အစည်းအဝေးပြန်စပြီး ကိုယ်စီတာဝန်ယူနေတဲ့ projectတွေအား ၊ အပြိုင်ရှင်းပြဆွေးနွေးကြသော်လည်း ၊ ဝင်ငွေ No.1နေရာမှာရှိနေတဲ့ London project တာဝန်ခံဖြစ်တဲ့ စိုင်းခွန်မိန်းကတော့ ခပ်တည်တည်ပင်ထိုင်နေကာ တစ်ခွန်းမှဝင်မပြော ။
ဦးစိုင်းမောင်ဟိန်းက သူ့အနောက်မှာရပ်နေတဲ့ သူ၏လူယုံကိုယ်ရံတော်တစ်ယောက်အား အနားလာဖို့အချက်ပြလျက် ၊
"မင်းတို့သခင်လေးကိုပြောလိုက် တစ်ခုခုထပြောဦး"လို့
သားတော်မောင်က သူ့ကိုကို ဆိုင်မှ ကြိုတင်အကြောင်းမကြားပဲ မုန့်မှာခြင်းအား အခဲမကျေစွာ ၊ သူ့ကိုမျက်လုံးချင်းပင်မဆုံတာကြောင့် ထိုသို့ခိုင်းလိုက်ရခြင်းဖြစ်သည် ။
ထိုသူက စိုင်းခွန်မိန်းအားသွားပြောပြီးတာနဲ့ သူ့အနားပြန်ရောက်လာတာ ၊ မျက်နှာထက်ကြောက်ရွံ့ခြင်းများနှင့်
"ဟို သခင်လေးက ဥက္ကဌကြီးရှေ့က laptopက အလှချထားတာမဟုတ်ဘူး"လို့ပြောခိုင်းလိုက်ပါတယ် ။
"ဒီခွေးစုတ်ကောင်လေးကတော့"
စိုင်းခွန်မိန်းဆိုသည်မှာ သူ့သားပီသလွန်းစွာ သူ့ဆီကအမွေအကုန်ယူသည် ။ တူလွန်းနေတာထက်ပိုတာကြောင့် ဦးစိုင်းမောင်ဟိန်းမှာ တစ်ဦးတည်းသောသားလေးအား အပြစ်ဟုလည်းမဆိုသာ ။
၄နာရီထိုးပြီးမှာတော့ သူတို့ရဲ့ဂုဏ်ဖော်ပြိုင်ကြွားခြင်း အစည်းဝေးကြီးပြီးသွားကြသည် ။ ဥက္ကဌကြီးထွက်သွားတာနဲ့ ကျန်ခဲ့တဲ့သူထဲမှတစ်ဦးက စိုင်းခွန်မိန်းအား
"မောင်ရင် လာတာနောက်ကျတယ်နော် ၊ လူငယ်ဖြစ်ပြီး လူကြီးတွေထက်အရင်ရောက်သင့်နေတာကို"
ပြန်မလို့လုပ်ပြီး ထရပ်ရုံရှိသေး လာပြောလာတာကြောင့် စိုင်းခွန်မိန်းစိတ်လေသွားရသည် ။
"အစည်းအဝေးကဘယ်နှစ်နာရီလဲ အန်ကယ်"
"၂နာရီလေ"
"ဆိုတော့ ကျွန်တော်နောက်ကျတာလား"
"ဘာဖြစ်တယ်"
"၂နာရီစမယ့်အစည်းအဝေးကို ၂နာရီရောက်တာနောက်ကျတာလား"
"လူကြီးတွေအားလုံးမင်းထက်စောရောက်နေကြတာ"
YOU ARE READING
🏍 Crushကို ဒီလိုလိုက်မယ် ☕ (Completed)
Romanceအချစ်ဆိုတာ တစ်သက်လုံးနေလာတဲ့ cool guy type ကြီးကနေ ခဏချင်း cute boy typeကိုပြောင်းသွားစေတာမျိုး
