တိုက်ခိုက်ခြင်း
" စောင့်လိုက်ရတာ ကြာလိုက်တာကွာ "
" အပိုတွေပြောမနေနဲ့ ငါနောက်ကျတာမဟုတ်ဘူး။ နင်ဘာသာ အစောကြီးရောက်နေပြီတော့ "
Graceသည် မျက်မှန်တပ်ထားတဲ့ ယောက်ျားလေးသူငယ်ချင်းဖြစ်သော Coleကိုပြောလိုက်တယ်။ ဒါ့အပြင် သူမက မကျေနပ်ပုံရစွာ ဖြည့်စွက်လိုက်သေးသည်။
" ရည်းစားမရှိမှန်းသိသာလိုက်တာ "
ထိုစကားက ဘာမှမဟုတ်ပေမယ့် Coleအတွက်တော့ အတော်ထိခိုက်သွားပုံရတယ်။ ချက်ချင်းကြီးကို တည်ငြိမ်သွားတဲ့ သူငယ်ချင်းကိုကြည့်ရင်း Grace စိတ်မကောင်းဖြစ်မိသည်။ မရည်ရွယ်ပေမယ့် ဖြစ်သွားတာမို့ အလျှင်အမြန်ပဲ
" ငါတောင်းပန်ပါတယ်။ နင့်ကို အဲ့လိုမပြောလိုက်သင့်ဘူး။ တကယ်တောင်းပန်ပါတယ် "
" ဘယ်ကသာ။ တောင်းပန်စရာမလိုပါဘူး။ ငါက စလိုက်တာ ဟားဟားဟား "
Graceကို ရယ်ပြနေတဲ့ Coleက ခဏကညိုးငယ်ပြီးဝမ်းနည်းပုံရတဲ့ လူတစ်ယောက်နဲ့ အတော်လေးကွာခြားသည်။ ထို့ကြောင့် သူမတောင် မယုံနိုင်ဖြစ်နေရတယ်။ ဒါပေမဲ့လည်း Coleက အတည်ကြီးစနောက်နေတာကို မသိခဲ့တာ အပြစ်မှမဟုတ်ပဲ။
" နင်ကလည်း တကယ်အတည်ကျနေတာပဲ။ ငါတောင် လန့်သွားတယ် "
" နင်က လန့်တယ်ပေါ့ ဟားဟားဟား။ အဲ့လိုဆိုကြေးဆို နင်လည်းအခုရည်းစားမရှိဘူးပဲ မဟုတ်လား။ အပိုတွေပြောမနေနဲ့ အတူတူပဲ "
စဉ်းစားကြည့်စရာမလိုအောင် Coleပြောခဲ့တာမှန်ပါတယ်။ ဒါကို သူမ,မငြင်းနိုင်ပါဘူး။ လွန်ခဲ့တဲ့နွေရာသီကတည်းက ချစ်သူရည်းစားမရှိခဲ့တာ ဒီဆောင်းရာသီအထိကုန်လွန်ခဲ့ပြီ။ ဒီကြားထဲ အထီးကျန်တာမျိုးခံစားရပေမယ့် တကယ်တမ်းကျ ပတ်ဝန်းကျင်မှာအသားကျအောင် ကြိုးစားနေထိုင်ရတာကပိုများသည်။
အထူးသဖြင့်ကိုယ့်ကိုကိုယ် ကြည့်ဖြစ်တာပိုများလိမ့်မယ်။ အရင်တုန်းကတော့ ဒီလောက်ထိ သတိမထားမိပေမယ့် အခုတော့ ကိုယ့်အကြောင်းပိုသိသလိုခံစားရတယ်။ သူမသည် ပြုံးရယ်လိုက်ပြီး ပတ်ဝန်းကျင်အားတစ်ချက်ကြည့်သည်။
YOU ARE READING
What is Beauty? [Normal]
Fantasyချောမောလှပတဲ့ဒီမျက်နှာလေးကို တစ်သက်လုံးလို့ထင်ခဲ့ပေမယ့် ရုတ်တရက်ဆုံးရှုံးခဲ့တဲ့နောက် သူမကျော်လွှားနိုင်ပါ့မလား... အရာအားလုံးကိုလက်ခံပေးမယ့် အမျိုးသားတစ်ယောက်နဲ့ဆုံတွေ့တဲ့အခါ... [Note: ဖော်ပြပါဝတ္ထု၌ Suicide Sensesပါဝင်တာကြောင့် 15နှစ်အထက် ဖတ်ရှုရန်သ...