Unicode
လူတိုင်းလူတိုင်း သူတို့ ပြိုလဲသွားတဲ့အချိန် နားခိုလို့ရမယ့် ရင်ခွင်တစ်စုံတော့ ပိုင်ဆိုင်ချင်ကြမှာပဲလေ ။
ဒါပေါ့...။ မောင်လည်း ပိုင်ဆိုင်ချင်ခဲ့တာပေါ့ ။
ပြိုလဲမိတိုင်း မောင်ရဲ့ အနောက်ကို ပြန်ကြည့်လိုက်တယ် ။ဟုတ်တယ် ။ ဘယ်သူမှ မရှိဘူး ။ ထူပေးမယ့်သူ ဘယ်သူမှ မရှိခဲ့ဘူး ။
ဒါပေမဲ့ မောင့်ကို ကံတရားက အဲ့လောက်ကြီး မရက်စက်ချင်ဘူး ထင်ပါရဲ့ ။
မောင့်အတွက် ရင်ခွင်တစ်ခုကို ဖန်ဆင်း ပေးတယ် ။
နားခိုခွင့် အပြည့်အဝ ရှိမယ့် ရင်ခွင်ပေါ့ ။ခိုလုံရတာတောင် ခဏလေးပဲ ရှိသေးတယ်... အဲဲဒီ ရင်ခွင်နွေးနွေးလေးကို စွန့်ခွာရက်ပါ့မလား ...
တတ်နိုင်သလောက် ဖမ်းဆုပ်ထားမှာပေါ့...
ဒါကြောင့် လက်လျှော့ချင်နေခဲ့တဲ့ မောင့်ရဲ့ဘဝ... ၊ အသက်...၊ စိတ်ဒဏ်ရာ.... အရာရာကို သူနဲ့အတူ ရင်ဆိုင်ဖို့ မောင် ရွေးချယ်လိုက်တော့တယ်....
...."မောင် လမ်းလျှောက်လို့ မရသေးဘူးလား "
"အင်း "
"ကျောက်ပတ်တီးကို လက်ရော... ခြေထောက်ကို အတူတူဖြည်တာပါ...
ဒါပေမယ့် ဖြည်ပြီးကတည်းက လက်ကိုကျ လှုပ်ခိုင်းပြီး ခြေထောက်ကိုကျ လမ်းမလျှောက်ခိုင်းတာ ၁လလောက် ရှိနေပြီနော် ဦးရိပ်...
ဒါ ပုံမှန်မဖြစ်နိုင်ဘူး "မောင်၏ ကျောပြင်နှင့် ဒူးေကာက်ကွေးမှ မပြီးချီထားသော လောင်းရိပ်၏ လည်တိုင်ကို လက်တစ်ဖက်ဖြင့် ချိတ်တွယ်ထားနေရင်းကနေ မယုံသလိုလိုဖြင့် စိုက်ကြည့်နေသည် ။
"တကယ်ပေါ့ ကိုယ်က ဆရာဝန်ပဲလေ ဆရာဝန်က ညာစရာလား "
အနိမ့်အမြင့် အတက်အကျ မညီသော စကားသံ နှင့် မျက်လုံးချင်း ဆုံအောင်မကြည့်ဘဲ ပြောနေသည်က လောင်းရိပ်ကို ပို၍ သံသယဝင်စေပါသည် ။
"တကယ်လား "
" တကယ်ပါဆို...နေ..."
"အဲ့တာဆိုလည်း ပြီးတာပါပဲ အခုတော့ ရေချိုးတော့မှာမလို့ ရေချိုးခန်းထဲက ထွက်ပေးတော့ "
"ကိုယ် ချိုးပေးလို့ မရဘူးလား "
မျက်နှာချိုသွေး၍ ပြောနေသော လောင်းရိပ်အား ခပ်တည်တည်ဖြင့်သာ ကြည့်လိုက်ပြီး
YOU ARE READING
နားခိုခွင့် /နားခိုခြင့္ {Completed }
Romanceငယ်ငယ်လေးကတည်းက ပတ်ဝန်းကျင်ကြောင့် စိတ်ထဲမှာ နာကျင်မှုတွေပဲ ပြည့်နေခဲ့တဲ့မောင် ...။ ညီမလေးကို သူ့ကြောင့် ထပ်ဆုံးရှုံးလိုက်ရတဲ့အခါ .... သူနားခိုရမယ့် ရင်ခွင်က နာကျင်မှုတွေကို သက်သာနိုင်ပါ့လား ၊ နွေးထွေးနိုင်ပါ့မလား ။ မောင်ပြုံးပျော်နေနိုင်မှာလား။ လော...