Unicode
"မောင်ရေ..."
"ဗျာ"
"ဘယ်မှာလဲ "
"အိမ်သာထဲမှာပါ "
"ဪ အင်းအင်း...အေးအေးဆေးဆေး ပါနော်"
ဒါကတော့ မောင် မနက်တိုင်း ကြုံတွေ့လာရတဲ့ အရာတစ်ခု ။
"မောင်...အဲ့ဓားကြီးနဲ့ ဘာလုပ်မလို့လဲ "
"ကြက်သားလှီးမလို့ "
"မလှီးနဲ့ ဒီတိုင်းကြော်လိုက် "
"အကောင်လိုက်ကြီး မကြော်တတ်ဘူးလေ"
ဟင်းချက်တိုင်းလည်း ကြုံရစမြဲ...။
"မောင်...အဲ့ဆေးဘူးတွေက ဘာလုပ်မလို့လဲ "
"ဦးရိပ် စားပွဲပေါ်က ဟာတွေလေ ၊ ရှုပ်နေလို့ ရှင်းပေးနေတာပါ "
"ကိုယ်ပဲ ရှင်းလိုက်မယ်နော် မောင်က အေးအေးဆေးဆေးပဲနေ ok "
...
"မောင်.... ဒီနိုင်လွန်ကြိုးကြီးက ဘယ်ကထွက်လာတာလဲ "
"အဲ့တာက ဘေးခြံက အိမ်ကို လာပို့တာပါ ၊ လူမရှိလို့ မောင့်ဆီ ခဏထားခဲ့တာ "
"အခု လူရှိပြီထင်တယ် ၊ ကိုယ်သွားပေးလိုက်မယ်နော် "
မောင် ဘာလုပ်လုပ် နောက်ကနေ မျက်စိဒေါက်ထောက် ကြည့်နေသလို လောင်းရိပ် ပြူမူနေမိသည် ။ နားမလည်တဲ့ မောင်ကတော့ အမြဲ အူကြောင်ကြောင် မျက်နှာလေးနှင့်သာ နေရမြဲပင် ။
.....
"ဟေ့...ချာတိတ် ၊ လောင်းရိပ်ကို တွေ့မိသေးလား "
မုန့်ဆိုင်မှ ထွက်လာသော နေသော်တာ၏ လက်မောင်းကို ဆွဲ၍ မေးလိုက်သည့် သူကတော့ မြင့်မိုရ် ။
"ဖြေးဖြေးဆွဲပါ အားကြီးနဲ့ "
"လောင်းရိပ်ကို ဘယ်နေရာမှ တွေ့မိသေးလဲ ၊ အဲ့ကောင် ခုတလော ရုံးခန်းထဲမှာကို မရှိဘူး "
"ဘယ်ရှိမလဲ... ဦးရဲ့ သူငယ်ချင်းက ရုံးခန်းမှားထိုင်နေတာလေ "
နေသော်တာ၏ ပြောစကားကို မြင့်မိုနားမလည်၍ ထပ်မေးလိုက်သည် ။
"ကေွ့ဝိုက်မနေနဲ့ ချာတိတ်လေး .... ကိုယ်မအားဘူး မြန်မြန်ဖြေ "
YOU ARE READING
နားခိုခွင့် /နားခိုခြင့္ {Completed }
Romanceငယ်ငယ်လေးကတည်းက ပတ်ဝန်းကျင်ကြောင့် စိတ်ထဲမှာ နာကျင်မှုတွေပဲ ပြည့်နေခဲ့တဲ့မောင် ...။ ညီမလေးကို သူ့ကြောင့် ထပ်ဆုံးရှုံးလိုက်ရတဲ့အခါ .... သူနားခိုရမယ့် ရင်ခွင်က နာကျင်မှုတွေကို သက်သာနိုင်ပါ့လား ၊ နွေးထွေးနိုင်ပါ့မလား ။ မောင်ပြုံးပျော်နေနိုင်မှာလား။ လော...
