KEEP ME CLOSE (Isaac Genesis Zodiac)

CHAPTER 046 - All His

           ISA-ISANG INALIS NI GENE ANG SUOT NA WORKING GLOVES NANG MARINIG ang tunog ng makina ng kotse ni Trini na huminto sa harap ng bahay nito. Lumabas si Gene mula sa workshop at sinilip ang daan.

           Tulad ng inasahan nito'y nakita ang pagparada ng kotse ni Trini sa harap ng gate at ang pagpatay ng makina niyon. Walang garahe ang mga bahay sa subdivision nila at ang mga kotse ay nakaparada lang sa gilid ng daan. Pero ang mga kalsada roon ay idine-senyo na mas malapad sa normal na kalsada kaya kahit papaano ay hindi masikip ang daan. Besides, it was an exclusive subdivision.

           He was done for the day. It was already six in the evening and he was about to close his workshop. Sa katunayan ay sarado talaga dapat iyon sa araw na iyon pero nang bandang hapon ay nagpasiya siyang magbukas dahil nabuburyong siya sa loob ng bahay niya.

           Gusto niyang lumabas—go out for a drink or two. Like usual.

           Pero hindi siya sanay na lumabas na siya lang. He was used to going out with Trini. At kaya siya naka-abang doon sa workshop niya sa pagdating ng kaibigan ay upang yayain itong lumabas. It was Saturday night, anyway. It was a great night for some drinks.

           Si Trini na sandaling nanatili sa driver's seat upang mag-reply sa text message na ipinadala ni Deewee ay napatingin sa harapan at nakita ang nakabukas na roll sheet door ng workshop. Nang makita si Gene na nakatayo roon at nakatingin din sa direksyon niya ay biglang natigilan ang dalaga— ang dibdib ay tumahip nang malakas ang paghinga ay tumigil.

           Sandaling napatitig ang dalaga sa kaibigan bago ibinaba ang hawak na cellphone. Nawala na sa isip nitong sagutin ang text message ni Deewee. Huminga ito nang malalim bago tuluyang pinatay ang makina ng kotse at tinanggal ang seatbelt. Pagkatapos ay binuksan nito ang pinto sa driver's side at lumabas. She did all that without breaking eye contact with Gene.

           Paglabas sa kotse ay marahan nitong inisara ang pinto at ni-lock gamit ang control key. Sandali itong tumayo sa gilid ng sasakyan habang nakikipagtitigan kay Gene bago nagpakawala nang malalim na paghinga at tumalikod.

           Ramdam ni Trini na may nais sabihin si Gene, and she was waiting to hear that. Pero mukhang hindi pa handang magsabi si Gene, at hindi rin naman alam ng dalaga kung ano ang sasabihin. Hindi pa rin mawala sa isip nito ang minulatang sitwasyon nang umagang iyon sa isla, and up until this point, she wasn't sure what really happened.

           Nang marating ng dalaga ang gate ay madali nito iyong binuksan. At this point, she was waitng for Gene to call out her name and asked her to talk.

           Pero... naitulak na ni Trini ang gate at nakapasok na't lahat-lahat, pero hindi pa rin nagsasalita o tumitinag si Gene.

           Naglakad si Trini patungo sa pinto ng bahay, inilabas ang susi sa bag at inisuksok sa keyhole. Ilang segundo muna ang pinalipas nito bago tuluyang itinulak pabukas ang pinto, pero wala pa rin itong naririnig mula sa kaibigan.

           She let out a deep sigh and pushed the door open. Tulad ng madalas mangyari ay sinalubong na naman ito ng mga pusa. She bent down and carried two of them before she pushed her sandals off and closed the door. Nanatili ang dalaga sa likod ng pinto, hoping against hope that Gene would approach her house and knock on the door.

           Pero dalawang minuto mahigit ang lumipas at wala pa ring Isaas Genesis Zodiac na lumalapit.

           Nawalan na ng pag-asa si Trini. Humakbang ito patungo sa sala, at nang marating ang sofa ay inabot nito ang switch ng lampshade na nasa ibabaw ng side table. Saktong binuksan nito ang ilaw sa sala nang tumunog ang cellphone.