[ Unicode ]
နေ့ရက်များစွာဟာ သူမ အတွက် ငရဲကျနေသလိုပင် ။ သို့သော် အားမလျော့ ။ သူမကြိုးစားသည် ။ ဖြစ်သမျှ အကြောင်း အကောင်းအတိုင်းပဲရှိပါသည် ။ တစ်စုံတစ်ယောက်အတွက် သူမ ပျော်ရွှင်စွာနေထိုင်ရမည် ။ တစ်စုံတစ်ယောက်ကို စောင့်မျှော်ရင်းနှင့်ပေါ့ ။
ဤအကြိမ်ဟာ ဆိုရင်ဖြင့် သူမဘဝ၌ အခက်ခဲ အကြမ်းတမ်းဆုံး အချိန်ပင် ။ ဝမ်းနည်းသည်။ စိတ်ပျက်အားငယ်သည် ။ ဘဝကို တစ်ယောက်တည်း ခက်ခက်ခဲခဲ ရင်ဆိုင်ကျော်ဖြတ်နေရသည် ။ ဘေးနား၌ အဖော်မွန်ဆိုတာမရှိ ။ သူမ တစ်ယောက်တည်း ။
ကျယ်ဝန်းလှတဲ့ ခြံကြီးထဲမှာ သူမတစ်ယောက်တည်း ။ အခန်းပေါင်းမြောက်များစွာရှိတဲ့ အိမ်ကြီးထဲမှာ သူမတစ်ယောက်တည်း။ သူမ ထိုအိမ်ကြီးကို ထားပြီးဘယ်မှမသွား ။ ထိုအိမ်ကြီးထဲမှာပဲနေသည်။
'' ဟယ်လို! ''
တစ်ဖက်၌စကားသံထွက်မလာ ။
'' ကကြိုး! ''
သူမ နားထောင်နေလိုက်သည် ။
'' ကကြိုး ကိုယ့်မင်္ဂလာဆောင်ကို လာခဲ့ပါ ။ ကိုယ်ဖိတ်ပါတယ် ။ မနက်ဖြန်ကျရင် ကိုယ် ဖိတ်စာလာပို့မယ် ''
ကကြိုး ပြုံးမိပါသည် ။
လင်းလက် မင်္ဂလာဆောင်ပြီ ။ သူ့ကိုတကယ်ချစ်တဲ့ လူကို ရှာတွေ့သွားပြီ ။ ကကြိုး ပျော်ပါသည် ။
'' အွန်း! ယွန်းကိုပါခေါ်ခဲ့နော် ''
ဖုန်းချလိုက်သည် ။
ကကြိုး သူငယ်ချင်းမင်္ဂလာဆောင်တဲ့ ။
ယွန်းကို ဖုန်းဆက်ရမည် ။ ဘယ်လောက်ပျော်နေမည်လဲ မသိ ။
ယွန်းလိုင်းတက်ချိန်နဲ့ဆုံတာကြောင့် video call ခေါ်လိုက်သည် ။
'' ဟီးဟီး ''
'' ရယ်မနေနဲ့! ပြောပါဦး ဘယ်ကနေ ဘယ်လို ဖြစ်သွားတာလဲ ''
'' ဒါကဒီလိုရှိတယ်ဟ ''
သူမလည်း နားထောင်နေလိုက်သည် ။
'' ငါ သူ့ကို ကားတင်ပြေးလိုက်တာ ''
'' ဟင်! ''
ကကြိုး ကိုယ့်နားကိုယ်တောင်မယုံနိုင် ။ ယွန်းက လင်းလက်ကို ကြိုက်တာငိပေမယ့် အခုလောက်ထိလုပ်လိမ့်မယ်လို့တော့ မထင် ။
YOU ARE READING
ကကြိုး { Complete }
Fantasyကကြိုး ကိုကြီး ကိုချစ်တယ် ။ ကကြိုးသိပ်ပြီး အတ္တကြီးသွားတာလား ။ ဟင်! ကိုကြီး ။ ကကြိုး အချစ်က ကကြိုးကို သတ်နေရင်တောင် ကကြိုး သေရဲတယ် ။ ကကြိုး ဘာတွေများအမှားလုပ်ခဲ့မိလို့လဲ ။ ကကြိုးကို ကိုကြီး ပြန်မချစ်လဲ ဖြစ်ပါတယ် ။ ကကြိုး ကိုတော့ အဝေးမပို့ပါနဲ့ ကိုက...
