Unicode
နွေကျောင်းပိတ်တော့ လောင်းရိပ်တကယ်ပြန်လာပါသည်။ ထိုနေ့က မနက်စောစော မောင်တို့အိမ်ရှေ့၌ရပ်ကာ မောင်တို့ကို တကြော်ကြော် အော်ခေါ်နေ၏။
"ကိုကို.... ကိုကိုပြန်လာပြီ "
မေက အရင်ဆုံးထွက်လာပြီး လောင်းရိပ်ဆီသို့ ထော့နဲ့နဲ့ ခြေထောက်လေးဖြင့် ပြေးလာလေသည်။ အရှိန်ပါသည်မို့ လောင်းရိပ်နားမရောက်ခင် လဲကျတော့မည့် အခိုက် ဖမ်းဆွဲထားလိုက်ရပါ၏။
မောင်ထွက်လာတော့ သူတို့နှစ်ယောက်မှာ ဖက်ထားသည့်ပုံစံဖြစ်နေသည်။
ဦးရိပ်က မေ့ကို တော်တော်ချစ်တာပဲ ၊ မောင့်စိတ်ထဲမှာ ထိုအရာက စွဲနေပြီလေ။ နည်းနည်းဖြစ်ဖြစ်နေသာထိုင်သာ ရှိတော့မယ်ထင်နေတာ ၊ မရသေးဘူးပဲ..။
"မောင်..."
လောင်းရိပ်က မောင့်ကို လက်ပြနှုတ်ဆက်လိုက်တော့ မောင် သူတို့နားသို့ လျှောက်သွားလိုက်ပါသည်။ မေက မတ်တတ်တည့်တည့်ရပ်လိုက်ပြီး မောင့်ဘက်ကို လှည့်ပြုံးပြလေသည်။ပြီးမှ
"ကိုကို့ကို မေတို့က လွမ်းနေတာ "
"ကိုကိုလည်း.မေတို့ကို လွမ်းပါ့ဗျာ၊ မေကတော့ ဟုတ်ပါပြီ မောင်ကကော ကိုယ့်ကို မလွမ်းဘူးလား "
"လွမ်းပါတယ် ၊ ဦးရိပ်ပဲ မောင့်အတွက် လက်ဆောင် ဝယ်လာခဲ့မယ်ဆို "
"လက်ဆောင်ကို မျှော်နေတယ်ပေါ့ "
မောင့်ဆံပင်လေးကို ဖွလိုက်ပြီး ပြောလိုက်တော့ မောင်က ပြုံးပြသည်။ တောက်တောက်ပပလေး မရှိတော့ပေ ။ ကြားရက်တွေထဲမှာ မောင့်အပြုံးတွေ ဘာလို့ မှိန်မှိန်သွားရတာလဲ ။
"လက်ဆောင်ရော လူရောပါဗျ"
"လက်ဆောင်ကပါပါတယ် ၊ မေ့အတွက်က ကြီးကြီးဆီမှာ သွားယူချည်..မောင့်အတွက်က.."
လောင်းရိပ်စကားတောင် မဆုံးသေး မေကတော့ "ဟုတ် "တစ်လုံးသာ ပြောပြီး လောင်းရိပ်အိမ်ဆီသို့ ပြေးလေသည်။
"မောင့်အတွက်က ဘယ်မှာလဲ "
"ဒီမှာ "
လက်ရှည် အကျီအိတ်ကပ်ထဲ၌ ပါလာသော ချောကလတ်အတောင့်လေးအား ထုတ်ပေးတော့ မောင်မျက်နှာမှာ မမှေးမှိန်သော အပြုံးလေး ဖြတ်ပြေးသွားသည်။
YOU ARE READING
နားခိုခွင့် /နားခိုခြင့္ {Completed }
Romanceငယ်ငယ်လေးကတည်းက ပတ်ဝန်းကျင်ကြောင့် စိတ်ထဲမှာ နာကျင်မှုတွေပဲ ပြည့်နေခဲ့တဲ့မောင် ...။ ညီမလေးကို သူ့ကြောင့် ထပ်ဆုံးရှုံးလိုက်ရတဲ့အခါ .... သူနားခိုရမယ့် ရင်ခွင်က နာကျင်မှုတွေကို သက်သာနိုင်ပါ့လား ၊ နွေးထွေးနိုင်ပါ့မလား ။ မောင်ပြုံးပျော်နေနိုင်မှာလား။ လော...
