ဒီနေ့လည်း မနေ့ကလိုပဲ ခန့်ဝေယံကိုရဲ့ နားရွက်ထိပ်ဖျားလေးတွေက စိုင်းခွန်မိန်းကြောင့် နီရဲနေရပြန်သည် ။
"ကိုကို"
"အင်း"
သူ့နှုတ်ခမ်းတို့ဆီမှာသာရစ်ဝဲနေသော စိုင်းခွန်မိန်းအကြည့်တို့ကြောင့် ခန့်ဝေယံကိုမှာ ခေါင်းပင်သိပ်မဖော်ရဲသည်အထိ ။
ခက်တယ် ၊ ခက်တယ် အဒီလိုမထိတထိ အမူအယာလေးတွေလုပ်ပြနေမှတော့ ဒီလူကခံနိုင်ရိုးလား ကိုကိုရာ ။ သူဖြစ်နေရုံနဲ့တင် ရူးခါနေတာကို ၊ အသဲယားအောင်လာမြူစွယ်နေသလားဗျာ ။
စိတ်ရှိတိုင်းသာ ဖျစ်ညစ်မိရင် ကြောက်ပြီးငိုတော့မယ်ထင်သည် ။ ပထဆုံးအနမ်းမှာတင် စိတ်မထိန်းစွာ နှုတ်ခမ်းနူ့အိအိလေးအား အချိန်အတော်ကြာ မလွတ်ပေးပဲနမ်းမိလို့ သူ့ကိုအတော်လန့်သွားသည် မဟုတ်လား ။
"မိန်း"
စူးရှရှအကြည့်တို့နဲ့ စိုက်ကြည့်နေတာကြောင့် ခန့်ဝေယံကို မရဲတရဲလေးနဲ့ ခေါ်လိုက်ရသည် ။
"ဗျာ..."
ဆွဲဆွဲငင်ငင်နဲ့ထူးလာသော အသံကြောင့် တဖန်အူယားမိတာက သူ ၊ အဒီကောင်လေးကလေ တကယ်ကို အမျိုးမျိုးနဲ့ ခြွေတတ်လွန်းနေတာ ။
"ကိုယ်ဒီနေ့လေ ဆိုင်အတွက်လိုအပ်တာ နည်းနည်းသွားဝယ်စရာရှိတယ်"
"ကျွန်တော်နဲ့အတူတူသွားမယ်လေ"
"အင်း"
ခေါင်းလေးတဆက်ဆက်ငြိမ့်ပြကာ ပြုံးရယ်လျက်ပြောသော ချစ်ရသူလေးအား စိုင်းခွန်းမိန်းအား အမိအရကြည့်သည် ။
ကိုကိုကရယ်လိုက်ရင်လည်း သိပ်လှတာ ။
"ကိုကို ကျွန်တော်ပြောပြမယ် ကျွန်တော်ကိုကြည့်"
သူပြောလိုက်တော့လည်း ကြည်တောက်တော်မျက်ဝန်းလေးတွေက အလေးအနက်ဖြင့် ကြည့်လာသည် ။
"ကိုကိုလုပ်ချင်တာ ၊ ကိုကိုသွားချင်တာ ၊ ကိုကိုဖြစ်ချင်တာအားလုံး ဘာမဆို ကျွန်တော်ကိုပြောလို့ရတယ် ၊ အားနာစရာလည်း မလိုဘူး ၊ စိုးရိမ်စရာလည်းမလိုဘူ ဟုတ်ပြီလား"
YOU ARE READING
🏍 Crushကို ဒီလိုလိုက်မယ် ☕ (Completed)
Romanceအချစ်ဆိုတာ တစ်သက်လုံးနေလာတဲ့ cool guy type ကြီးကနေ ခဏချင်း cute boy typeကိုပြောင်းသွားစေတာမျိုး
