နဖူးတည့်တည့်မှာခေါင်းပေါင်းစတစ်ထောင်ထောင်နဲ့ဖြစ်နေတဲ့သူက စပ်ဖြဲဖြဲရယ်ပြလာပြီးနောက်လက်ယက်လှမ်းခေါ်ပါ၏။
"အဟီးး ချမ်း...လာလာလာ တရားလာနာ အေ့!! ကိုကိုနဲ့အတူနိဗ္ဗာန်တက်ရအောင်နော် လာ လာ အေ့!!"
ချမ်း,ထိုအမူးသမားကိုကြည့်ကာ စိတ်ပျက်လက်ပျက်ခေါင်းယမ်းခါမိရင်းသက်ပြင်းချမိသည်။
(ငါ့နှယ်...ဒုက္ခဘဲ တစ်ပတ်လောက်စကားမပြောဘဲပစ်ထားမလို့ပါဆို အခုကလေးထိန်းရဦးမယ်)
ထို့နောက် ချမ်း,ခေါင်းထဲအကြံတစ်ခုရလာတာကြောင့် ထိုအကြံအားအကောင်အထည်ဖော်ရန်အိပ်ခန်းထဲရှိဖုန်းအားပြန်သွားယူပါ၏။ ပြန်ထွက်လာတော့ အမူးသမားကလက်အုပ်ချီပြီးတရားနာနေလျက်ရှိတုန်း။ တရားနာနေလား အိပ်ငိုက်နေလားသူကိုယ်တိုင်ဘဲသိပါလိမ့်မည်။ ချမ်း,တီဗွီနားလျှောက်သွားပြီး ပါဝါခလုတ်ပိတ်လိုက်တော့ အမူးသမားကမျက်လုံးမပွင့်တစ်ပွင့်ဖြင့်မော့ကြည့်လာပြီးနောက် တင်ပလ္လင်ခွေထိုင်ကျသွားပါ၏။ ချမ်း,သူနှင့်မျက်နှာချင်းဆိုင်တွင်ဝင်ထိုင်လိုက်ပြီးနောက်...
"ဒီမှာ..."
အမူးသမားကခေါင််းမော့ကြည့်လာပြီးနောက် အာလေးလျှာလေးဖြင့်...
"အင်...ကိုကို့ကို ဒီမှာလို့ခေါ်လိုက်တာလား... ဘာလို့လဲ အေ့!! ဘာလို့စိမ်းကားနေတာလဲ ကိုယ့်အချစ်ရယ် အေ့!! ကိုကို ရေစက်တောင်မချရသေးဘူး တရားလည်းပိတ်ပစ်လိုက်တယ် ဘာလဲ ကိုကို့ကိုနတ်ပြည်မရောက်စေချင်တာလား ဟင်..အေ့!!"
ပြောချင်တာတွေပြောပြီး ခေါင်းငိုက်စိုက်ကျသွားပြန်သည်။
(စကားများလိုက်တာ...ဒီလူ စကားတော့ဖြောင့်အောင်ပြောနိုင်သေးတာဘဲ...)
ချမ်း,လည်းစိတ်အချဥ်ပေါက်လာတာနဲ့...
"ခင်ဗျား ကျုပ်ကိုကွာရှင်းပေး"
ထိုအခါ ခေါင်းငိုက်စိုက်ကျနေသူကဆတ်ခနဲပြန်မော့ကြည့်လာကာ...
"အို့...မကြားဝံ့မနာသာတွေ ဘာစကားတွေပြောနေတာလဲ အချစ်ရယ်...ဘာကိစ္စကွာရမှာလဲ အေ့!! ကိုကိုမင်းကိုတာဝန်ယူထားတာ ကွာဖို့မှမဟုတ်တာ..နှလုံးသားကနုလို့အဲ့လိုစကားကြမ်းကြမ်းကြီးတွေနဲ့မနှိပ်စက်ပါနဲ့...အေ့!!"
YOU ARE READING
ဘုန်းပြည့်ချမ်းဟန် (Complete)
Fantasyဘုန်းပြည့်ချမ်းဟန်ဆိုတာ ချမ်း, တစ်ယောက် တည်းရဲ့အမည်နာမပဲဖြစ်စေရမယ်...။ 1.10.2021 >> 6.2.2022
