[ Unicode ]
'' ကကြိုး! ''
'' ရှင်!!!! "
ကကြိုး အောက်ထပ်က မမကေသွယ့် အသံကြားလို့ ဆင်းလာခဲ့သည် ။
'' ထမင်းစားရအောင်လေ မောင်! ယောကို သိပ်လိုက်တော့ ''
ဧည့်ခန်းထဲမှာ ယောလေးကို ချီထားသည့် သူက အခန်းထဲကို ခေါ်သွားသည် ။
'' ဟို ကကြိုး မဆာသေးလို့ မစားတော့ဘူး ''
မမကေသွယ်က ကကြိုးနဖူးလေးကို အဖျားရှိမရှိစမ်းကြည့်သည် ။
'' ကကြိုး တကယ်မဆာသေးလို့ပါ ''
'' ကိုယ့်ကိုကိုယ် ဂရုစိုက် ကကြိုးက နေသိပ်ကောင်းတာမဟုတ်ဘူး ''
'' ဟုတ်! ကကြိုး ဂရုစိုက်ပါတယ် ''
ကကြိုး အပေါ်ထပ်က ကိုယ့်အခန်းထဲမှာ အိပ်နေလိုက်သည် ။ ကကြိုးမှာ လုပ်စရာဘာဆိုဘာမှမရှိ ။ တခါတလေ ယောလေးနဲ့ဆော့သည် ။ King လေးကိုလည်း သူမလွန်းပါသည် ။ King လေးနဲ့ မတွေ့ရတာလည်း တစ်နှစ်နီးပါးလောက်ရှိတော့မည် ။ တစ်နေ့တော့ သေချာပေါက် Kingလေးဆီသူမသွားမည် ။
'' ကေသွယ် "
'' အွန်း! လာလေ ထမင်းစားမယ် ယောလေးအိပ်သွားပြီမလား ''
'' အင်း ဒါနဲ့ ကကြိုးရော ''
'' ဪ! ကကြိုးက မဆာသေးလို့တဲ့ ''
သူလည်း ခေါင်းညိမ့်ပြီး ထမင်းစားလိုက်သည်။
ကေသွယ်ကတော့ သက်ပြင်းရှည်ကြီးတစ်ခုကို ချလိုက်သည် ။
ဪ! အချစ်ဆိုတဲ့အရာက အရာရာကို လွှမ်းမိုးထားနိုင်ပါလား ။
ဒီဝင်္ကပါကြီးထဲက မည်သူမှလွတ်မည်မထင် ။
မောင်ရယ် အစကတည်းက မချစ်သင့်မှန်းသိပေမယ့် ကေသွယ်မောင့်ကို ချစ်ခဲ့မိတယ် ။
မောင့် အတ္တမီးတွေ အမြန်ဆုံးငြိမ်းသတ်ပါစေလို့ ကေသွယ် ဆုတောင်းပါတယ် ။
ကေသွယ် ဖန်ဆင်းပေးနိုင်တာဆိုလို့ မောင့်အတွက် ပျော်ရွှင်စရာ မိသားစုလေး တစ်ခုပဲရှိတယ်။ မောင့် သမီးလေးကို ငဲ့ညှာပြီး မောင့် အတ္တတွေကို ခဝါချလိုက်ပါတော့လား မောင်ရယ် ။ ကေသွယ် ရင်လေးလွန်းလို့ပါ ။
'' ကေသွယ်! ''
'' ဟင်! ''
'' မောင် ဝပြီ သမီးလေးဆီသွားတော့မယ် ကေသွယ်ပြီးရင် လိုက်ခဲ့နော် ''
YOU ARE READING
ကကြိုး { Complete }
Fantasyကကြိုး ကိုကြီး ကိုချစ်တယ် ။ ကကြိုးသိပ်ပြီး အတ္တကြီးသွားတာလား ။ ဟင်! ကိုကြီး ။ ကကြိုး အချစ်က ကကြိုးကို သတ်နေရင်တောင် ကကြိုး သေရဲတယ် ။ ကကြိုး ဘာတွေများအမှားလုပ်ခဲ့မိလို့လဲ ။ ကကြိုးကို ကိုကြီး ပြန်မချစ်လဲ ဖြစ်ပါတယ် ။ ကကြိုး ကိုတော့ အဝေးမပို့ပါနဲ့ ကိုက...
