HE=MY FIRST LOVE [ကိုယ့်အချစ်ဦး ](Completed)

အချပ်ပို (၅) အပိုင်း (၁)- CEOရဲ့အသည်းအသက်လေး

အချပ်ပို (၅) အပိုင်း (၁)- CEOရဲ့အသည်းအသက်လေး

Unicode

[ရေလှိုင်းလေးနဲ့ဆင်တူသော ကိုယ့်ရဲ့အချစ်ဦး ]

ကျနော့်ရဲ့ဘဝမှာအချစ်ဆိုတဲ့အရာနဲ့ဘယ်တော့မှထိတွေ့စရာမလိုဘူးလို့ ကျနော်မှတ်ယူခဲ့ဖူးတယ်။

ချစ်စရာကောင်းတဲ့ကောင်လေးတစ်ယောက်ကျနော့်ဘဝကြီးထဲကိုတစ်လှမ်းချင်းတိုးကာဝင်ရောက်ယှက်နွယ်မလာခင်အထိပေါ့။

ကျနော့်ရဲ့အေးစက်စက်နှလုံးအိမ်က တစ်ယောက်သောသူကြောင့်လှုပ်ခတ်လာခဲ့ပြီးတဲ့နောက်မှာကျနော်သိခဲ့ရတာက အချစ်ဆိုတဲ့အရာကသိပ်လှပလွန်းတယ်ဆိုတာပဲ။
သိမ်မွေ့နက်ရှိုင်းပြီးအက်ကွဲကြွေမွလွယ်ပေမယ့် ဒီအချစ်ကိုကျနော်သိပ်တန်ဖိုးထားမိသလိုအလွန်တရာလည်းမြတ်နိုးမိတယ်။

'ရှိုင်းဇေယံ'ဆိုတဲ့လူသားလေးကြောင့်ဖြစ်တည်လာရတဲ့ ပျော်ရွှင်ခြင်း၊ဝမ်းနည်းခြင်း၊လွမ်းဆွတ်တမ်းတခြင်းဆိုတဲ့ထွေလာသောင်းပြောင်းသောစိတ်ခံစားချက်အရောအနှောတို့ဟာကျနော့်ဘဝအတွက်မရှိမဖြစ်လိုအပ်ခဲ့တဲ့တန်ဖိိုးအရှိဆုံးအရာတွေပဲ။

ဒါကြောင့် ကျနော့်ရင်ထဲမှာ အခုဖြစ်တည်နေတဲ့ဆန္ဒကတစ်ခုတည်း။

ကျနော့်ရဲ့ကျန်ရှိနေတဲ့တိုတောင်းလှသောဘဝသက်တမ်းကိုရှိုင်းဇေယံဆိုတဲ့ ကျနော်သိပ်ချစ်ရပါသောလူသားလေးနဲ့ သက်ဆုံးတိုင်ထိထာဝရချည်နှောင်ထားပစ်လိုက်ဖိို့သာ။

အဖြူရောင်ဆက်တီစားပွဲထက်၌တင်ထားတဲ့ Blackcoffeeခွက်လေးဆီကနေ ပျံ့လွင့်လာတဲ့အပူငွေ့တို့ဟာလေထုထဲကိုတိုးဝင်ပျောက်ကွယ်လို့သွားလျက်။

Fitဖြစ်လှတဲ့နက်ပြာရောင်အပေါ်ထပ်ကုတ်ကိုဘေးစင်းလိုင်းတစ်လိုင်းပါတဲ့လယ်သာဘောင်းဘီရှည်နဲ့တွဲဖက်ဝတ်ဆင်ထားသောအသက်၂၀ကျော်အရွယ်ရှိ ချောမောခန့်ညားသည့်လူငယ်တစ်ယောက်သည် အညိုရောင်ဆိုဖာဆက်တီခုံ၌ခြေချိတ်ထိုင်ကာ စားပွဲထက်ကအငွေ့တထောင်းထောင်းထနေသောကော်ဖီခွက်လေးကိုမှင်သေသေနဲ့စိုက်ကြည့်လို့နေလေသည်။
သူ၏ပုံစံကအတွေးပင်လယ်ထဲမှာနက်နက်နဲနဲရွက်လွှင့်နေတဲ့ပုံပင်။