Unicode
ယနေ့ ရာသီဥတု အနည်းငယ် မှိုင်းနေသည်။
နေရောင်ခြည်ကို ကောင်းစွာ မရ၍ ထင်သည်။
စိုက်ထားသော နေကြာလေးမှာ ညှိုးလျနေသည်။မလန်းဆန်းတဲ့ ပွင့်ချပ်တို့သည် စိတ်နှင့် ဆက်စပ်နေပုံ ရ၏ ။
Hyunjin မျက်နှာသည်လည်း မပြုံးရွှင်နိုင်ပေ။ယနေ့ မိုးရွာနိုင်ချေ ရှိကြောင်း တင်ဆက်နေသည့် သတင်းကို ပိတ်လိုက်ပြီးနောက် Hyunjin ကျောင်းသွားရန် ထွက်လာလိုက်သည်။
ယနေ့ ဘာကြောင့် စိတ်တွေ လေးနေရပါသလဲ။
×××
စကားပြောသံတို့ကြောင့် Min အောက်ထပ်သို့ ဆင်းလာလိုက်သည်။ မမျှော်လင့်သော ဧည့်သည်.... ဒါမှမဟုတ် အိမ်ရှင်ဟု ဆိုရမည့်သူကို တွေ့လိုက်ရတဲ့အခါ သူငယ်အိမ်လေး အနည်းငယ် ကျယ်သွားရသည်။
"အန်ကယ်လ် ပြန်ရောက်နေတာလား "
"ဟုတ်တယ် သမီး ။ မနက်ကတင် ပြန်ရောက်လို့ အိတ်တွေ အိမ်ပို့ခိုင်းထားပြီး ဒီကို တန်းလာလိုက်တာ။"
ဖြေကြားရင်း ပြုံးပြလာတဲ့ အန်ကယ်လ်ဟာ ကိုကို့ အပြုံးတွေရဲ့ အမွေရှင်လို့ သံသယဖြစ်စရာမရှိ။ ထပ်တူကျလွန်းသည်။
အလိုက်သိစွာပဲ Min အန်ကယ်လ်ရဲ့ မျက်စောင်းထိုးမှာ ဝင်ထိုင်လိုက်သည်။ အန်ကယ်လ်သည် အန်တီကြီးကို တစ်ချက်မျှ ကြည့်ပြီးနောက် သူ့အား ကြည့်ကာ ဆိုလာသည်။
"Min လည်း ၁၈ ပြည့်ပြီဆိုတော့ သားနဲ့ လက်ထပ်ဖို့ကို ဒီနှစ်ထဲ စီစဥ်လိုက်ကြစို့လား။"
အတန်ကြာအောင် ခေါင်းငုံ့ထားရာမှ Min အန်ကယ့်လ်အား မော့ကြည့်မိသည်။
လက်ထပ်ဖို့... ?
တကယ်ဆို သူ ပျော်သွားသင့်ပေမဲ့ ဘာလို့များ နှလုံးသားဟာ ဆုပ်ကိုင်ခံလိုက်ရသလို ကြပ်နေရပါသလဲ။"လက်ထပ်ဖို့က ဖြစ်ပါ့မလား အန်ကယ်လ်.... ကိုကိုက..."
နာကျင်ပါသည်။ ဆက်ပြောရန် စကားလုံးများက လည်ပင်းမှာ တစ်ဆို့နေသည်။ အဲ့ဒီအစား မျက်ရည်တွေအဖြစ် တာဆူနေသည်။
KAMU SEDANG MEMBACA
Strawberries And Cigarettes • 황승
Fiksi PenggemarWherein, cigarettes taste like strawberries . - Written in Burmese