Unicode
"နင်ပြောတဲ့ အတိုင်းဆို မောင်မှာ depression ရှိနေတဲ့ ပုံပဲ "
"ဟုတ်တယ်....ငါလည်း အဲ့လိုထင်တာပဲ ...မင်းက ၃ နှစ်လုံးလုံး မောင့်ကို မြင်တွေ့နေတာ ဆိုတော့ မောင့်အခြေအနေလေး သိသလောက်ပြောပြ "
လက်ထောက် ဆရာဝန်များ နားနေသည့် အခန်းထဲတွင် လောင်းရိပ် ၊ မြင့်မိုရ်နှင့် ထက်မြက်ချိုတို့ သုံးယောက်သား စားပွဲပေါ်လက်တင်၍ ခေါင်းချင်းဆိုင် စဥ်းစားနေကြပါသည် ။
မောင်၏ ဖြစ်စဥ်များက လောင်းရိပ်၏.စိတ်ကို မတင်မကျ ဖြစ်နေသဖြင့် မြင့်မိုရ်နှင့် ထက်မြက်ချိုအား ခေါ်တာ တိုင်ပင်ရခြင်းဖြစ်သည် ။ မိုးရွာသည့် ညက မောင်ဖြစ်သွားသည့် ပုံစံကား သာမန်လူတစ်ယောက်လို မဟုတ်ပေ ။
ထို့အပြင် ကြားထဲရှိ လက္ခဏာများ(အိပ်မပျော်တာ ၊ မှိုင်နေတတ်တာ ၊ အစားနည်းတာ ၊ ဝမ်းနည်းတာတောင် ဖော်မပြဘဲနေတာ )ကလည်း တစ်ချက်တစ်ချက် သတိထားမိစေ၍ မောင့်အကြောင်း ဆွေးနွေးမှသာ ဖြစ်ပေတော့မည် ။မြင့်မိုရ်ကတော့ စားပွဲပေါ် ခေါင်းစိုက်ကာ ငိုက်နေသဖြင့် လောင်းရိပ်၏ အမေးစကားကို မဖြေနိုင်သေး.... ။
"ဟေ့ကောင် "
ငိုက်နေသော မြင့်မိုရ်၏ ခေါင်းအား လောင်းရိပ်က ချထည့်လိုက်မှ ပြူးပြူးပျာပျာဖြင့် နိုးလာပါ၏ ။
"ဘာလဲကွာ...ညက တစ်ညလုံး လူနာတွေ လာနေတာ မအိပ်ရသေးဘူး မနက်ရောက်တော့လည်း ပြန်မလို့ ရှိသေး မင်းပဲ ဇွတ်ရောအတင်းရော ဆွဲထားပြီးတော့.....ငါ အိပ်ချင်နေတယ်ကွ "
"မြန်မြန်အိပ်ချင်ရင် မြန်မြန် ကူစဥ်းစားပေးလေ "
" ပြော ပြော..ခုဏန ဘာမေးလိုက်တာလဲ "
"ငါ ဒီမှာ မရှိတဲ့ ၃နှစ်အတွင်း မောင်ဘယ်လိုနေခဲ့လဲ...မင်းသိသမျှ အကုန်ပြောပြ "
"အင်း............... မောင်က ပိန်သွားတယ် ၊ စကားလည်း နည်းသွားတယ် ၊ ငါ့ကို တွေ့ရင် နှုတ်ဆက်တဲ့ အပြုံးကိုတောင် ငါ သဘောမကျဘူး ၊ ေနသော်တာရောက်လာတော့ နည်းနည်းလေး တက်တက်ကြွကြွ ပြန်ရှိလာသလိုလို နဲ့... မဟုတ်ဘူး...ဒီအတိုင်းပဲ ၊ အနှစ်ချုပ်ကတော့ ရေခဲလူသားဖြစ်သွားတာပဲ ၊ အေးတိအေးစက် နဲ့ ပြောသမျှ ခေါင်းငြိမ့်တယ် ခိုင်းသမျှ မငြီးငြူဘူး ၊ ဘာဆိုဘာမှ အထွန့်မတက်ဘူး ၊ လိုတာထက် ပိုမပြောဘူး.. ဒါပဲ "
YOU ARE READING
နားခိုခွင့် /နားခိုခြင့္ {Completed }
Romanceငယ်ငယ်လေးကတည်းက ပတ်ဝန်းကျင်ကြောင့် စိတ်ထဲမှာ နာကျင်မှုတွေပဲ ပြည့်နေခဲ့တဲ့မောင် ...။ ညီမလေးကို သူ့ကြောင့် ထပ်ဆုံးရှုံးလိုက်ရတဲ့အခါ .... သူနားခိုရမယ့် ရင်ခွင်က နာကျင်မှုတွေကို သက်သာနိုင်ပါ့လား ၊ နွေးထွေးနိုင်ပါ့မလား ။ မောင်ပြုံးပျော်နေနိုင်မှာလား။ လော...