Unicode
"ဟိုး.....နိုး...နိုး "
တားလိုက်သည့် အသံစူးစူးလေးက အိမ်အပြင်ကပင် ကြားနေရသည် ။
"ဒိုဒို...ကြိုက်ဘူး "
ငြင်းဆိုနေသည့် တီတီတာတာ အသံလေးက စူပုပ်နေသည့် နှုတ်ခမ်းလေးမှ ထွက်လာသောကြောင့် လုံးလုံးထွေးထွေး ။
သေချာပြီ ။ မကြာခင် ရန်ဖြစ်တော့မည်။"မကြိုက်လည်း စားရမယ်လေကွာ ဒါမှ ကြီးလာရင် ချောမှာ "
"ဟင့်.... ကြိုက်ဘူး...ဒိုဒိုကြိုက်ဘူးဆိုနေ"
"မစားရင် ကြောင်ကြီး ကိုက်မှာနော် "
"ဟင့်....ဒိုဒို ကြိုက်ဘူးဆို..."
"မောင်ရာ ကလေးမကြိုက်လည်း ဆက်မကျွေးပါနဲ့တော့"
အမြဲအလိုလိုက်နေတတ်သော လောင်းရိပ်၏ အသံက တံခါးဝမှ ပျံလွင့်လာတော့ ကလေးလေးက လောင်းရိပ်၏ ခြေသလုံး တစ်ဖက်ကို အပြေးလေး လာဖက်သည် ။
ဆေးရုံက ပြန်လာပြီကိုး ။"ဦးရိပ်က အမြဲလိုက်ကာနေတာပဲ အဲ့ဒါကြောင့် ဒိုဒိုက ရောင့်တက်နေတာ "
"ဒီအရွယ်က အတင်းအကြပ်လုပ်လို့ မရဘူးလေ မောင်ရယ် "
ခြေသလုံးကို မလွတ်တမ်း ဖက်ထားသော ကလေးအား ကောက်ချီလိုက်ပြီး ပေရေနေသော နှုတ်ခမ်းတစ်ဝိုက်ကို လက်ဖြင့် သုတ်ပေးလိုက်သည် ။
"မလုပ်ပါဘူး ဒိုဒိုကိုက ဂျစ်တိုက်နေတာ "
"ဟုတ်ဘူး ဒိိုဒို လုပ်ဘူး"
လက်ကလေး နှစ်ဖက်ကို ယမ်းလျက် သူ့အပြစ်မဟုတ်ကြောင်း ပြောနေပုံက ချစ်စရာကောင်းလွန်းလှသဖြင့် ဒိုဒို၏ ပါးနုနုလေးကို လောင်းရိပ် နမ်းပစ်လိုက်သည် ။
"ကလေးဖြစ်ပြီး ညာရင် ညကျ ကြောင်ကြီးကိုက်မှာ "
"ဟင့်...ဒိုဒို ကြောက် "
ဒိုဒိုက လောင်းရိပ်၏ လည်တိုင်ကို ကုပ်တွယ်ပြီး အပေါ်သို့ တိုး၍သာ တက်နေတော့သည် ။
"မောင်..... ကလေးကို မစနဲ့တော့ကွာ "
လောင်းရိပ်နှင့် ဒိုဒို့ကို ကြည့်နေသည့် မောင်ကတော့ တဖြေးဖြေး နှုတ်ခမ်းစူလာလေပြီ ။
YOU ARE READING
နားခိုခွင့် /နားခိုခြင့္ {Completed }
Romanceငယ်ငယ်လေးကတည်းက ပတ်ဝန်းကျင်ကြောင့် စိတ်ထဲမှာ နာကျင်မှုတွေပဲ ပြည့်နေခဲ့တဲ့မောင် ...။ ညီမလေးကို သူ့ကြောင့် ထပ်ဆုံးရှုံးလိုက်ရတဲ့အခါ .... သူနားခိုရမယ့် ရင်ခွင်က နာကျင်မှုတွေကို သက်သာနိုင်ပါ့လား ၊ နွေးထွေးနိုင်ပါ့မလား ။ မောင်ပြုံးပျော်နေနိုင်မှာလား။ လော...