေအားနှုတ်ဆက်ပြီးတာနဲ့ သူ့အခန်းဆီဦးတည်လိုက်သည် ။ အပေါက်နားရောက်တော့တံခါးလက်ကိုင်ကိုကိုင်ကာ တွန်းဖွင့်ဖို့တွေးလိုက်ပြီးမှ
ဒေါက်...ဒေါက်
သူရောက်တဲ့အကြောင်း အသံအရင်ပြုကာဝင်လိုက်သည် ။
"အယ်"
ဆိုဖာခုံတန်းရှည်ထက် လှဲလျောင်းရင်း အိပ်ပျော်နေသော မိန်း ၊ ရှေ့မှစာပွဲပေါ်တွင်တော့ အနည်းမှတို့ထိထားခြင်းမရှိတဲ့ ကော်ဖီတစ်ခွက် ဆိုင်ကဝန်ထမ်းတွေချပေးထားတာထင်ပါရဲ့။
နှစ်ခြိုက်စွာအိမ်မောကျနေတဲ့ ပုံစံလေးမလို့ ခန့်ဝေယံကို ခြေလှမ်းဖွဖွလေးလှမ်းကာ အသံမမြည်စေရန်သတိထားပြီး ၊ ထမင်းဗူးအိတ်ကို စာပွဲပေါ်ချကာ တစ်ဖက်တွင်အသာဝင်ထိုင်လိုက်သည် ။
"ညကအိပ်ရေးပျက်ထားလို့များလား"
စိုင်းခွန်မိန်းက လက်ပိုက်ထားလျက်အိပ်ပျော်နေတာမလို့ သူ့ဒဏ်ရာကိုပါ ခန့်ဝေယံကို သတိတရနဲ့ကြည့်မိသည် ။
သွေးပြန်စို့ထားသောအနေအထားမှာ ထိုအတိုင်းပင်ပစ်ထားတာမလို့ သွေးစများပင်ခြောက်နေလေပြီ ၊ နှုတ်ခမ်းထောင့်ကတော့ ခြောက်သလိုရှိနေလို့တော်သေးသည် ။
أنت تقرأ
🏍 Crushကို ဒီလိုလိုက်မယ် ☕ (Completed)
العاطفيةအချစ်ဆိုတာ တစ်သက်လုံးနေလာတဲ့ cool guy type ကြီးကနေ ခဏချင်း cute boy typeကိုပြောင်းသွားစေတာမျိုး
