ဧကရီမယ်တော်ဖြစ်ရတာက ပိုကောင်းတယ်

Ch-38

အခန်း ၃၈ နှစ်သစ်ကူးအကြို

ထန်ရှီးရှီးက ကျောက်ဇီရှင်းပြန်လာသည်ကို ကြားသောအခါတွင် သူမသည် ခဏမျှ တုံ့ဆိုင်းသွားသော်လည်း ချက်ချင်းပင် စိတ်ထဲတွင် ထားလိုက်သည်။ ဇနီးသည်က ကိုယ်လုပ်တော်ထက် ယုတ်မာ၏၊ ကိုယ်လုပ်တော်က လုယက်သူထက် ဆိုး၏၊ လုယက်သူက ခိုးသူထက် ဆိုး၏။ ထန်ရှီးရှီးသည် လူတို့၏ အကျင့်သီလကို ကောင်းစွာနားလည်သည်။

သူမသည် လုယိဖေးနှင့် စပ်မိစပ်ရာ စကားများဆက်ပြောနေပြီး ကျောက်ဇီရှင်းနှင့် အနီးကပ်အကွာအဝေးတွင် တွေ့ဆုံနိုင်သော်လည်း ၎င်းသည် ယုတ်ညံ့လွန်းအားကြီးသည်။ ကျောက်ဇီရှင်းကို အံသြနေတဲ့မျက်နှာထားနဲ့ထားခဲ့ပြီး ထွက်လာရတာက ပိုကောင်းသည် ။ ဒါနဲ့ သူမ လှည့်ထွက်လာခဲ့သည်။

ယောက်ျားတွေအတွက်တော့ ၊ သူတို့မရနိုင်တဲ့အရာက အကောင်းဆုံးပါပဲ။

ထန်ရှီးရှီးသည် ငှက်မွေးတစ်ပင်ကဲ့သို့ ရေမျက်နှာပြင်ကို အနှောင့်အယှက်ပေးကာ ပြန်လွင့်ထွက်သွားသည်။ အခန်းတွင်းရှိလူများကို မည်မျှအတက်အကျဖြစ်စေခဲ့သည်ကို သူမ မသိပေ။ ထန်ရှီးရှီး ထွက်သွားပြီးဖြစ်ပေမယ့် ကျောက်ဇီရှင်းသည် ယခုရပ်နေသည့်နေရာတွင် အသိပျောက်နေပုံရသည်။

ထန်ရှီးရှီးသည် အနီရောင် တောက်တောက်ဝတ်ရုံကို ၀တ်ဆင်ထားပြီး ဝတ်ရုံ၏လည်ပင်းနေရာတွင် အဖြူရောင် အမွေးများ ပါရှိသည်။ သူမ၏ လက်များနှင့် နားများကို အမွေးအမှင်များပါသော အကာအကွယ် အအုပ်များဖြင့် ဝိုင်းရံထားသည်။ သူမက ခမ်းနားနေကာ မွန်မြတ်တဲ့ပုံပေါက်ပြီး တစ်ခန်းလုံးကို လင်းလက်နေစေပုံရသည်။ ကျောက်ဇီရှင်းသည် ဂိတ်ပေါက်ထဲသို့ ဝင်လိုက်သည်နှင့် သူသည် ပင်မဝင်ပေါက်နှင့် မနီးမဝေးတွင် ရပ်နေပြီး ထန်ရှီးရှီးထွက်လာသောအခါ သူမသည် ကျောက်ဇီရှင်းကို မလွှဲမရှောင်သာ ဖြတ်သွားရမည်ဖြစ်သည်။

ထန်ရှီးရှီးက ကျောက်ဇီရှင်းရဲ့ နံဘေးကို ဖြတ်သွားတဲ့အခါ သူမ ခေါင်းကို အနည်းငယ်ငုံ့လိုက်ပြီး ဆံထုံးလေးတွေပေါ်က ဆံချည်မျှင်လှလှလေးတွေ တုန်ခါသွားသည်။ ကျောက်ဇီရှင်းသည် ထန်ရှီးရှီး၏ သင်းပျံ့သောရနံ့ကို အနံ့ခံနိုင်သော်လည်း ကျောက်ဇီရှင်းသည် ထိုရနံ့ကို သေချာမဖမ်းမိမှီ ထန်ရှီးရှီးက ကန့်လန့်ကာကို ဖွင့်လိုက်ပြီး အေးစက်သောလေက တိုက်ခတ်လာသဖြင့် ရနံ့ကို ချက်ချင်းလွင့်သွားစေခဲ့သည်။