မြသုခစံအိမ်ကနေပြန်လာကထဲက စိုင်းခွန်မိန်းက ခန့်ဝေယံကိုအနားကမခွာ အတင်းလိုက်ကပ်နေသည် ။ ခန့်ဝေယံကိုမှာ သူဘယ်သွားသွား တကောက်ကောက်လိုက်နေတဲ့ သူ့ရဲ့ပီကေလိုခွေးပေါက်လေးကြောင့် သူ့မှာဘာမှ ကောင်းကောင်းမလုပ်ရ ။
ဘာများဖြစ်သလဲဟုစိုးရိမ်စွာမေးကြည့်တော့ ပြန်ဖြေလာသည့် အဖြေကြောင့် သူ့မှာရက်ရခက် ငိုရခက် ၊ "နောက် ၂ရက်နေရင် မေမေပြန်လာတော့မှာဆို"တဲ့ ။
အခုလည်း ကုတင်ထက်တွင် ခန့်ဝေယံကိုက laptopနှင့် ကိုရီးယားဇာတ်လမ်းတွဲ ထိုင်ကြည့်နေတာကို စိုင်းခွန်မိန်းက သူ့ပေါင်ပေါ်ခေါင်းအုံးကာနေရင်းနဲ့ ဝမ်းဗိုက်ကိုမျက်နှာကပ်ကာ ခါးကိုဖက်ထားလျက် နေနေပြန်သည် ။
"အင့်"
ကြားလိုက်ရတဲ့ ရှိုက်သံတိုးတိုးလေးကြောင့် စိုင်းခွန်မိန်းမှာ ပျာယာခက်သွားရကာ ငုတ်တုပ်ထထိုင်မိသည်အထိ ။
"ဘာဖြစ်လို့လဲကိုကို"
နှာသီးဖျားလေးတောင်နီရဲနေတာမလို့ စိုင်းခွန်မိန်းစိတ်ပူသွားရသည် ။
"သူပျောက်သွားတော့မှာ"
"ဘယ်သူ"
"သနားပါတယ်"
လက်ညိုးလေးက laptop ကို ညွှန်ပြလာတာမလို့ စိုင်းခွန်မိန်းလှည့်ကြည့်လိုက်တော့ မင်းသားရဲ့ရင်ဖက်ကဓားအား မင်းသမီးကဆွဲထုတ်နေသည့်အခန်း ။
ချစ်ရသူကနှာတရှုံရှုံလုပ်နှင့်ပင် မျက်ရည်ဝဲနေကြောင့် စိုင်းခွန်မိန်းမှာ အရင်လိုပဲ နှစ်သိမ့်ပေးဖို့စကားရှာရတော့သည် ။ Goblin ဆိုသည့် ဒီဇာတ်လမ်းတွဲကိုသိပ်ကြိုက်ပါသည်ဟုဆိုကာ ခဏခဏကြည့်ပြီး ခဏခဏဝမ်းနည်းတတ်သည် ။
ဘယ်လိုတောင်ချစ်စရာကောင်းနေမှုကြီးလဲ ။
"မောမယ်လေကိုကိုရယ်"
ပါးပြင်နုနုလေးအားကိုင်ကာက ချော့ပြောပေမယ့် စကားပြန်မလာ စူပုတ်ပုတ်လေးဖြစ်ချင်လာသည် ။
YOU ARE READING
🏍 Crushကို ဒီလိုလိုက်မယ် ☕ (Completed)
Romanceအချစ်ဆိုတာ တစ်သက်လုံးနေလာတဲ့ cool guy type ကြီးကနေ ခဏချင်း cute boy typeကိုပြောင်းသွားစေတာမျိုး
