Unicode
တစ်နေ့လုံး အဆင်ပြေပြီးမှ ညဘက်တွင်တော့ ခေါင်းခြောက်ရပြန်ပါသည်။
အကြောင်းအရာကတော့ အိပ်စရာနေရာပင် ။
"အိမ်မှာ အခန်း.သုံးခန်းရှိတယ် မောင် ၊ တစ်ခန်းက ကိုယ့်အခန်း ၊ တစ်ခန်းက ကိုယ်စာဖတ်တဲ့အခန်း ၊ တစ်ခန်းက မေမေအိပ်သွားတဲ့အခန်း...အဲ့ဒါက ရေချိုးခန်း သီးသန့်မရှိဘူး...မောင် ဘယ်အခန်းမှာ နေမလဲ ....
၊.... ကိုယ့်အခန်းမှာပဲ နေလိုက်တော့နော် ၊ ယော်ကျားလေးအချင်းချင်းပဲ မျှသုံးလို့ ရတယ်မလား "
"ဗျာ "
မောင့်ကို ရွေးခွင့်ပေးတာမဟုတ်ဘဲ သူဘာသာသူ ရွေးသွားသော လောင်းရိပ်ကတော့ ထမင်းစားခန်းထဲသို့ ဝင်သွားလေသည်။ မောင်ကတော့ ဧည့်ခန်းထဲ၌ ထိုင်နေသေး၏ ။
"မောင်...ညစာအတွက် ဘာဟင်းနဲ့စားမလဲ "
မီးဖိုချောင်မှ လှမ်းအော်ပြောနေသော လောင်းရိပ်အသံကြောင့် မောင်လည်း လောင်းရိပ်ရှိရာသို့ သွားလိုက်သည်။
ဂတ်စ် မီးဖိုးနား အလုပ်ရှုပ်နေသော လောင်းရိပ်အနားသို့ သွားလိုက်ပြီး
"ဦးရိပ်က ဟင်းချက်တတ်တယ်လား "
"နည်းနည်းပါးပါးပါ လက်ရာကတော့ အကောင်းကြီး.မဟုတ်ပေမယ့် စားလို့တော့ ဖြစ်ပါတယ်...
မောင် ဘာစားချင်လဲ "
"ရေခဲသေတ္တာထဲမှာ ဘာမှ မရှိဘူးမဟုတ်ဘူးလား "
"အာ...ဟုတ်သားပဲ အပြင်ပဲ ထွက်စားမလား "
ရေခဲသေတ္တာကို ဖွင့်ကာ တစ်ခုခု ရှိလိုရှိငြား မောင် ရှာကြည့်လိုက်သည်။
"ဒီမှာ ကြက်ဥတွေ ရှိသားပဲ ၊ ဂေါ်ရခါးညွန့် တွေကော ၊ သရက်ချဥ်ရော ...ဦးရိမ် မေမေ ဝယ်ပေးသွားတာထင်တယ် "
"ဒါတွေပဲ ချက်လိုက်တော့မယ်လေ... ကိုယ်ချက်ပြီးရင် မောင့်ကို ခေါ်လိုက်မယ် မောင်က သွားနားချည်"
လောင်းရိပ်က ရေခဲသေတ္တာနားတွင် ရပ်နေသော မောင်အား ပုခုံးကို ကိုင်ပြီးလျှင် အပြင်သို့ တွန်းထုတ်နေသည်။
အခန်းအပြင်သို့ ရောက်ခါမှ မောင်က လောင်းရိပ်ဘက်သို့ စူးစမ်းလိုသော မျက်နှာဝန်းလေးဖြင့် လှည့်ကြည့်လိုက်သည် ။ မျက်နှာထားလေးကတော့ ထုံးစံအတိုင်း.အေးစက်စက်ကလေးပေါ့ ။
YOU ARE READING
နားခိုခွင့် /နားခိုခြင့္ {Completed }
Romanceငယ်ငယ်လေးကတည်းက ပတ်ဝန်းကျင်ကြောင့် စိတ်ထဲမှာ နာကျင်မှုတွေပဲ ပြည့်နေခဲ့တဲ့မောင် ...။ ညီမလေးကို သူ့ကြောင့် ထပ်ဆုံးရှုံးလိုက်ရတဲ့အခါ .... သူနားခိုရမယ့် ရင်ခွင်က နာကျင်မှုတွေကို သက်သာနိုင်ပါ့လား ၊ နွေးထွေးနိုင်ပါ့မလား ။ မောင်ပြုံးပျော်နေနိုင်မှာလား။ လော...
