မအိပ်ခင်ချင်ရှောင်းခေါင်မိုးထပ်ကိုသွားချင်လာ၏။ ခေါင်မိုးထပ်တွင်မီးလင်းနေသည်။ ချင်ရှောင်းတံခါးဖွင့်ပြီးမကြာမီမှာပဲ ကြီးမားတဲ့ငါးကန်တစ်ခုက သူ့မြင်ကွင်းကိုသိမ်းပိုက်လိုက်၏။ အနက်ရောင်ရေသူလေးက ငါးကန်ထဲမှာတိတ်တဆိတ်မျောနေပြီး ကြည့်ရတာရေသူလေးအိပ်ပျော်နေပုံရသည်။
ထိုအချိန်မှပဲချင်ရှောင်း သူ့မိသားစုတွင်ရေသူလေးတစ်ကောင် တကယ်ရှိနေတာကို သေချာပေါက်ခံစားမိလိုက်၏။
ငါးကန်ဆီဖြည်းဖြည်းလေးချဥ်းကပ်သွားပြီး မသိစိတ်ကအရှိန်ကိုနှေးစေသည်။ ထို့ကြောင့်ချင်ရှောင်းငါးကန်ရှေ့မှာရပ်လိုက်သောအခါ အိပ်ပျော်နေတဲ့ရေသူလေးကို မနှိုးမိလိုက်ပေ။ ရေထဲမှာတိတ်တိတ်ဆိတိဆိတ်လေးအိပ်ပျော်နေတဲ့ ရေသူလေးကငါးသေးသေးလေးတစ်ကောင် ရေထဲမျောနေသလိုပင်။
သူအစကချင်ရှောင်းမျက်နှာမူရာနှင့်ဘေးတိုက်ဖြစ်နေပေမယ့် အိမ်မက်မက်နေတာဖြစ်နိုင်ပြီး အိမ်မက်ထဲတွင်လှည့်သလို တဖြည်းဖြည်းလှည့်လာ၏။ ထို့ကြောင့်ဆောင်းရာသီနှင်းလို ဖြူဖွေးပြီးနူးညံ့သိမ်မွေ့သည့်မျက်နှာလေးက ချင်ရှောင်းအရှေ့သို့ ပေါ်ထွက်လာသည်။
သူ့လက်ဖဝါးနဲ့မဝေးတဲ့ရေသူလေးရဲ့ နူးညံ့တဲ့မျက်နှာလေးကိုကြည့်ပြီး ချင်ရှောင်းအသက်ရှူတာကိုနှေးလိုက်၏။ ရေသူလေးကိုနိုးသွားစေမိမှာကိုကြောက်သည်။ အဲ့ဒိမျက်နှာလေးက လူတစ်ယောက်၏လက်ဖဝါးလောက်တောင်မကြီးပေ။ အိပ်ပျော်နေတဲ့ရေသူလေးကိုကြည့်ရတာ အလွန်နူးညံ့ပြီးချစ်စရာကောင်း၏။ ဒါပေမဲ့ သူရေသူလေးကိုစတွေ့တုန်းက အစွယ်တွေနဲ့ခုန်ဝင်လာတဲ့မြင်ကွင်းကို ချင်ရှောင်းမမေ့ပါချေ။
အကယ်၍ရေသူလေးသာစစ်သားတစ်ယောက်ဖြစ်ပြီး ဒီလိုအစွယ်တွေထုတ်၍တိုက်ခိုက်လာရဲရင်
ချင်ရှောင်းတစ်ခါလောက်တော့ သူ့အဆင့်သူရှင်းရှင်းလင်းလင်းသိသွားအောင် သင်ပေးလိုက်မည်ကိုသံသယဖြစ်စရာမလိုပေ။ဒါပေမဲ့ရေသူလေးကစစ်သားတစ်ယောက်မဟုတ်သလို သူ့ရဲ့စစ်သားတစ်ယောက်ကမှလည်း သူ့အားတိုက်ခိုက်ဖို့မလုပ်ရဲပေ။
YOU ARE READING
The Villain Dressed As a Little Mermaid
RomanceOriginal Author -狩心( ShòuXīn) Status -Completed Total episodes -51+Extra5 Start Date -31.8.2022 End Date - Update- Three episodes per week This novel is not mine and just a fan translation.crd to original cover photo. Do not Repost my Translation...