Unicode
"မောင်...ညနေကျ အကို့မွေးနေ့ပွဲ ရှိတယ် လာခဲ့မယ်မလား "
ပျောက်တော်မူနေသော ဘုန်းမြင့်မြတ်က ရုတ်တရတ်ဆိုသလို ဆေးရုံကို ရောက်ချလာကာ မွေးနေ့ပွဲကို အပိုင်ချုပ်သည့် စကားဖြင့် ဖိတ်နေသဖြင့် မောင် ဘာဆက်ပြောရမှန်းတောင် မသိတော့ ။
"ဟို ဆရာဝန်ကိုလည်း ခေါ်ခဲ့လို့ ရပါတယ် "
လောင်းရိပ်ကို ပြောနေခြင်း ဖြစ်သော်လည်း.ဘုန်းမြင့်မြတ်၏ အသံက ကြည်ကြည်ဖြူဖြူတော့ မရှိသေးပေ ။
"ဟုတ်ကဲ့...ဦးရိပ် အားတယ်ဆိုရင် လာခဲ့ပါ့မယ် "
"ဟုတ်ပြီ.... ဒါဆို အကိုသွားတော့မယ်နော် "
"ဟုတ်ကဲ့ "
မောင်တို့ ရုံးခန်းအဝတွင် ရပ်နေသော ဘုန်းမြင့်မြတ်အား ဆေးရုံ၏ ပေါ်တီကို အောက်တွင် ရပ်ကြည့်နေသူက လောင်းရိပ် ။
ရုံးခန်းဘက်ကို ကျောခိုင်းကာ လာနေသော ဘုန်းမြင့်မြတ်က လောင်းရိပ်ကို မြင်သွားကာ လောင်းရိပ်ဆီသို့ ခြေလှမ်းများ.ဦးတည်၍ လျှောက်လာသည် ။
လောင်းရိပ်ကို မျက်တောင် မခတ်ဘဲ စေ့စေ့ကြည့်နေသလို လောင်းရိပ်ကလည်း အကြည့်လုံးဝမခွာ။
နှစ်ယောက်လုံးဆီမှ အကြည့်စူးစူးရှရှတို့က အေးစက်စက် ။
"ဘာကြည့်နေတာလဲ ခင်ဗျားက "
"မင်းကြည့်လို့ ကြည့်နေတာလေ "
အပြောချိုချိုလေးဖြင့် စတင်နှုတ်ဆက်ကြသည်အထိ ခင်မင်ကြခြင်းပါလေ ။
"ထားပါ....မေ ပြန်ရောက်ပြီလို့ ကြားတယ် "
"ဟုတ်တယ် ရောက်ပြီ "
"ခင်ဗျား မေ့ဆီ ပြန်သွားလို့ကတော့ ကျုပ်အလွတ်ပေးမှာ မဟုတ်ဘူးနော် ၊ မောင် နာကျင်နေတာ ထပ်မြင်ရရင် ခင်ဗျား အသက် အာမသာခံထား "
"မောင်က ငါ့အမျိုးသားပါ ၊ ငါ ဘယ်တော့မှ ထားသွားမှာမဟုတ်ဘူး "
"ထားရဲထားကြည့်လေ "
"နေပါဦး ငါက မင်းစကားပြောတာကို ဘာလို့ နားထောင်နေရမှာလဲ "
" နားပိတ်ထားပေါ့ "
ဖြေလိုက်သည့် လေသံက လူလိုပဲ အချိုးကို မပြေလှပါ ။
YOU ARE READING
နားခိုခွင့် /နားခိုခြင့္ {Completed }
Romanceငယ်ငယ်လေးကတည်းက ပတ်ဝန်းကျင်ကြောင့် စိတ်ထဲမှာ နာကျင်မှုတွေပဲ ပြည့်နေခဲ့တဲ့မောင် ...။ ညီမလေးကို သူ့ကြောင့် ထပ်ဆုံးရှုံးလိုက်ရတဲ့အခါ .... သူနားခိုရမယ့် ရင်ခွင်က နာကျင်မှုတွေကို သက်သာနိုင်ပါ့လား ၊ နွေးထွေးနိုင်ပါ့မလား ။ မောင်ပြုံးပျော်နေနိုင်မှာလား။ လော...
