ဧကရီမယ်တော်ဖြစ်ရတာက ပိုကောင်းတယ်

Ch-100

အခန်း ၁၀၀ ကိုယ်ဝန်အတု

ရင်းထောင်က မြေပြင်ပေါ်တွင် ဒူးထောက်နေပြီး သူမ၏ ဆံပင်အစမှ အဆုံးအထိ ရွှဲနစ်နေပြီး ရေများတစက်စက်ကျနေသောကြောင့် မြေပြင်ပေါ်တွင် ‌ရေတောင်အိုင်နေပြီ ဖြစ်သည်။ ရင်းထောင်က လုံးလုံးလျားလျား စိုစွတ်နေပြီး သူမ၏မျက်နှာမှာ စိုစွတ်နေတာက မိုးရေလား မျက်ရည်လားတောင် မပြောနိုင်တော့ပေ။

သူမ၏ ရှက်ရွံ့ဖွယ် အသွင်အပြင်သည် မည်သို့ပင်ရှိစေကာမူ ရင်းထောင်က ထန်ရှီးရှီး အား " ဝမ်ဖေး... လိဇီကို ကယ်တင်ပေးပါ... ကျွန်မက သူ(မ)နဲ့အတူ ကြီးပြင်းလာခဲ့ပြီး သူ(မ) ဘယ်လောက် တုံးအပြီး ရှက်တတ်လဲ သိတယ်... သူ(မ)က ဘယ်တော့မှ ဝမ်ရယ် နဲ့ ရှီဇီကို တမင်တကာ လှည့်စားမှာ မဟုတ်ပါဘူး "

ထန်ရှီးရှီးက ရင်းထောင်၏ ပြောစကားကို နားထောင်ရင်း အဓိပ္ပါယ်ကို စဥ်းစားနေကာ ဖြည်းညှင်းစွာ မျက်မှောင်ကြုတ်ရင်း တွေးမိတာက လိဇီ၏ ကိုယ်ဝန်သည် ပြောင်းလဲသွားခဲ့သည်။ ထန်ရှီးရှီးက ရင်းထောင်အတွက် ချည်ပဝါအခြောက်တစ်ထည်ကို တုကျင်းကို ယူခိုင်းပြီး "စိတ်မပူပါနဲ့... မင်းခန္ဓာကိုယ်ပေါ်က ရေတွေကို အရင်သုတ်ပါ... ဘာဖြစ်သွားတာလဲ?"

ရင်းထောင်သည် ချည်ပဝါကို ယူကာ ကြောင်တက်တက်ဖြင့် မျက်နှာကို သုတ်လိုက်သည်။ မျက်နှာပေါ်ရှိ ရေစက်များသည် ခြောက်သွေ့သွားကာ ရင်းထောင်၏ စိတ်သည် တဖြည်းဖြည်း ငြိမ်သက်သွားသည်။

ဝမ်ဖေးဆီကို လာဖို့ သင့်တော်တယ်ဆိုတာ သူမ သိသည်။ ကြီးမားသောအိမ်ကြီးတွင် ဝမ်ဖေးကသာလျှင် လိဇီ၏ ကိစ္စရပ်ကို ထိန်းနိုင်မည်။ လိဇီကို ကယ်တင်နိုင်လိမ့်မည်။ ရင်းထောင်က သူမလက်ထဲက ချည်ပဝါကို ဆုပ်ကိုင်ထားလိုက်ပြီး ဒူးထောက်ကာ" ဝမ်ဖေး... တော်ဝင်သမားတော်က လိဇီရဲ့ ကိုယ်ဝန်က အတုလို့ရှာတွေ့တယ်... ဒါပေမယ့် လိဇီအတွက် ရှင်းရှင်းလင်းလင်း စုံစမ်းပေးဖို့ ဝမ်ဖေးကို တောင်းပန်ပါတယ်... လိဇီက ရှီဇီကို လှည့်စားဖို့ သတ္တိမရှိပါဘူး... . တော်ဝင်သမားတော်က ပထမဆုံးအကြိမ် သွေးခုန်နှုန်းကို စမ်းသပ်စစ်ဆေးတုန်းက သူ(မ)မှာ အမှန်တကယ် ပျော်ရွှင်တဲ့သွေးခုန်နှုန်း ရှိနေတာကို တွေ့ခဲ့တာပါ... သူ(မ)က အဲ့လောက် တုံးအတဲ့ လူတစ်ယောက်ပါ... တော်ဝင်သမားတော်က သူ(မ)မှာ ကိုယ်ဝန်ရှိနေပြီလို့ ပြောတဲ့အခါ ချက်ခြင်းယုံကြည်ပြီး ရူးသွပ်စွာနဲ့ ဒီရက်တွေကို စောင့်ခဲ့တယ်... လွန်ခဲ့တဲ့ ရက်အနည်းငယ်က သူ(မ)ရဲ့ ဓမ္မတာလာချိန်ရောက်လာပြီး တစ်ခုခု မှားနေပြီဆိုတာ မမျှော်လင့်ဘဲ သူ(မ) သိခဲ့တယ် ... ဆုံးဖြတ်ချက်တစ်ခုချဖို့ သူ(မ) ကျွန်မဆီကို ရောက်လာတယ်... ရှီဇီဖေးဆီကို သွားဝန်ခံဖို့ ကျွန်မ သူ(မ)ကို တိုက်တွန်းခဲ့ပေမယ့် သူ(မ) စကားပြောဖို့ အချိန်မရသေးခင် ရှီဇီက သူ(မ)ကို ရှာဖွေတွေ့ရှိခဲ့ပါတယ် "