HE=MY FIRST LOVE [ကိုယ့်အချစ်ဦး ](Completed)

အခန်း(၂)- Mechatronic bro

အခန်း (၂)- Mechatronic bro

Unicode

[First yearလေးနဲ့ကတောက်ကဆ]

ထိုစူးရှရှအကြည့်များကိုသည်းမခံနိုင်တော့တဲ့အဆုံး ရှိုင်းဇေယံတစ်ယောက် အကြည့်လွှဲလိုက်ကာထိုလူအားကျောခိုင်းထားလျက် ပင်အခန်းထဲသို့အေးတိအေးစက်နှင့်လျှောက်ဝင်သွားလေ၏။
ထိုအပြုအမူက မင်းခန့်ထည်ရဲ့ဒေါသမီးတောက်ကိုထောင်းခနဲလောင်မြိုက်သွားစေသည်။

ဒီနေ့မင်းခန့်ထည်တစ်ယောက်စောစောနားချင်တာကြောင့် ဌာနကနေအဆောင်ဆီကိုအမြန်ပြန်လာခဲ့ကာ တစ်ကိုယ်လုံးပူလောင်အိုက်စပ်နေရတဲ့အပြင်ကိုတော်တော်လေးလည်းမောပန်းပင်ပန်းနေလေ၏။

သို့ပေမယ့် အဆောင်ရောက်တော့ သော့ခတ်လျက်သားကြီးဖြစ်နေတဲ့အဆောင်တံခါးကသူ့အားပြုံးပြုံးကြီးစောင့်ကြိုနေခဲ့ကာ သူ၏ခေါင်းကိုထိုးကိုက်သွားစေလေသည်။သူ့ခမျာဒေါသကိုမြိုချထားရင်း တခြားအခန်းဖော်တစ်ယောက်ဆီမှာ အားနာနာနှင့်သွားစောင့်နေရသည့်အဖြစ်ကိုပြန်တွေးကြည့်တိုင်းလက်ခံနိုင်စရာတစ်ကွက်မှကိုမရှိပေ။

'ဒီကလေး တစ်ကယ်ရိုင်းတာပဲ !'

'အကြီးတစ်ယောက်ကသူ့ကြောင့်နာရီဝက်လောက် အပြင်မှာစောင့်နေလိုက်ရတာကို အားမနာတဲ့အပြင်မတောင်းပန်ပဲကျောခိုင်းသွားတာ သူ့ကိုသူ့မိဘတွေကမဆုံးမထားဘူးလား ?
သူတစ်ပါးကိုအားနာတတ်ရကောင်းမှန်းဒီကလေး မသိဘူးလား'

'မင်းခန့်ထည်ဆိုတဲ့ငါ့ကိုတော့ ဒီလိုအကြောကြီးနဲ့တော့
လာကြောလို့မရဘူး သောက်first yearလေး'

မင်းခန့်ထည်အခန်းထဲဝင်သွားတော့ ခုတင်နှစ်ခုကြားမှာရှိတဲ့စားပွဲခုံလေးပေါ်သို့ လွယ်အိတ်ထဲကစာအုပ်လေးတွေကိုထုတ်ကာတင်နေပါသော ယဥ်ကျေးမှုမရှိတဲ့ရှည်သွယ်သွယ်ကောင်လေးကိုမျက်လုံးထောင့်ကနေမြင်လိုက်ရလေသည်။

ထိုအဖြစ်ကိုပြန်တွေးလေလေဒေါသထွက်လာလေလေဖြစ်လာတာကြောင့် မင်းခန့်ထည်တစ်ယောက်စိတ်မရှည်စွာစုတ်သတ်လိုက်ကာ ထိုကောင်လေးဘက်သို့လှည့်ကြည့်လိုက်ပြီးအသံမာမာနဲ့မေးလိုက်လေသည်။