လမ်းစတစ်ခု
" ဒေါက် ဒေါက် ဒေါက် "
" မမ ငါဝင်လာလို့ရမလား "
တံခါးကိုခေါက်ရုံမက အခန်းထဲဝင်ဖို့အထိပါ Graceခွင့်တောင်းလိုက်တယ်။ အကယ်၍ အစ်မဖြစ်သူကဝင်ခွင့်မရေးရင်တောင် မရမကအခန်းထဲဝင်ပြီးကို ဖြေရှင်းချင်တာ။ ဒါ့ပြင် မျက်နှာထက်၌ မကျေနပ်ကြောင်းထင်ရှားနေသည်။
ဟုတ်တာပေါ့။ ဒီနေ့မနက်စာစားပြီးကတည်းက မိဘနှစ်ပါးဆီက အဆူခံထားရတာကို ဒီတိုင်းငြိမ်နေရမှာလား။ အမှန်ဆို ဒီကိစ္စကိုLuckyဘက်က မပြောသင့်ဘူးလို့ သူမ,ထင်ထားတာလေ။ အခုတော့ အစ်မရဲ့လုပ်ရပ်ကြောင့် မကြာခင်မှာ Graceတောထဲသွားရတော့မယ်။ တကယ့်ကို စိတ်လေစရာကောင်းလွန်းတာပဲ။
" ဒီမှာခေါ်နေတယ်လေ။ တံခါးဖွင့်ပေးပါဆိုမှ "
" ကျစ် စိတ်ရှုပ်လိုက်တာ "
ခဏအကြာမှ တံခါးလာဖွင့်ပေးတဲ့ Luckyကဤသို့ဆိုလာသည်။ သူမကဲ့သို့ Graceလည်း နည်းတူပဲ။ အစ်မဖြစ်သူဆီလာတာ ကောင်းသောလာခြင်းမျိုးမဟုတ်ဘူး။
တံခါးပိတ်လိုက်တဲ့ အစ်မကိုကြည့်၍ သူမက မျက်စောင်းထိုးသည်။
" မမနင့်ကြောင့် ငါအဆူခံရတာ။ ငါကပိုပြီးစိတ်ဆိုးသင့်တာမဟုတ်လား "
" ဒါကနင့်ကိုကောင်းစေချင်လို့လေ "
ဧကန်လည်း Luckyအနေနဲ့ တစ်ဦးတည်းသောညီမကို ဒီနွံထဲကနေလွတ်မြောက်စေချင်တာလေ။ ဒီကိစ္စမှာ သူ့အနေနဲ့မမှားပါဘူး။ ဒါပေမဲ့လို့ လုံးဝလက်မခံဘဲ ခေါင်းချည်းခါနေတဲ့ Greceကို ဘယ်လိုစိတ်ပျော့အောင်လုပ်လုပ် မဖြစ်မြှောက်နိူင်ဘူး။
Lucky သက်ပြင်းချမိသလို နှစ်ဦးသားမတ်တတ်ရပ်လျက် အခန်းအတွင်းမှာအတူရှိနေကြတယ်။သို့သော် ပူအိုက်တဲ့နွေရာသီမှာတောင် အခြေအနေကတင်းမာနေပြီး တောက်လောင်တော့မလားပဲ။
" ငါ့ကိုကောင်းစေချင်တယ်ဆိုရင် နင်အရင်သွားသင့်တာပေါ့။ ဘာလို့ငါ့ကိုလွတ်ရတာလဲ "
" Graceတကယ်ပဲ နင့်အခြေအနေကိုနင်မသိဘူးလား "
" ဘာလဲ ဘာကိုနားလည်ရမှာလဲ "
YOU ARE READING
What is Beauty? [Normal]
Fantasyချောမောလှပတဲ့ဒီမျက်နှာလေးကို တစ်သက်လုံးလို့ထင်ခဲ့ပေမယ့် ရုတ်တရက်ဆုံးရှုံးခဲ့တဲ့နောက် သူမကျော်လွှားနိုင်ပါ့မလား... အရာအားလုံးကိုလက်ခံပေးမယ့် အမျိုးသားတစ်ယောက်နဲ့ဆုံတွေ့တဲ့အခါ... [Note: ဖော်ပြပါဝတ္ထု၌ Suicide Sensesပါဝင်တာကြောင့် 15နှစ်အထက် ဖတ်ရှုရန်သ...
![What is Beauty? [Normal]](https://img.wattpad.com/cover/282166712-64-k868398.jpg)