ဇာတ်သိမ်းပိုင်း
🍒🍒🍒 မုဒြာ မမခွံ့ကျွေးသည့်နို့ဆန်ပြုတ်ကို ကောင်းမွန်စွာသောက်အပြီး ခဏအကြာ ဆေးရုံအုပ်ကြီးဒေါက်တာသက်နိူင်ရောက်လာကာ သူမကိုစမ်းသပ်ကြည့်ရှုပေးလေသည်၊
"ကဲသမီး ကိုယ်ဝန်ရက်နုနုလေးမှာ ဘာအတွက်နဲ့မှစိတ်ဖိစီးမခံနဲ့ အားနည်းနေချိန်မှာ အားရှိမယ့်အစားစာလေးဝင်အောင်စားပေး သိပ်လဲလှုပ်လှုပ်ရှားရှားမနေနဲ့ ဗိုက်ကိုဂရုစိုက်ပါ"
"ဟုတ်ကဲ့ဆရာ"
"ဆရာ ညီမလေးကဆေးရုံမှာဘယ်နှစ်ရက်နေရမလဲဟင်"
"သူ့ခန္ဓာကိုယ်အခြေနေစိတ်ချရပြီဆိုဆင်းလို့ရပါတယ် တစ်ရက်နှစ်ရက်လောက်တော့ပေးနေလိုက်ပါဦး သခင်ကလဲတစ်ပတ်လောက်ဆေးရုံမှာထားဖို့စီစဥ်ထားတယ် အန်ကယ့်ကိုလဲပြောထားပြီးသား"
"အော် ဟုတ်ကဲ့ဆရာ"
"အဟင်း ညီမနှစ်ယောက်ကအမွှာဆိုတဲ့အတိုင်း ခွဲမရအောင်တကယ်တူတယ် အချို့အမွှာတွေဆိုခုလောက်တူတာသိပ်မရှိဘူး ဒါနဲ့ သခင်ကလေသမီးညီမကိုသိပ်ချစ်ရှာတယ် သူ့မိန်းမတစ်ခုခုဖြစ်မှာအရမ်းစိုးရိမ်နေတာ သူကိုယ်တိုင်လဲဆရာဝန်ပဲဟာအန်ကယ့်ကိုပဲအားကိုးတယ်လုပ်နေတာ မနေ့ညကလဲသူအပူကပ်နေတဲ့အတွက်ကြောင့် သူ့အဖေဆီတောင်မသွားလိုက်ရဘူး သူ့အဖေသိရင်အရမ်းဝမ်းသာနေမှာ မြေးရပြီဆိုပြီလေ"
"ဆရာက သခင့်အဖေနဲ့အတော်ရင်းနှီးလားဟင်"
"ငယ်သူငယ်ချင်းတွေသမီးရဲ့ အန်ကယ်တို့ကသူငယ်ချင်းလေးယောက်ရှိတာ နေတထန် တံတိုင်းရံ သက်နိူင် နွယ်ကြိုး အဟင်း ပြောရရင်အန်ကယ်တို့အကြောင်းတွေကအရှည်ကြီးပါပဲကွယ် ကဲ သမီးကောင်းကောင်းအနားယူနေ အန်ကယ်လဲအခြားလူနာတွေသွားကြည့်ဦးမယ် အော် ခုနကတွေ့လိုက်တာသမီးတို့အဖေလား"
"ဟုတ်ပါတယ်ဆရာ ဖုန်းလာလို့ဖုန်းထွက်ပြောနေတာ ဟော ပြောရင်းဆိုရင်းလာပြီ ဖေဖေ"
"သမီးကြီး ဆရာ"
ဦးမြတ်ထွန်းနိူင် အခန်းထဲပြန်ဝင်လာပြီး ဒေါက်တာသက်နိူင်အနားလျှောက်လာကာ တရိုတသေပြောဆိုဆက်ဆံလိုက်သည်၊
![](https://img.wattpad.com/cover/305103886-288-k86886.jpg)
YOU ARE READING
🚨မင်းသာ သခင့်ရဲ့မူပိုင်(သခင့်ထံ၌ခစားသော)🚨(OC)
Romance'ငါ့ကိုလှည့်စားခဲ့တာအတွက် မင်းပြန်ပေးဆပ်ရမယ်ပန်းမုဒြာ တစ်နေ့ငါပြန်လာတဲ့အခါ ငါချစ်တဲ့မိန်းမယုတ်ကိုလဲကျိန်းသေအပြစ်ပေးမယ် ငါ့နှလုံးသားနဲ့ရေးတာကိုခြေနဲ့ဖျက်တဲ့မိန်းမ ဟန်ဆောင်လိမ်ညာမူတွေနဲ့အရူးကွက်နင်းတဲ့မင်းတို့ညီမနှစ်ယောက် ငါဘယ်တော့မှခွင့်လွှတ်မပေးဘူး'...