နှလုံးသားရဲ့ ရွေးချယ်ခြင်း
" ကိုကို ဖုန်းပြောလို့ရလား "
[ အင်း။ ရတယ်လေ ]
" မနေ့ညက ရိုက်ကူးရေးက ညစာစားပွဲလုပ်နေတာကြောင့် နောက်ကျမှပြန်ရောက်လို့ ဖုန်းမဆက်မိဘူး။ အခုမှ ဖုန်းခေါ်ထားမှန်းသိတာ "
Graceက သူမရဲ့မနေ့ညက အခြေအနေတစ်ချို့ရှင်းပြနေသည်။ တကယ်ဆို မနေ့ကတည်းက ကျေးဇူးတင်ကြောင်းပြောလိုက်ရမှာ အရှုပ်တွေလုပ်နေတာပဲ မေ့လျော့သွားခဲ့တယ်။ ကိုကိုတော့ ဘယ်လိုဖြစ်နေမလဲမသိပေမယ့် Graceသာဆို စိတ်ဆိုးမိလောက်တယ်။
ကိုယ်တိုင်လည်းမှားခဲ့တာမို့ ဘယ်လိုမျိုးတောင်းပန်ရမလဲကို မသိတော့ဘူး။ ဒါပေမဲ့လည်း Graceသည် မနက်စာစားခြင်းကို ရပ်တန့်လိုက်ကာ
" မနေ့ကလက်ဆောင်အတွက် ကျေးဇူးပဲ။ ပြီးတော့ အဲ့ကတည်းက ဖုန်းမဆက်မိလို့တောင်းပန်ပါတယ်။ ကိုကို တကယ်စိတ်ဆိုးနေတယ်မလား "
ဖုန်းပြောရင်း မနေ့ညကရလာတဲ့ ပန်းစည်းတို့က ရေခွက်အကြီးထဲမှာရောက်ရှိနေသည်။ သူမအတွက်တော့ ပန်းအိုးလို့ ယူဆထားပေမယ့် အမြင်တော့လှမှာမဟုတ်ချေ။
" ဒီလို စကားမပြောဘဲ တိတ်နေရင်ကိုကိုတကယ်ကြီး စိတ်ဆိုးနေတာပဲ။ ဘေဘီတောင်းပန်ပါတယ် "
[ မဟုတ်ပါဘူး။ ကိုယ် လက်မှတ်ထိုးနေရလို့။ အခုအဆင်ပြေသွားပြီ။ ဘေဘီဘာပြောချင်လဲ ပြောလေ ]
" သတိရတယ်လို့ "
စင်စစ်တော့ Graceနှုတ်ဖျားတွေက ဒီစကားတွေထွက်ချင်နေတာ မဟုတ်ရပါ။ Liamက သူ့ကိုနှောင့်ယှက်နေကြောင်းပြောလိုက်ချင်ပေမယ့် တမင်တသက်သက် အလုပ်ရှုပ်အောင် လုပ်မိမှာလည်း စိုးရိမ်မိသည်။ Philipက အလုပ်မှာ အာရုံစိုက်ပြီးစေ့စပ်သေချာတဲ့လူ။ သူမကြောင့် တစ်ခုခုဖြစ်သွားမှာတို့ မလိုချင်ဆုံးပဲ။
ဒါကြောင့် ရင်တွင်းကစကားလုံးတွေကို မြိုသိပ်ထားလိုက်ရတယ်။ Liamက သူမကိုဆွဲလားရမ်းလား လုပ်နေတာမဟုတ်ပဲ ဒီတိုင်း အနောက်ကနေတစ်ကောက်ကောက်လိုက်နေတာမို့ သိပ်ပြီးကိစ္စမရှိဘူး။
YOU ARE READING
What is Beauty? [Normal]
Fantasyချောမောလှပတဲ့ဒီမျက်နှာလေးကို တစ်သက်လုံးလို့ထင်ခဲ့ပေမယ့် ရုတ်တရက်ဆုံးရှုံးခဲ့တဲ့နောက် သူမကျော်လွှားနိုင်ပါ့မလား... အရာအားလုံးကိုလက်ခံပေးမယ့် အမျိုးသားတစ်ယောက်နဲ့ဆုံတွေ့တဲ့အခါ... [Note: ဖော်ပြပါဝတ္ထု၌ Suicide Sensesပါဝင်တာကြောင့် 15နှစ်အထက် ဖတ်ရှုရန်သ...
![What is Beauty? [Normal]](https://img.wattpad.com/cover/282166712-64-k868398.jpg)