မူရာမာယာပိုသော ရည်းစား
" အစ်ကိုPhilipအဆင်ပြေလား။ ဒီနေ့အစားမဝင်သလိုပဲ။ ဘာလို့လဲ လမ်းဘေးဆိုင်မို့လား "
" ဘာမှမဟုတ်ပါဘူး။ ကိုယ်ဒီတလော အိပ်မပျော်လို့ "
Philip အရင်ကဆို ဒီထက်အိပ်ပျော်ဖို့ခက်ခဲ့သည်။Graceနဲ့တွေ့ပြီး သက်သာလာတယ်ဆိုရမယ်။ ဒါပေမဲ့လည်း ဒီထက်ပိုပြီးရင်းနှီးမှုတွေ၊အဆင့်တွေတက်ချင်လာတာမို့ သူလိမ်လည်ခဲ့တယ်။
အလိမ်အညာဆိုပေမယ့် သူတို့နှစ်ဦးစလုံးအတွက် ပိုပြီးကောင်းနေသည်။နှစ်ယောက်လုံးက အလုပ်ကိုယ်စီနဲ့မို့တွေချိန်ကလည်း နည်းပါးတယ်။ထို့အပြင် Graceရဲ့နှလုံးသားလေးက မာကျောနေတော့ သူကပဲအဆင့်တက်အောင်လုပ်ရမှာပေါ့။ ဤတွင် Philipတစ်စက်လေးမှမမှားပေ။
သို့သော်လည်း မျက်နှာချင်းဆိုင်၌ထိုင်နေပြီး Philipမျက်နှာကိုအကဲခတ်ကြည့်ရင်း မိန်းမလှလေးမှာ စိတ်မကောင်းဖြစ်နေပုံရသည်။
" အိပ်မပျော်တာကြာပြီလား "
ဒီဂရုဏာတရားတွေက ဘယ်ကလာမှန်း Graceတစ်စက်မှမသိတော့ပါ။ မဟုတ်ရင်လည်း ကိုယ့်အပေါ်အများကြီးကောင်းပေးတဲ့လူအပေါ် စိတ်ယိုင်ချင်နေတာမျိုးပဲ။
ဟုတ်တယ်။ Philipက ရုပ်ချောတာတစ်ခုတည်းမဟုတ်ပဲ သူမရဲ့အရာရာကိုလက်ခံပေးတယ်။ပြီးတော့ စိတ်ရှည်သည်းခံပေးသေးတယ်။ စဉ်းစားကြည့်ရင် သူမဘက်ကလုပ်ပေးနိုင်တာတစ်ခုလေးမှရှိမနေ။
ဒါမှမဟုတ် အတူရှိနေတော့ သံယောဇဉ်တွယ်တာလည်းဖြစ်ပါလိမ့်မယ်။ ဒီအခိုက်အတန့်၌ သူမ ဘာမှမတွေးမိတော့ဘဲ Philipမျက်နှာကိုအသာအယာကိုင်မိလိုက်တယ်။
လူချောလေးPhilipလည်း ရုတ်တရက်မို့ အံ့ဩသွားပုံရပြီး သူမကိုအံ့ဩတကြီးကြည့်လာသည်။
" အား ဆောရီး "
အမြန်ပဲ သူမ၏လက်ကိုဖယ်ရှားဖို့လုပ်လိုက်ပေမယ့် Philipက လက်ကောက်ဝတ်ကိုကိုင်ထားပြီးပြန်စမ်းစေသည်။ မျက်လုံးတွေကလည်း တမင်အလိုရှိနေပုံရသည်။
ဖြူဖြူသွယ်သွယ်မျက်နှာလေးထက်က ပါးပြင်ကိုထိကိုင်လိုက်ရသလို နဖူးပြင်ခပ်ကျယ်ကျယ်ကိုလည်း ထိတွေ့ရသေးတယ်။ လက်က Philipစေခိုင်းရာအတိုင်းဖြစ်နေပြီး သူမ၏မျက်လုံးတွေဟာ ချောမောကြည့်ကောင်းသောအမျိုးသားထံတွင်ရှိနေဆဲ။
YOU ARE READING
What is Beauty? [Normal]
Fantasyချောမောလှပတဲ့ဒီမျက်နှာလေးကို တစ်သက်လုံးလို့ထင်ခဲ့ပေမယ့် ရုတ်တရက်ဆုံးရှုံးခဲ့တဲ့နောက် သူမကျော်လွှားနိုင်ပါ့မလား... အရာအားလုံးကိုလက်ခံပေးမယ့် အမျိုးသားတစ်ယောက်နဲ့ဆုံတွေ့တဲ့အခါ... [Note: ဖော်ပြပါဝတ္ထု၌ Suicide Sensesပါဝင်တာကြောင့် 15နှစ်အထက် ဖတ်ရှုရန်သ...