အိုလီဗာရဲ့မင်္ဂလာဆောင်ပွဲ
" အကောင်းဆုံးပြင်ပေး မဟုတ်ဘူး အလှဆုံးပြင်ပေးနော် အစ်မနမ် "
Philipက ပြုံးရယ်ပြီး ထိုSalonပိုင်ရှင်အစ်မကိုပြောသည်။ ဒါပေမဲ့ဘေးက သူချစ်သောမိန်းမလေး၏ လက်ကိုတွဲထားလျက်ရှိတယ်။
" Philip ဒါလေးအတွက်နဲ့ ပိုက်ဆံအများကြိီးမဖြုန်းနဲ့လေ "
" ပိုက်ဆံဖြုန်းတာမဟုတ်ဘူး။ ဒီတိုင်းလိုအပ်လို့သုံးတာ "
ချစ်ရသူလေးက ခပ်တိုးတိုးလေးပြောလာတော့ Philipလည်းပဲ တိုးတိုးလေးပြောပြလိုက်တယ်။ တကယ်လည်း သူ့အနေနဲ့ ဒီအများကြီးထောက်ပံ့နေချင်တာ။ ပြီးတော့ နှစ်ယောက်သားအမှတ်တရတွေအများကြီးရှိချင်သေးတယ်။ ဒါပေမဲ့ သကြားဖေဖေလို့ထင်မှာ စိုးရိမ်မိနေတော့ သူအတတ်နိုင်ဆုံးထိန်းသိမ်းလျက်ရှိ၏။
" ပြီးတာပဲ "
ရည်းစားအသစ်စက်စက်က ပြောလို့မရမှန်းသိနှင့်ပြီးသားမို့ မသက်သာသောမျက်နှာဖြင့် Graceထိုသို့ထွက်သွားလိုက်သည်။ မိန်းကလေးတစ်ယောက်မို့ ထုံးစံအတိုင်း အလှအပကြိုက်ပါတယ်။ ဒါပေမဲ့လည်း Philipဘက်ကပဲ ကုန်ကျရတာတွေကိုတကယ်အားနာသည်။
လက်တွေ့၌ ကိုယ်ပိုင်ငွေလည်းမရှိတာမို့ ပြဿနာတက်နေသလိုပင်။ အင်း.. နောက်ပိုင်းတော့ သူလည်းတတ်နိုင်သလောက်ထိန်းညှိရမှာပေါ့။
" ဒါဆိုခဏနေလိုက်ဦးနော်။ ကိုယ် ဟိုဘက်ခဏသွားဦးမယ် "
Philipဘာကိုဆိုလိုမှန်း သူမ,သေချာသိတာကြောင့်ခေါင်းညိတ်ပြလိုက်တယ်။ သူထွက်သွားပြီးနောက် ဆိုင်ကဝန်ထမ်းတွေဟာ ခေါင်းလျှော်ဖို့ တစ်နေရာသို့ညွန်ပြသည်။ ဒီဆိုင်ဟာ အထက်တန်းကျပြီး ဈေးကြီးမှန်းအသိသာကြီး။ အပြင်အဆင်ကလည်း ဟိတ်ဟန်များကာ သုံးတဲ့ပစ္စည်းတွေကအစ သူသတိထားနေမိသည်။
ဥပမာဆိုရလျှင် ဇာတ်လမ်းတွဲတွေထဲက သူဌေးကတော်တွေ အတင်းအုပ်တဲ့နေရာလို့တောင် ထင်မိနေသေးတာ။
" အစ်မ ရေနွေးနဲ့လျော်ပေးမယ်နော် "
" ဟုတ် "
ဒီတစ်ခွန်းသာပြောပြီးနောက် လှဲအိပ်နေရာမှ ခေါင်းပေါ်ရေနွေးနွေးကိုခံလိုက်ရတယ်။ နောက်တော့ အတွေးတွေလွင့်ပျံ့၍ မျက်လုံးအစုံမှတ်ထားမိ၏။
YOU ARE READING
What is Beauty? [Normal]
Fantasyချောမောလှပတဲ့ဒီမျက်နှာလေးကို တစ်သက်လုံးလို့ထင်ခဲ့ပေမယ့် ရုတ်တရက်ဆုံးရှုံးခဲ့တဲ့နောက် သူမကျော်လွှားနိုင်ပါ့မလား... အရာအားလုံးကိုလက်ခံပေးမယ့် အမျိုးသားတစ်ယောက်နဲ့ဆုံတွေ့တဲ့အခါ... [Note: ဖော်ပြပါဝတ္ထု၌ Suicide Sensesပါဝင်တာကြောင့် 15နှစ်အထက် ဖတ်ရှုရန်သ...