"ဆုံဆည်းရာ" မိဘမဲ့ဂေဟာကအပြန် ကားလေးသည် အလာတုန်းကနဲ့ကွာခြားလှစွာ တိတ်ဆိတ်လွန်းနေသည် ။
သွင်မင်းကမောင်းသူနေရာမှာရှိနေပြီး အဂ္ဂပိုင်ကဘေးခုံမှာ အိပ်ပျော်နေလေပြီ ၊ ထိုနည်းတူ အလယ်ခုံက ဖြိုးထက်အောင်နဲ့ မြတ်နိုးကလည်းအိပ်နေကြသည် ။
နောက်ဆုံးခုံတွင်တော့ လက်အချင်းချင်းကို မသိမသာပွတ်ချေရင်း တစ်ဖက်ကိုခေါင်းအတင်းလှည့်တားတဲ့ ကောင်လေးအား ၊ ဘေးဘက်ကိုမှီ၍ အားရပါးရထိုင်ကြည့်နေတဲ့ ကောင်လေးတစ်ယောက်ရှိသည် ။
ပြဿနာပါပဲ ချစ်တယ်ပဲပြောရသေးတာကို ကိုကိုကအကြည့်ချင်းကိုမဆုံတော့ဘူး ၊ အသဲယားလွန်းလို့ ရင်ခွင်ထဲဆွဲဖျစ်ညစ်ပြီး အတင်းဖိကပ်နမ်းပစ်ချင်တော့တာပဲ ။
"ကိုကို ရေဗူးရော"
"အိတ် အိတ်ထဲပြန်ထည့်ထားတယ်"
ခေါင်းညောင်းနေမည်စိုး၍ စိတ်ပြောင်းပေးဖို့ရည်ရွယ်ပေမယ့် လှည့်ပင်ကြည့်မလာခဲ့ ။
"မတွေ့ဘူးရော"
အလိုမကျဟန်အသံလေးနဲ့ပြောတော့ လှည့်လာပြီး ရှာပေးလာသည် ၊ သို့သော်အကြည့်ချင်းမဆုံလာသေး ။
"ကိုကို"
"အင်း"
"ကျွန်တော့်ကိုကြည့်"
"ဘာ ဘာလို့လဲ"
"ကြည့်ပါဆို"
စိုင်းခွန်မိန်းရဲ့ မကြည်သလိုလေသံလေးကြောင့် ခန့်ဝေယံကိုမရဲတရဲလေး မော့ကြည့်မိသည် ။ သူအေးဆေးတည်ငြိမ်သလို နေနေပေမယ့် အဒီကောင်လေးရဲ့စူးရှရှအကြည့်တွေကို ရင်မဆိုင်ရဲသေး ။
"ကျွန်တော့်ကို လစ်လျူရှုနေတာလား"
"မဟုတ်တာ"
"ကိုကိုက စကားလည်းမပြောဘူးလေ"
"ပြောပါတယ် ကိုယ်က အဒါက..."
ပြောဖို့စကားရှာမရဖြစ်နေတဲ့ ခန့်ဝေယံကိုပုံစံကြောင့် စိုင်းခွန်မိန်းက သက်ပြင်းတိုးတိုးချကာ ၊ အချင်းချင်းဖိချေနေသော လက်ကလေးတွေပေါ်ထပ်ကိုင်လိုက်လျက်
"ကျွန်တော့်ကို မုန်းလား"
"ဟင်"
"ကျွန်တော်ကို မုန်းသွားပြီလားလို့"
YOU ARE READING
🏍 Crushကို ဒီလိုလိုက်မယ် ☕ (Completed)
Romanceအချစ်ဆိုတာ တစ်သက်လုံးနေလာတဲ့ cool guy type ကြီးကနေ ခဏချင်း cute boy typeကိုပြောင်းသွားစေတာမျိုး
