နီးကပ်လာသော.... ခြေလှမ်းများ.....
ထမင်းစားပြီးတာနဲ့ လူကြီးတွေနဲ့ခဏစကားပြောကြသည်။ တခြားမိသားစုတွေက ဒီအချိန်မှာ အနားယူကြပြီဆိုပေမဲ့...ဒီမိသားစုကတော့ အနားမယူနိုင်ကြသေးပါ။ နေ့တိုင်းမိသားစုဆုံတာမရှိသလို ဆုံတဲ့အချိန်ကိုတော့ တန်ဖိုးထားတတ်ကြသည်။ စကားပြောရင်း ပြောရင်း အချိန်နောက်ကျလို့ နောက်ကျနေမှန်းတောင်မသိလိုက်ကြ။
ဒီနေ့ရဲ့ အဓိက ပြောဖြစ်တဲ့အကြောင်းအရာကတော့...ကားအကြောင်းပါပဲ။ အတက်ကြွဆုံးဆွေးနွေးသူကတော့ အများသိကြတဲ့အတိုင်း.....ဒေါ်ဝတ်ရည်ပေါ့။ ဖြစ်နိုင်ရင် လင်းသန့်ကြည်က သေးနိုင်သမျှသေးသည့်ကားမျိုးကို လိုချင်သည်။ ရန်ကုန်မှာအဝင်အထွက်က ကားသေးလေ ကောင်းလေမှလား။
ငွေလဲ သိပ်မကုန်စေချင်တော့.....toyota vits ဒါမှမဟုတ်ရင် honda fit လောက်ပဲလိုချင်သည်။
ဝတ်ရည်က brand new ကိုလိုချင်နေသည်။ ကားကိုလဲ sport type ခပ်မြင့်မြင့်လိုချင်သည်။ နယ်ဝေးခရီးထွက်သည့်အခါအဆင်ပြေတာမျိုးပေါ့။
လင်းသန့်ကြည်မှာ ဝတ်ရည်ကို ပြူးကြည့်နေရသည်။တစ်ခုပဲ အလစ်အငိုက်ခံမယ် မိဝတ်ရည်ရေ......
အားလုံးတော့ နင့်သဘော အဖြစ်မခံနိုင်ဘူး.....
ဒီတစ်ခုတောင် လူကြီးတွေက တိုက်တွန်းလို့နော်....ဟွန်း....
လင်းသန့်ကြည်မှ ဝတ်ရည် လူလည်ကျသမျှကို လူကြီးတွေကိုလဲ မတိုင်ရဲတော့ ကြိတ်ခံနေရသည်။နောက်ဆုံးတော့....ပါပါးနဲ့ အန်တီထားက လင်းသန့်ကြည်ဖြစ်စေချင်တာကိုသာ အကြမ်းဖျင်းလက်ခံကြသည်။ သူငယ်ချင်းနှစ်ယောက် အလုပ် သွားရုံ ပြန်ရုံအတွက်ပဲမို့ တော်သင့်ရုံ တစ်ပတ်ရစ်ထဲက သန့်တာလေးကိုရှာဝယ်ဖို့ပဲ ပြောသည်။
စကားပြောလို့ ပြီးတော့ ဆယ်နာရီကျော်နေပြီ။
အားလုံးကို နှုတ်ဆက်ကာ လင်းသန့်ကြည် အခန်းထဲဝင်လာခဲ့တော့သည်။ မေမေနဲ့ဖွားဆီ ဖုံးဆက်ရမည်လေ။ဝတ်ရည်နဲ့ အန်တီရှိန်တို့ တူဝရီးလဲ အခန်းထဲဝင်ကြပြီ။
မနက်ဖန်တော့ ဂျူတီအရမ်းကြီးစောစောမဝင်ရပေမဲ့
ဆရာဝန်ကြီး round တဲ့နောက်ကို နှစ်ယောက်လုံး လိုက်ကြရမည်။
စောစောနားတော့မည်။
YOU ARE READING
မိုးကောင်းကင်နှင့်ကမ္ဘာမြေ....ချစ်ခြင်းသက်သေ
Romanceမိုးကုပ်စက်ဝိုင်းနဲ့ ကမ္ဘာမြေကြီး ထိစပ်သွားသလိုထင်ခဲ့မိတဲ့ အချိန် ကလေးတိုင်းမှာရှိခဲ့ဖူးပါတယ်။ ဘယ်တော့မှ မထိစပ် မဆုံတွေ့ဘူးဆိုတာ သိနေတဲ့အရွယ်ရောက်သည့်တိုင်အောင် ကျွန်တော် မိုးကုပ်စက်ဝိုင်းနဲ့ကမ္ဘာမြေကြီး ဆုံတွေ့ပါစေလို့ ဆုတောင်းမိဆဲ....