[ Unicode ]
'' ကကြိုး! မင်းတော်တော်ယုတ်မာပါလား ''
ကားသံကြားလို့ အပေါ်ထပ်ကနေ ပြေးဆင်းလာတဲ့ ကကြိုး ။ ချစ်ရသူ မျက်နှာကို မြင်လိုက်ရလို့ ပြေးဖက်ဖို့ အပြေးလေးသွားလိုက်သည် ။ သို့သော် အနားတောင်မရောက် တွန်းထုတ်ခြင်းခံလိုက်ရသည် ။ ယောက်ျားအားဖြစ်တာကြောင့် ကကြိုး ကိုယ်လေးက နံရံနဲ့မိတ်ဆက်ပြီးသားဖြစ်သွားသည် ။ အပေါ်ယံနာပျင်မှုက ရင်ထဲက နာကျင်မှုလောက် မဆိုးရွားပေ ။
'' မောင်! ဘယ်လိုလုပ်လိုက်တာလဲ ''
အပေါ်ထပ်ကနေ ကလေးချီပြီးဆင်းလာတဲ့ မမကေသွယ်က ကကြိုးရှေ့မှာ ဝင်ရပ်သည် ။
ကကြိုး သူ့မျက်နှာကို သေချာကြည့်လိုက်သည် ။ မတွေ့ရတဲ့ အချိန်တွေ အတွင်းမှာ သူ အရမ်းပြောင်းလဲသွားသည် ။ အရင်ကထက်ပိုပိန်လာပြီး ။ မျက်တွင်းတွေကျနေသည် ။ အင်္ကျီ ကြယ်သီးတောင်ကောင်းကောင်း မတပ်နိုင် ။ အရင်လို သပ်ရပ်မှုမရှိ ။ ဆံပင်တွေက ဂုတ်ထောက်လုနီးနီးဖြစ်နေသည် ။ ဆံနက်တွေက ထိုးဖွထားခြင်းကြောင့် ရှုပ်ပွနေသည် ။ သူ့ပုံစံက အရူးတစ်ပိုင်းဖြစ်နေသည့်ပုံ ။
'' ကေသွယ် ဒါက.... ''
'' ဟုတ်တယ် ''
တခြားကလေးတွေဆို သူ့ပုံစံကိုကြည့်ပြီး ငိုကြမှာအသေအချာပင် ။ သို့သော် ယော ကတော့မငို ။ သွေးကစကားပြောသည်ဆိုတာ ဒါပဲ ဖြစ်ရမည် ။
'' ကကြိုးထ! ရရဲ့လား ''
မမကေသွယ်က ကြမ်းပြင်ပေါ်မှာ ထိုင်နေတဲ့ ကကြိုးကို ထူပေးသည် ။ ယော လေးက ကကြိုးကို ကြည့်နေသည် ။
'' ကေသွယ် မင်းဘာဖြစ်လို့ သူ့အပေါ်အရမ်းကောင်းနေရတာလဲ သူက မင်းနဲ့ငါနဲ့ကို မဝေး ဝေးအောင်လုပ်နေတာကွ! ''
သူက အခုလိုပြောလိုက်တော့ ယော လေးက ငိုသည် ။ ကကြိုးလည်း ယော ငိုနေတာကို မကြည့်ရက် ။ သို့သော်
'' မင်း ငါ့ကလေးကို ထိစရာ မလိုဘူး!!! ''
'' မောင် ဘယ်လိုပြောလိုက်တာလဲ ''
မမကေသွယ်က သူ့ကို ပြန်ပြောသည် ။
ကကြိုးလည်း သူတို့နှစ်ယောက်ကြား ဝင်မပါချင်၍ ရှောင်ပေးလိုက်သည် ။
YOU ARE READING
ကကြိုး { Complete }
Fantasyကကြိုး ကိုကြီး ကိုချစ်တယ် ။ ကကြိုးသိပ်ပြီး အတ္တကြီးသွားတာလား ။ ဟင်! ကိုကြီး ။ ကကြိုး အချစ်က ကကြိုးကို သတ်နေရင်တောင် ကကြိုး သေရဲတယ် ။ ကကြိုး ဘာတွေများအမှားလုပ်ခဲ့မိလို့လဲ ။ ကကြိုးကို ကိုကြီး ပြန်မချစ်လဲ ဖြစ်ပါတယ် ။ ကကြိုး ကိုတော့ အဝေးမပို့ပါနဲ့ ကိုက...