🎶 အဖြူကတစ်မျိုး အနီကတစ်မျိုး
ရေစိုပျိုမေတွေရယ်အလှကတိုး...
ဒီမဏ္ဍပ်ကအလှဆုံး ဘယ်လိုများရွေးရမှာတုန်း..အပြာရောင်လေး အဝါရောင်လေး
ကိုယ်စီအပြိုင်အဆိုင်ဒီလိုလှတော့ငေး...
ဒီမဏ္ဍပ်ကအလှဆုံး ဘယ်သူလဲပြောကြပါဦး🎶သီချင်းခေတ္တရပ်သွားသည်နှင့် မိုက်ခ်ကိုင်ပြီးဟန်ပါပါဟဲနေသူက ကလေးနှစ်ယောက်အား တစ်ဖက်စီချီထားပြီး သံစဥ်စည်းချက်အလိုက်ယိမ်းထိုးလှုပ်ရှားနေသူအားတစ်ချက်လှမ်းကြည့်ကာ အားရပါးရပြုံးလိုက်၏။ ထို့နောက် သီချင်းနောက်တစ်ပိုဒ်စလာသည့်အတွက် အားရပါးရပြုံးကြည့်နေသူက မိုက်ခ်ကိုပါးစပ်နားတေ့လိုက်ပြီး အောင်မြင်ခန့်ညားသောအသံကြီးအားထုတ်လွှတ်ပြန်သည်။
🎶 ပန်းခင်းကြီးထဲရောက်သလို ဖြူနီပြာဝါရောင်စုံ
ပေါ့.. သင်္ကြန်မယ်တွေဟိုမှာကြည့် အားလုံးဖူးပွင့်
ကြတယ် ရေတွေရေတွေစိုကာရွဲ ရင်ခုန်စရာ
အတူတူချည်း နှစ်သစ်ကူးပြောင်းတဲ့အခါအတာ
ရေတွေကိုပက်ဖျန်း စိုစိုပါစေ နွေမှာအေး ပန်းပိ
တောက်တို့ပွင့်တယ ပျိုမေတွေကလှတယ်
အတာသင်္ကြန်မှာပျော်စရာဟေ့... 🎶မိုက်ခ်ကိုင်ထားသူက ကလေးနှစ်ယောက်ကိုချီထားသူနားတိုးကပ်သွားပြီး...
🎶 အဖြူကတစ်မျိုး ရေးဟေး... 🎶
ထို "ရေးဟေး..." ဟူသောအသံစူးစူးသည် ကလေးနှစ်ယောက်ချီထားပြီးယိမ်းထိုးလှုပ်ရှားကခုန်နေသူထံမှထွက်လာသောအသံဖြစ်၏။ ထိုအသံထွက်ဖို့ မိုက်ခ်ကိုင်ထားသူမှမိုက်ခ်အား ကလေးနှစ်ယောက်ချီထားသူ၏ပါးစပ်နားထိုးပေးခြင်းဖြင့်ကူညီ၏။
🎶 အနီကတစ်မျိုး ရေးဟေး..
ရေစိုပျိုမေတွေရယ်အလှကတိုး...ဟိုးဟိုး
ဒီမဏ္ဍပ်ကအလှဆုံး ဘယ်လိုများရွေးရမှာတုန်း..အပြာရောင်လေး ရေးဟေး..
အဝါရောင်လေး ရေးဟေး..
ကိုယ်စီအပြိုင်အဆိုင်ဒီလိုလှတော့ငေး...ဟေး
ဒီမဏ္ဍပ်ကအလှဆုံး ဘယ်သူလဲပြောကြပါဦး..🎶မိုက်ခ်ကိုင်ထားသူသည် စည်းချက်အညီလှုပ်ရှားရသည်မှာအားမရလာတော့သည့်နှယ် ဝတ်ထားသောပုဆိုးအားဗိုက်ပေါ်ထိရောက်အောင်ပြင်ဝတ်လိုက်ပြီးနောက် ဆက်လက်ယိမ်းထိုးလှုပ်ရှား၏။
YOU ARE READING
ဘုန်းပြည့်ချမ်းဟန် (Complete)
Fantasyဘုန်းပြည့်ချမ်းဟန်ဆိုတာ ချမ်း, တစ်ယောက် တည်းရဲ့အမည်နာမပဲဖြစ်စေရမယ်...။ 1.10.2021 >> 6.2.2022