Battle of the Past (Seule Fille Series #1)

Chapter 37

FAYE

"Hindi ka ba hinahanap ng mga kaklase mo?"

Nandito pa rin ako sa room ng Section Breaker. Kanina pa nga ako pinapalis ng iba sa kanila, eh. Lalo na yung masungit na ang pangalan pala ay Sean.

Yung Sean na 'to, kalahi yata ni Jake. Pwedeng kambal din sila. Hindi ako na-inform na may nawawalang kakambal ang Jake namin.

"Hayaan mo silang mag hanap," sagot ko at tumawa.

Ngumiwi siya at binigyan ako nang pagkain na agad ko namang tinanggap dahil nagugutom na rin ako.

"Saang school ka nga ulit galing?" Biglang tanong ni Ichiro at nilapit pa ang mukha sakin.

Napailing si Eris at hinila ang kwelyo ni Ichiro papalayo sa akin.

"CHU," sagot ko.

"Anong Section?" Tanong ni Azrael. Si Azrael yung kaedad ni Ethan at Ryuu.

Parang version lang 'to ng dalawa kaso mas childish si Azrael. Mahilig din siya sa pagkain.

"Section Knight."

"Eh?"

Napatigil siya at hindi makapaniwalang tumingin sa akin. Nagkatinginan silang tatlo nina Rafael at Ichiro.

"S-Sigurado ka?" Nakita ko pa kung paano lumunok si Rafael.

"Muka ba akong nagbibiro?" Tumaas ang kilay ko.

"Wala namang babae roon. Katulad namin hindi sila tumatanggap ng babae," si Yakov ang sumagot at tinuro pa si Eris na kaharap ko.

"At 'yang babae na 'yan, hindi namin alam kung paano napunta sa Section namin," dagdag niya at umirap pa.

"Gago 'to, ah," rinig kong bulong ni Eris na masama na ngayon ang tingin kay Yakov.

"Meron," ngumiti ako. "Meron ng babae."

"Sino?" Tangang tanong ni Ichiro.

"Siya! Yung kaibigan ko, tanga!" Turo sa akin ni Eris at binatukan pa si Ichiro. "Saka, ano bang problema niyo sa Section niya?!"

Umiling sila.

"So, it's you."

Agad na nabaling ang atensyon namin sa nag salita. Dumiretso ang tingin ko sa likod.

Sa lalaking may subo ng lollipop na naka-upo dulo katabi si Jack Frost at yung lalaking nakasalamin.

"Anong ako?" Nangunot ang noo ko.

"I had assumed that they wouldn't accept a woman, especially him, due to what happened in the past," he grinned as he looked in my direction.

"But I think I'm wrong," he added and shrugged.

Nakatingin pa rin siya sa akin habang may lollipop sa bibig at may mapaglarong ngisi sa labi.

Alam ko naman na ayaw nila sa babae pero ano bang pinag sasabi ng gagong 'to?

Hindi ko alam pero may parte sakin ang gustong malaman kung ano man ang sasabihin niya o ano pa ang mga nalalaman niya.

"Luther, naiirita ako sayo. Pwede ka bang tumahimik?"

So his name is Luther.

Imbis na pansinin niya ang sinabi ni Eris sa kaniya ay bigla siyang tumayo at lumapit sa akin.

"Eris, manahimik ka muna," rinig ko sabi sa kaniya ni Ichiro.

Napatayo ako at napa-atras nang bigla niya ilapit ang mukha niya sa akin. At nakita ko pa kung paano lumaki ang ngisi niya dahil sa reaksyon ko.