KEEP ME CLOSE (Isaac Genesis Zodiac)

CHAPTER 036 - Not Ready To Let Her Go

NATATAWANG SINUNDAN NG TINGIN NI GENE SI DEEWEE NANG SANDALI NAGPAALAM ANG HULI UPANG BUMALIK SA HOTEL. Biglang sumakit ang tiyan nito dahil sa nakaing almusal. Doon nila nalaman na alergic ito sa crustacean, at ang soup na ni-order at pinatikim dito ni Trini ay may crab meat na bawal dito. Hindi iyon nalasahan kaagad ni Deewee dahil sa creamy soup, at saka lang nito nalamang inaatake na ng allergy nang mangati ang katawan at biglang humilab ang tiyan. He had to hurry back to his room before it was too late.

"'Ta mo 'to, nagawa pang tumawa," suway ni Trini kay Gene bago ito umayos sa pagkakaupo. Nagpresenta itong sumama kay Deewee, pero tumanggi si Dee dahil nasa kalagitaan pa lang daw ng pagkain si Trini at ayaw makaabala. Ayon pa rito'y minor lang naman daw ang allergy nito at laging may baong gamot sa bag. Nagsabi itong babalik kaagad kapag nakainom na ng gamot at umayos na ang pakiramdam.

"Deewee doesn't get to enjoy life, and that's what I was laughing about," nakangising sagot ni Gene bago inabot ang basong may lamang cucumber shake at dinala sa bibig. He emptied the glass before adding, "I think he has a boring life. Allergic sa alak at alimango? Geez, what type of blood does he have?"

"Something na wala ka kaya magpasalamat ka't nagagawa mong mag-enjoy sa buhay nang walang inaalala." Inismiran ni Trini ang kaibigan. "I feel sorry for him, you know? Tapos ikaw ay nagawa pa siyang pagtawanan."

"Come on, masyado kang nagiging sensitive sa lalaking iyon."

"Because you were insensitive. At kung magkabaliktad kayo ni Dee at pinagtawanan ka niya ay ganoon din ang gagawin ko sa kaniya. Ayaw ko 'yong pinagtatawanan ang tao habang nakatalikod. If you want to laugh at him, do it on his face para magawa ka niyang supalpalin."

"Hey, bakit ka ba nagagalit?"

"Hindi ako galit." Nagpakawala nang malalim na paghinga si Trini. "Nagi-guilty ako kasi ako ang nagpumilit sa kaniyang tikman itong soup."

"Hindi mo alam na may crab meat ang soup at lalong hindi mo alam na allergic siya sa ganoong uri ng lamang-dagat. Dapat kasi pala, kung ganitong marami siyang allergies ay nagbigay muna siya sa'yo ng listahan ng mga pagkaing hindi niya kayang kainin bago ka niya ni-date."

"Eh ikaw ang nag-recommend sa kaniya, bakit hindi ikaw ang gumawa no'n bago mo kami ni-set up sa isang date?"

Hindi kaagad nakasagot si Gene kaya napa-ismid na lang muli si Trini at itinuloy ang pagkain. Kinuha nito sa plato ang nangangalahati pa lang na chicken burger at kinagat.

"Kung alam ko lang ay hindi ko sana kayo ni-set up."

Ibinalik ni Trini ang pansin sa kaibigan, at nang makita ang biglang pag-seryoso sa mukha ni Gene ay kinunutan ng noo ang dalaga.

Habang ang ngumunguya ay muling nagsalita si Trini, "What did you mean to say? Ano ang ibig mong sabihin sa 'kung alam mo lang'?"

Matagal na nakatitig lang si Gene kay Trini at hindi kaagad na nakasagot. Si Trini ay nilunok muna ang pagkaing nasa bibig bago muling nagtanong,

"What did you mean by that? Sinasabi mo bang nagsisisi kang ipinakilala mo kami ni Dee sa isa't isa?"

Napabuntong-hininga si Gene at inituon ang tingin sa dagat na tanaw mula sa kinauupuan nila. They were in the restaurant's veranda overlooking the blue ocean. Malinaw ang tubig at banayad ang mga alon. Hindi pa masakit sa balat ang init ng araw at malamig ang hangin dahil nasa mataas na area sila ng resort. Sa ibaba naman ay makikita ang white sand beach at ilang makukulay na mga beach umbrella.

Dahil hindi pa bukas sa publiko ang resort ay wala pang masyadong tao sa baybayin maliban sa kanila at sa ilang mga VIPs. Sa dulo ng resort ay may nakikitang buntot na isla na may layong limampung metro mula sa mainland. Maliit lang ang islang iyon subalit ayon sa waitress na nakausap nila kanina ay may resto-bar sa gitna niyon at may private man-made hotspring.