အခန်း(၆) - အချိုမြိန်ဆုံးသောUnicode
[အနီရောင်စတော်ဘယ်ရီသီးလေး ]
မနက်စောစောစီးစီး တိတ်ဆိတ်ခြင်းတို့ကြီးစိုးနေတဲ့အခန်းနယ်ပယ်ထဲ၌ ကျယ်ကျယ်လောင်လောင်ပျံ့လွင့်လာတဲ့ဖုန်းRingtoneသံဟာဆိုရင် သူ့ရဲ့အိပ်စက်ချိန်ကို လုံးဝအနှောင့်အယှက်ပေးလိုက်လေပြီ။
သူဖုန်း Screenကိုပွတ်ဆွဲလိုက်ပြီးနောက် Speakerဖွင့်ထားကာ အိပ်ရာပေါ်၌မျက်စိမဖွင့်ဘဲ လဲလျောင်းနေလျက်နှင့်ပင် တစ်ဖက်ကအသံကိုနားစွင့်ထားလိုက်သည်။"ဟိတ်ကောင် မင်း သင်တန်းကိုလာဦးမှာလား"
တစ်ဖက်လူရဲ့အသံမှာပြောင်ချော်ချော်နှင့်ကီးကြောင်နေတဲ့အလား သူ့အတွက်မူ
မနက်ခင်းမှာ လုံးဝကျက်သရေမရှိတဲ့အသံဆိုးတစ်သံပင်ဖြစ်လေသည်။မင်းခန့်ထည်ကသူ၏မျက်နှာထက်ဆီကိုခေါင်းအုံးနဲ့အုပ်ထားလိုက်ပါသောကြောင့်
သူစကားပြောတဲ့အခါ အသံမှာပိုပြီးသြနေပြီးလေးတိလေးကန်ဖြစ်နေလေသည်။"ငါမလာလို့ကော ဘာဖြစ်မှာမို့လို့လဲကွာ"
တကယ်တော့သူဟာကြက်ခြေနီအသင်းရဲ့ခေါင်းဆောင်တစ်ယောက်ဖြစ်ပေမယ့်လို့ ဆရာဖြစ်သူကိုယ်တိုင်ကိုက သူ့အားအခွင့်ထူးခံပေးထားတာကြောင့် သူသွားသည်ဖြစ်စေ ၊မသွားသည်ဖြစ်စေဘာမှပြောင်းလဲသွားမည်မဟုတ်ပေ။
တစ်ဖက်ကအမျိုးသားကတော့တက်ကြွရွှင်လန်းမှုအပြည့်နဲ့ရယ်ကျဲကျဲအသံတို့ဖြည့်စွက်လျက်ဆက်ပြောလာခဲ့ပြန်သည်။
"ဟာ မင်းကွာ ဒီနေ့နောက်ဆုံးနေ့လေ အဓိကနေ့လေကွာ"
"ဘာကို အဓိကနေ့လဲ"
"မပြောဘူး မင်းသိချင်ရင်ရောက်အောင်လာခဲ့ "
မင်းခန့်ထည်မှာစိတ်တိုသွားရကာခေါင်းအုံးကိုနံရံဆီသို့ပစ်ပေါက်လိုက်ပြီးနောက် ဖုန်းကိုဆွဲယူလိုက်၍ မျက်နှာနားကပ်လျက်ဖျစ်ညစ်မေးလိုက်လေ၏။
"အေး ! သင်တန်းကအရင်နေရာပဲမှတ်လား !"
"အေး ဟုတ်တယ် မြန်မြန်လာခဲ့ကွာ"
YOU ARE READING
HE=MY FIRST LOVE [ကိုယ့်အချစ်ဦး ](Completed)
Romanceသူဆိုတဲ့ကိုယ့်အချစ်ဦးလေးကကမ်းစပ်လေးဆီငြိမ်သက်စွာနဲ့ဝင်ရောက်တိုက်ခတ်လာပြီး အသိမပေးဘဲပြန်လည်ထွက်ခွာသွားတတ်တဲ့ရေလှိုင်းလေးနဲ့ဆင်တူတယ်။ရေလှိုင်းလေးတွေကပင်လယ်ပြင်ကြီးထဲကိုထွက်ခွာသွားပြီးဘယ်လောက်ထိကြာအောင်ကူးခတ်နေရပါစေ တစ်နေ့နေ့တော့ ကိုယ်ဆိုတဲ့ကမ်းစပ်လေးတ...