The Villain Dressed As a Little Mermaid

Chapter 15

    လင်ရှီးရေပေါ်မှာမျောနေရင်း သူ့ရဲ့အနက်ရောင်အမြီးကိုဖြည်းဖြည်းလေးယမ်းနေကာ သူ့ရဲ့ညာဘက်လက်ကိုရေထဲကထုတ်လိုက်၏။

   ဒီခန္ဓာကိုယ်က သူ့ရဲ့လူဖြစ်ခဲ့တုန်းကခန္ဓာကိုယ်နှင့် အတော်လေးကိုကွာခြားတယ်လို့ပြောလို့ရသည်။ အတိတ်ဘဝတုန်းက သူ့ခန္ဓာကိုယ်ကချင်ရှောင်းရဲ့ ကိုယ်လုံးကိုယ်ပေါက်နဲ့နီးစပ်တယ်လို့ပြောလို့ရပေမယ့် အရပ်အမြင့်ကတော့ချင်ရှောင်းလောက် မရှိပေ။

    ချင်ရှောင်းဆိုကာမှ သူ(ချင်ရှောင်း)ကသူ့ရဲ့လက်ရှိအလုပ်ရှင်ဖြစ်ပြီး သူကလတ်တလောမှာချင်ရှောင်းရဲ့အိမ်၌နေပြီး အိမ်မွေးငါးလိုသူ့(ချင်ရှောင်း)ရဲ့မွေးမြူခြင်းကိုခံနေရသည်။

    သူ့ရဲ့ဖြူဖြူသွယ်သွာ်လက်ချောင်းတွေကို ရုတ်တရက်ကျစ်ကျစ်ဆုပ်လိုက်သည်။ ဘာလို့သူချင်ရှောင်းကနေမစရမှာလဲ?

    အဲ့တာကချင်ရှောင်းကို နမိတ်ဖတ်စွမ်းရည်ရဲ့လေ့ကျင့်ရေးပစ္စည်းအဖြစ် အသုံးချဖို့ဖြစ်သည်။

   ပြတ်သားတဲ့ပန်းတိုင်နဲ့၊ အချိန်နဲ့တစ်ပြေးညီတုံ့ပြန်မှုတွေကို ဘေးနားကလူတွေနဲ့စတင်ရပေမည်။ ဒီနာရီဝက်ကျော်အချိန်တိုလေးအတွင်းမှာလင်ရှီးသူ့ကိုအနှောင့်အယှက်ပေးနေသည့် ကိစ္စတွေကိုဖြေရှင်းလိုက်နိုင်၏။

   နက်ပြာရောင်ကောင်းကင်ကိုမော့ကြည့်ရင်း ဆေးရုံကမြင်ကွင်းက လင်ရှီးရဲ့အာရုံထဲပေါ်လာခဲ့သည်။  ရေသူလေးကအကောင်းဆုံးသော ဆေးကုသမှုတွေကိုရမယ်ဆိုတာကို ပင်ကိုအားဖြင့်သူယုံကြည်ပါသည်။ ပထမဆုံးသူပြန်လာတဲ့အချိန်မှာ ဆေးရုံက ချင်ရှောင်းရဲ့အစောင့်ဆီသို့ဆက်သွယ်ပြီး ရေသူလေးကအန္တရာယ်ရှိတဲ့ကာလကိုဖြစ်ကျော်နိုင်ခဲ့ပြီး အခုအချိန်မှာအသက်အန္တရာယ် မရှိတော့ကြောင်းသတင်းပေးခဲ့၏။

   အဲ့ဒီစကားကိုလင်ရှီးကြားခဲ့သည်။ ဒီကမ္ဘာရဲ့ဆေးပညာနှင့် နည်းပညာကအလွန်ဖွံ့ဖြိုးတိုးတက်တာကြောင့် ခြေလက်တွေပြတ်သွားခဲ့ရင်တောင် ဇီဝခြေတုလက်တုကိုတပ်ဆင်နိုင်သည်။ ခြေတုလက်တုတွေကအစစ်နဲ့တူပြီး အဓိကအာရုံကြောနှင့်ဆက်ထားတာကြောင့် ထိန်းချုပ်လို့ရသည်။