Unicode
"ဖယ်စမ်းကွာ...ဖယ်ကြစမ်း...ငါဘယ်သူလဲ သိလား..၊ ငါ့အဖေ ဘယ်သူလဲဆိုတာကော သိလား ဟမ်"
"သိတယ်လေ ဦးမိုးမြင့်ဦးတဲ့ ၊ အစ်ကို... ဘာကိစ္စ ထပ်လာရတာလဲဗျာ "
ဆေးရုံရှိ လူနာများစွာ ရှိသော ခန်းမအလယ်မှာ ဘယ်သူမှ ထိန်းမနိုင်သိမ်းမနိုင် ခေါင်း၌ ပတ်တီးဖြူအဖွေးသားနဲ့ အော်နေသော ကောင်လေးအား ဆေးစတိုခန်းထဲမှ ထွက်လာသော မောင်က ပြန်အော်ပြောလိုက်ပါသည်။
"မောင်... တွေ့မှ တွေ့ပါ့မလားလို့ကွာ "
ရမ်းကားအော်ဟစ်နေသော ထိုလူငယ်မှာ
ခုနကလူ မဟုတ်သည့်အလား စကားပြောသံတို့ ချိုမြိန်လှပါ၏။
"အခုတွေ့ပြီမလား...အသံလေးကို လျှော့ပေး ၊ ဘေးမှာ နေမကောင်းနေတဲ့ လူနာတွေရှိိတယ် "
အပြင်ဘက်ထွက်ရန် တံခါးဆီသို့ မောင် ဦးတည်လိုက်တော့
"ဘယ်သွားဖို့လဲ မောင် "
" အစ်ကိုနဲ့ ဝေးရာကို "
ပြောပြီးပြီးချင်း မောင် ထွက်သွားပေမယ့် ကျန်ခဲ့သော ထိုလူငယ်ကတော့ ဘာဖြစ်ဖြစ်.သဘောကျသည့် အပြုံးလေးနှင့်သာ ကျန်ခဲ့ပါသည်။
အေးတိအေးစက်ပြောတတ်တဲ့ မောင်ပါလေ။ ထိုကြောင့်လည်း.ချစ်ရခြင်းဖြစ်လိမ့်မည်။
ထို့နောက် မိမိရှိရာ ကုတင်သို့သာ ငြိမ်ငြိမ်လေးပြန်ထိုင်လိုက်ပြီး သူနာပြုမလေး ဆေးထိုးတာကို ငြိမ်ငြိမ်လေး နေနေလိုက်ပါသည်။
....
"သူက ဘယ်သူလဲ "
ဘေးနားမှာ ရပ်ကြည့်နေသော သူနာပြုမလေးအား.မေးလိုက်သည်။
အော်ဟစ်နေသံများ ကြား၍ ဂျူတီကျနေသော ရုံးခန်းထဲမှ လောင်းရိပ် ထွက်လာကြည့်လိုက်သည်။ (သောင်းကျန်းပြီး ရမ်းကားနေလျှင် ဝင်ထိန်းပေးရန်) သို့သော် ရုပ်ကလေးနှင့် ပြောဆိုနေတာမှ မလိုက်သည့် လူငယ်အား တွေ့ရလေသည်။
အသားအရေက ညိုသည့်ဘက် ရောက်ပြီး လောင်းရိပ်လို ထောင်ထောင်မောင်းမောင်း.အရပ်ရှည်ကြီး ရှိကာ ပိရိသေသပ်သော နှုတ်ခမ်း.၊ စူးရှသော မျက်ဝန်းများ.ပိုင်ဆိုင်ထားသည့် လူဆိုးကလေးပုံစံ ဖမ်းထားသော လူငယ်လေးတစ်ယောက်နှင့် မောင်တို့ စကားပြောနေသည်ကို မြင်နေရပါ၏။
ထိုလူငယ်လေးမှာလည်း မောင်နဲ့ တွေ့တွေ့ချင်း မီးခဲ ရေနဲ့ငြှိမ်းလိုက်သလို ငြိမ်ကျသွားလိုက်တာများ...
YOU ARE READING
နားခိုခွင့် /နားခိုခြင့္ {Completed }
Romanceငယ်ငယ်လေးကတည်းက ပတ်ဝန်းကျင်ကြောင့် စိတ်ထဲမှာ နာကျင်မှုတွေပဲ ပြည့်နေခဲ့တဲ့မောင် ...။ ညီမလေးကို သူ့ကြောင့် ထပ်ဆုံးရှုံးလိုက်ရတဲ့အခါ .... သူနားခိုရမယ့် ရင်ခွင်က နာကျင်မှုတွေကို သက်သာနိုင်ပါ့လား ၊ နွေးထွေးနိုင်ပါ့မလား ။ မောင်ပြုံးပျော်နေနိုင်မှာလား။ လော...
