[ Unicode ]
'' ကိုကြီး! ''
အရက်နံ့တွေ ။ မွှန်ထူနေတာဘဲ ။ ဘီယာဘူးခွံတွေကလည်း ပြန့်ကျဲနေသည် ။ တရားခံက ဆိုဖာကို မှီပြီး ကြမ်းပြင်မှာထိုင်နေသည် ။ ကကြိုး သူ့အနားလျှောက်သွားလိုက်သည် ။
ပန်းရောင်ဂါဝန်လေးကို ဝတ်ဆင်ထားတဲ့ ဖြူနုနု ကောင်မလေးတစ်ယောက် ။ မွေးရာပါ ငွေရောင်ဆံပင်ကောက်ကောက်ကလေးတွေက လရောင်အောက်မှာ တလက်လက် တောက်ပနေသည် ။ သလင်းကျောက်လို တလက်လက် တောက်ပနေတဲ့ မျက်လုံးလေးတွေနဲ့ သူ့ကို ကြည့်နေသည် ။ ဆက်မကြည့်ချင်တော့၍ မျက်လုံးမှိတ်ထားလိုက်သည် ။
'' ကိုကြီး ''
သူပြန်မထူးပါ ။ သို့သော် သူမလေးက သူ့အနားလျှောက်လာကာ သူ့ရှေ့မှာ ထိုင်လိုက်သည် ။
'' မင်း မနက်ဖြန်ပြန်မှာမလား ''
သူ့အသံက အက်ရှနေပြီး သူ့မျက်လုံးတွေက ရီဝေနေသည် ။ ဒဏ်ရာတွေအားလုံးဆေးထည့်ထားသည့်ပုံ ။ ဒီလိုဆိုတော့ သူမ စိတ်ပူစရာ မလိုတော့ဘူးပေါ့ ။
'' ကိုကြီးက ပြန်စေချင်လို့လား ''
လောကကြီးကို စိတ်ကုန်နေတဲ့ လူတစ်ယောက်လို သူကပြုမူနေသည် ။
'' မင်းသဘောပဲ ''
'' ကိုကြီးက အခုထိတစ်ယောက်တည်းနေတာလား ''
'' ငယ်ငယ်လေးကတည်းက တစ်ယောက်တည်း ''
ကကြိုး ဘာမှထပ်မပြောဖြစ်ခဲ့ ။ ကကြိုးကို တုံးအတယ်လို့ ထင်နေပါသလား ။ အရာအားလုံးကို မသိဘူးလို့ ထင်နေပါသလား ။ အဲ့ဒါဆိုရင်တော့ မှားသွားမယ် ။ အတိတ်က ဘာတွေဖြစ်ပျက်ခဲ့သလဲ သူမအကုန်သိပါသည် ။ အကုန်စုံစမ်းထားခြင်း ။ အားနည်းချင်ယောင် ဟန်ဆောင်နေတာ ။ ပျော့ညံ့ချင်ယောင် ဟန်ဆောင်နေတာ ။
'' ဒါဆို ကိုကြီး ပျင်းနေမှာပေါ့ ''
'' အင်း ''
'' ဒါဆို ကကြိုး မပြန်တော့ဘူးလေ ။ ဒယ်ဒီ့ကိုပြောပြီး ဒီမှာလာနေမယ် ''
'' မသင့်တော်ဘူး ''
'' ဘာလို့ မသင့်တော်ရမှာလဲ ။ ကကြိုးက ကိုကြီး ညီမလေးပဲလေ ''
![](https://img.wattpad.com/cover/335611594-288-k310682.jpg)
CITEȘTI
ကကြိုး { Complete }
Fantezieကကြိုး ကိုကြီး ကိုချစ်တယ် ။ ကကြိုးသိပ်ပြီး အတ္တကြီးသွားတာလား ။ ဟင်! ကိုကြီး ။ ကကြိုး အချစ်က ကကြိုးကို သတ်နေရင်တောင် ကကြိုး သေရဲတယ် ။ ကကြိုး ဘာတွေများအမှားလုပ်ခဲ့မိလို့လဲ ။ ကကြိုးကို ကိုကြီး ပြန်မချစ်လဲ ဖြစ်ပါတယ် ။ ကကြိုး ကိုတော့ အဝေးမပို့ပါနဲ့ ကိုက...