[ Unicode ]
ကိုကြီးက ဟင်းချက်စရာတွေအမြဲ တစ်ပတ်စာဝယ်ထားတတ်တာကြောင့် ကကြိုး တကူးတက သွားဝယ်စရာမလို ။ အတော်လည်း ညဥ့်နက်နေတာကြောင့် ဆန်ပြုတ်အမြန်ပြုတ်လိုက်သည် ။
ဖုန်းထဲကအတိုင်းချက်ထားတာမို့လို့ ဘယ်လိုအရသာရှိလဲတော့ ကကြိုး မသိ ။ ဆန်ပြုတ်ကို ပန်းကန်ထဲထည့်ပြီး ကိုကြီး အခန်းထဲ လျှောက်လာလိုက်သည် ။ တံခါးက ပွင့်နေတာကြောင့် ကကြိုးလည်း ဝင်သွားလိုက်သည် ။
ကိုကြီးက အခန်းထဲမှာဖုန်းသုံးနေသည် ။ ကကြိုးကို မြင်တာနဲ့ ဖုန်းကိုဘေးချလိုက်ပြီး ကကြိုးကို ကြည့်လာသည် ။
'' ကိုကြီး အတွက် ဆန်ပြုတ် ဆရာဝန် မှာလိုက်တယ်လေ အမာစာတွေမစားရဘူးတဲ့ ''
ကိုကြီးက ကကြိုးကို
မယုံသလိုနဲ့ကြည့်လာသည် ။
'' ဒါတွေမင်းလုပ်ထားတာလား ''
ကကြိုး ခေါင်းညိမ့်ပြလိုက်သည် ။ ကိုကြီးက
ကကြိုးလက်ကိုဆွဲယူလိုက်သည် ။
'' နောက်မလုပ်နဲ့ ''
ကကြိုး အိုးအပူကြီးကို ဒီတိုင်းသွားကိုက်လိုက်မိလို့ လက်ကနည်းနည်းရဲနေသည် ။
'' ဘာမှမဖြစ်ပါဘူး ''
ကိုကြီးက ကကြိုး လက်ကို ဆေးလူးပေးဖို့ ဆေးယူနေတာမို့လို့ ကကြိုး လက်ကိုပြန်ယူလိုက်သည် ။
'' ဟင့်အင်း! ပြီးကြရင်ကောင်းသွားမှာ ကကြိုး ဘာမှမဖြစ်ဘူး ပြီးရင်လည်း ပန်းကန်ဆေးရဦးမှာ ဆေးတွေပျက်သွားလိမ့်မယ် ''
တကယ်လည်း ပန်းကန်ဆေးရမှာမို့လို့
ကကြိုး ပြောလိုက်ခြင်း ။
'' ကိုကြီး စားတော့လေ ပြီးရင်ဆေးသောက်ဖို့ ကကြိုး ရေသွားခပ်ပေးမယ် ''
အာ! ကကြိုးမေ့နေတာ ကိုကြီးက ဘယ်လိုလုပ်ဆန်ပြုတ်သောက်လို့ရမှာလဲ ။
'' ဟို ကကြိုး ခွံ့ကျွေးရမှာလား ''
ကိုကြီးက ခေါင်းညိမ့်ပြတာကြောင့် ကကြိုး ဆန်ပြုတ်ပန်းကန်ကို ယူလိုက်သည် ။ ကိုကြီး ခေါင်းက ရှေ့တိုးလာတာကြောင့် ခုန်လာတဲ့ နှလုံးသားကိုလည်း ထုရိုက်ပစ်ချင်သည် ။ ဆန်ပြုတ်ခွံ့တာလေးကို ပူနေတဲ့မျက်နှာကိုလည်း ဖြစ်နိုင်ရင် ခဏလောက် ဖြုတ်ထားချင်သည် ။
YOU ARE READING
ကကြိုး { Complete }
Fantasyကကြိုး ကိုကြီး ကိုချစ်တယ် ။ ကကြိုးသိပ်ပြီး အတ္တကြီးသွားတာလား ။ ဟင်! ကိုကြီး ။ ကကြိုး အချစ်က ကကြိုးကို သတ်နေရင်တောင် ကကြိုး သေရဲတယ် ။ ကကြိုး ဘာတွေများအမှားလုပ်ခဲ့မိလို့လဲ ။ ကကြိုးကို ကိုကြီး ပြန်မချစ်လဲ ဖြစ်ပါတယ် ။ ကကြိုး ကိုတော့ အဝေးမပို့ပါနဲ့ ကိုက...
