What is Beauty? [Normal]

Chapter 17

နေ့စဉ်ဘဝ

ဒီအဆောက်အအုံက တစ်ထပ်တည်းရှိပြီးကျယ်ဝန်းတာကြောင့် အပေါ်ထပ်အောက်ထပ်ဆိုပြီးပြေးနေစရာမလိုဘူး။ ဒါပေမဲ့လည်း ကလေးတွေကို ညအချိန်အထိ ထိန်းရဦးမယ်ဆိုတာတော့ နည်းနည်းအဆင်မပြေနေပါ။

မည်မျှပင်ဖြစ်နေပါစေ Graceအတွက်တော့ ငိုယိုမိရင်တောင် ဒါကလုပ်ကိုလုပ်ရမှာ။ တကယ့်ကို မငြင်းမပယ်ဘဲ လုပ်ရမယ့် အလုပ်ဖြစ်နေခဲ့တယ်။ နွေရာသီမို့ ညချမ်းအချိန်က သိပ်မပူပြင်းချေ။ ဒါပေမဲ့ ဟူဒီအနွေးထည်နဲ့ ညအိပ်ဝတ်စုံဝတ်ထားသည်။

လက်တွေ့၌တော့ ဇိမ်နဲ့ကွပ်ပျစ်မှာမအိပ်နိုင်သေးဘဲ ကလေးတွေရဲ့ ဒိုင်ဘာကိုလဲပေးနေရတယ်။ ကလေးတွေကများတာမို့ တစ်ယောက်တစ်လှည့်မဟုတ်ပဲ  အားလုံးကူညီဖြစ်သည်။

" ငါ့ကို ကလေးမမွေးခင် သင်ခန်းစာပေးသလားထင်ရတယ် "

" အစ်မကလည်းအဲ့လောက်လဲ မဟုတ်ပါဘူး "

Yeonကတော့ ပရော်ဖက်ရှင်နယ်ကျစွာ ကလေးရဲ့ဒိုက်ဘာကို အလွယ်တကူလဲပြီး အမှိုက်ပုံးထဲထည့်ပစ်သည်။ ယင်းနောက် အိပ်ဖို့ပြင်ဆင်ထားသော ကွပ်ပျစ်ပေါ်သို့တက်သည်။

အေးဆေးလေးဖြစ်ပုံရပြီး ခေါင်းအုံးပေါ်လှဲအိပ်ရင်း ခဏနားနေသေးတယ်။

" အစ်မတို့ ကလေးယူရင်ဒါက အတွေ့အကြုံရမှာပါ "

" မဖြစ်နိုင်တာ ငါ့အတွက်တော့ အိပ်မက်ဆိုးလိုပဲဟဲ့ "

Olivaက ဤကဲ့သို့မဟုတ်မခံပြန်ပြောနေသလို Graceကလည်း မျက်နှာရှုံ့မဲ့၍ ထောက်ခံနေသေးသည်။ ဒါမျိုးကို ဘယ်တုန်းအခါမှမလုပ်ဖူးဘူး။ ကလေးတွေကိုမုန်းတာ မဟုတ်ပေမယ့် ဒိုင်ဘာခဏခဏလဲပေးရတာမျိုးကို စိတ်ကုန်သည်။ ဒါ့အပြင် ဘာကြောင့်မှန်းမသိ အော်ငိုနေတာကိုလည်း နည်းနည်းတော့ မုန်းမိတယ်။

" ပြီးပြီ။ အခုမှအသက်ရှူချောင်တော့တယ် "

အသက်မရှူဘဲ အသက်အောင့်ထားတဲ့ Graceဆီမှဖြစ်ပြီး ကလေးလေးရဲ့အနှီးကိုပတ်ရင်း ပုခက်အိပ်ရာထဲ သိပ်လိုက်သည်။ တစ်ခြားကလေးတွေကိုကြည့်တော့လည်း နှစ်ခြိုက်စွာအိပ်နေတာမို့ သက်သာရသွားတယ်။