၂၀၁၉ခုနှစ် ဩဂုတ်လ ၂၆ ရက်တနင်္လာနေ့....နံနက် ၅ နာရီ...
"အရဟတာဒိ နဝဂုဏေဟိ အရဟံအစရှိသောကိုးပါးသောဂုဏ်တော်တို့နှင့် သမ္ပန္နာဂတံ ပြည့်စုံတော်မူသော နာထံ လူနတ်ဗြဟ္မာ သတ္တဝါအပေါင်းတို့၏ ကိုးကွယ်ရာဖြစ်တော်မူသော ဗုဒ္ဓံ သက်တော်ထင်ရှား သဗ္ဗညုမြတ်စွာဘုရားကို ဥဒ္ဒိဿ ရည်မှန်း၍ စေတီယဿ ဓာတုစေတီ ဓမ္မစေတီ ဥဒ္ဒိဿစေတီ ပရိဘောဂစေတီတော်မြတ်အား ဝဏ္ဏ ဂန္ဓ ရသ သမ္ပန္နံ အဆင်းအနံ့အရသာနှင့်ပြည့်စုံသော ဣမံ ပိဏ္ဍပါတ ခါဒနိယဘောဇနိယံ ဤ ဆွမ်း ခဲဖွယ် ဘော
ဇဥ် ချိုချဥ်အရသာအဖြာဖြာကို သက္ကစ္စံရိုရိုသေသေ ဒေမိ နိဗ္ဗာန်ရည်မှန်းလှူဒါန်းပါ၏"
လည်ကတုံးအင်္ကျီအဖြူနှင့်အညိုအကွက်အစိပ်သေးလေးများပါသောပုဆိုးကိုဝတ်ဆင်ထားသူထံမှအသံနေအသံထားမှန်မှန်ဖြင့်ထွက်လာသည့် အရုဏ်ဆွမ်းကပ်နေသောအသံလေးသည်ဘုရားခန်းထဲဝယ် သာယာနာပျော်ဖွယ်လွင့်ပျံနေပါ၏။ ဆွမ်းတော်ကပ်ရွတ်ပြီးသည်နှင့် ချမ်း,သည်မုန့်ဟင်းခါးတစ်ပွဲနှင့်ကော်ဖီမုန့်အချိုပွဲအစုံတင်ထားသောစားပွဲဝိုင်းလေးအား အသာပင့်မြှောက်ကာရှင်တော်မြတ်ဘုရားထံရည်မှန်းဆက်ကပ်လိုက်ပါသည်။ ထို့နောက် ထိုစားပွဲဝိုင်းလေးအားပြန်ချကာလက်အုပ်ချီလျက်မျက်လုံးအသာပိတ်ကာ အာရုံစူးစိုက်တောင်းဆုပြုလေသည်။
နိဗ္ဗာန်ရည်မှန်းလှူဒါန်းတယ်ဆိုပေမယ့်လည်း နိဗ္ဗာန်မရောက်ခင်ဘဝစပ်ကြားတိုင်းတော့ ချစ်ရတဲ့ကိုကိုနဲ့ဘဲဆုံချင်ပါ၏။
"ယနေ့ကျရောက်သော ဘုရားတပည့်တော်၏ခင်ပွန်းဖြစ်သူ အစ်ကိုအောင်ဘုန်းဟန်၏ ၂၉ နှစ်ပြည့်မွေးနေ့အလှူအဖြစ် ဤ အရုဏ်ဆွမ်းအားဆက်ကပ်လှူဒါန်းပါ၏ အရှင်ဘုရား...ပြုလုပ်အပ်သောကုသိုလ်ကောင်းမှုကြောင့် မွေးနေ့ရှင် မွေးနေ့မှစ၍နှစ်ပေါင်းများစွာ စိတ်၏ချမ်းသာခြင်း ကိုယ်၏ကျန်းမာခြင်းနှင့်ပြည့်စုံပြီး အနာမျိုး ၉၆ပါးကင်းဝေးပါစေ...ပို့သအပ်သောမေတ္တာဓာတ်ကြောင့် ကိုကိုခံစားနေရတဲ့ရောဂါဝေဒနာတွေအများဆုံးသက်သာပျောက်ကင်းပြီး နိုးထလာနိုင်ပါစေဟူသောတောင်းဆုပြုပါ၏ အရှင်ဘုရား ..."
YOU ARE READING
ဘုန်းပြည့်ချမ်းဟန် (Complete)
Fantasyဘုန်းပြည့်ချမ်းဟန်ဆိုတာ ချမ်း, တစ်ယောက် တည်းရဲ့အမည်နာမပဲဖြစ်စေရမယ်...။ 1.10.2021 >> 6.2.2022
