သူ့သာလျှင်....
ဘဂျမ်းဒေါသကြောင့် လူတစ်ကိုယ်လုံးတုန်နေတော့သည်။ ဂိတ်ကပြေးဆွဲတဲ့လူတွေကိုလဲ ကန် ကျောက်လွှတ်တာမို့အားလုံးကြည့်ပဲ ကြည့်နေကြရတော့သည်။
မကျေနပ်...... လူပါးဝလှတဲ့ ဒီလူမိုက်တွေကို ဘဂျမ်း ဒီလောက်လုပ်ရတာကိုပင် မကျေနပ်။ ဟိုဘက်က ကောင်ကိုလဲဝင်းလှိုင်က ဆွဲထားသည်။ ဆက်ပြီးရန်မဖြစ်ခိုင်းတော့။
"လူ......ပါး.....ဝ....လိုက်......တာ....ကွာ"
လူကိုမလုပ်ရတော့ ဘဂျမ်းဒေါသတကြီးအော်သံသည် ဟိန်းထွက်နေတော့သည်။
လင်းသန့်ကြည် ဘဂျမ်းကိုယ်လုံးကြီးကို မနိုင်မနင်းဆွဲထားရရှာသည်။
တကယ်က ဘဂျမ်း အော်ပဲနေတာ....ရုန်းကန်နေတာမဟုတ်ဘူး။ သူ့ကိုဆွဲထားတဲ့ အားကို သူသိတယ်လေ။ သူတစ်ချက်ရုန်းကိုမရှိတာ။
ဒါကြောင့် ဒေါသတွေကို အော်ဟစ်ပြီးထုတ်နေရတာ။
ဘဂျမ်း အော်လေ.... သူက ဆွဲလေ။
"တော်ပြီ....တော်ပြီ ဘဂျမ်း.....စိတ်လျှော့တော့"
ခုမှ အသံလေးထွက်လာပြီး ဘဂျမ်းကိုတော့မလွှတ်..
"ဆရာ.....သွားတော့...ဒီနေ့...ဒီကောင်တွေနဲ့အပြီးရှင်းမယ်"
ဘဂျမ်း....သူ့ကိုဆွဲထားတဲ့ လက်ကလေးကိုဆွဲဖယ်ရင်း ပြောသည်။
"ဟင့်အင်း ဟင့်အင်း......မကောင်းတဲ့လူနဲ့ရန်ဖြစ်ရင် ဘဂျမ်းမကောင်းတဲ့လူဖြစ်သွားမှာပေါ့.....ရန်မဖြစ်ရဘူး...ရန်မဖြစ်ပါနဲ့"
ဘဂျမ်းလက်ကိုဆွဲထားတဲ့ သူ့လက်ကိုဆွဲဖြုတ်တော့ ဘဂျမ်းခါးကို အတင်းဆွဲဖက်ရင်း ...ပြောပြန်သည်။
"ဟာဗျာ....ကျွန်တော် ရန်ဖြစ်ရတာ ဆန့်တငင်ငင်နဲ့...ဒီကောင်တွေ လူပါးဝတယ်ဗျ....ဆရာ..သွားပါဗျာ"
ဘဂျမ်းက အတင်းနှင်လွှတ်....သူက အတင်းဆွဲဖက်ထား....ဘဂျမ်း ရှေ့တစ်လှမ်းတိုးရင် သူက ဒရွတ်တိုက်ခါးကိုဖက်လျက်သားနဲ့ပါလာ.....အတော်ကြည့်ကောင်းနေတော့တာ။
မဖြစ်သေးပါဘူး...
ကိစ္စမြန်မြန်ဖြတ်ပြီး ဆေးရုံလိုက်ပို့လိုက်မှအေးမှာပါ။
"ပေး...ကျုပ်ပိုက်ဆံ သုံးသောင်း.......ခုချက်ချင်းပေး....တခြားဂိတ်မှာ သွားဆွဲမယ်....အေး....သွားရင်း လာရင်းတော့ ကျုပ်နဲ့မတွေ့ကြမိစေနဲ့.....ဘဂျမ်းကို ထပ်လူပါးဝရင်တော့လား...လူသတ်ပြီး ထောင်ထဲဝင်မယ်"
YOU ARE READING
မိုးကောင်းကင်နှင့်ကမ္ဘာမြေ....ချစ်ခြင်းသက်သေ
Romanceမိုးကုပ်စက်ဝိုင်းနဲ့ ကမ္ဘာမြေကြီး ထိစပ်သွားသလိုထင်ခဲ့မိတဲ့ အချိန် ကလေးတိုင်းမှာရှိခဲ့ဖူးပါတယ်။ ဘယ်တော့မှ မထိစပ် မဆုံတွေ့ဘူးဆိုတာ သိနေတဲ့အရွယ်ရောက်သည့်တိုင်အောင် ကျွန်တော် မိုးကုပ်စက်ဝိုင်းနဲ့ကမ္ဘာမြေကြီး ဆုံတွေ့ပါစေလို့ ဆုတောင်းမိဆဲ....
