Unicode
"မုန့်ဟင်းခါးတစ်ပွဲ၊ မေတ္တာဖြူးပါ
အချစ်မပေါ့စေနဲ့...."
အပိုင်း(၂၀)
"ကောင်းခြင်းတည်မြဲနှင့် မုဒိတာပန်"
အာရုံဦးမင်္ဂလာဆွမ်း
ဝါမဝင်ခင် ကသုတ်ကရက်စီစဉ်လိုက်ရသည့်မင်္ဂလာပွဲကာ ဘုန်းကြီးကျောင်းတွင် မင်္ဂလာဆွမ်းကျွေးရုံနှင့်ပြီးသွားခဲ့ပါသည်။
နှစ်ဦးနှစ်ဖက်ကာ လိုလားကြည်ဖြူ၍ မဟုတ်ဘဲ ဂုဏ်သိက္ခာအတွက် ဖြစ်သွားခဲ့သော မင်္ဂလာဆွမ်းဖြစ်၍ နှစ်ဖက်မိဘများ၏မျက်နှာကာ မကောင်းလှပါ။ ကာယရှင်ဖြစ်သည့် သတို့သား၊ သတို့သမီး၏မျက်နှာကပိုဆိုးသည်။ သတို့သမီးထက် သတို့သားမျက်နှာကအဆိုးဆုံး ဖြစ်မည်ထင်ပါသည်။
မုဒိတာပန်ကမှ ဟန်ဆောင်ပန်ဆောင်ပြုံးပြသေးသည်။ ကောင်းခြင်းတည်မြဲကတော့ လုံးဝအပြုံးအရယ်မရှိချေ။
"ကောင်းခြင်း..သား နည်းနည်းပါးပါးပြုံးဦးလေ မျက်နှာကြီးဒီလောက်တင်းမထားနဲ့လေ"
တည်တင်းနေသည့်သားတော်မောင်မျက်နှာကြောင့် လူအေးကြီးဦးကောင်းထိုက်ပင် အားနာကာတီးတိုးသတိပေးရသည်။
ကောင်ခြင်းကမူဒေါသကိုအံကြိတ်ထားသည့် မျက်နှာနှင့်
"ဒီကျက်သရေမရှိတဲ့မင်္ဂလာပွဲကို ဘာအတွက်ပြုံးနေပေးရဦးမှာလဲဗျာ လူကိုယ်တိုင် တက်လာပေးဖို့တောင် တော်တော်သည်းခံထားရတယ်"
"ဟဲ့.. အော် သားရယ် ဖြေးဖြေးပြောစမ်းပါ တစ်ဖက်ကလူတွေကြားသွားဦးမယ်"
"ကြားသွားလည်းကောင်းတာပဲလေ ဖေဖေ ဒါမှကျွန်တော့်အတွက် ဒီမင်္ဂလာကိစ္စက အမင်္ဂလာဖြစ်နေတယ်ဆိုတာ ကောင်းကောင်းသိသွားတာပေါ့"
ဦးကောင်းထိုက်လည်းဘာမှဆက်မပြောတော့ဘဲ သက်ပြင်းသာချလိုက်၏။ အခုက မင်္ဂလာဆွမ်းပွဲကိုသတို့သားတက်လာပေးတာကိုပဲ ကျေးဇူးတင်ရမလိုဖြစ်နေသည်။
ကောင်းခြင်းသည် လူမြင်ကောင်းအောင်ပင် အနည်းငယ်လေးမျှ ဟန်ဆောင်မပြုံးနိုင်ခဲ့ပါ။ နှစ်ဖက်ဆွေမျိုးသိရုံလောက်နှင့်ပဲ အကျဉ်းရုံး စီစဉ်လိုက်သည့် မင်္ဂလာဆွမ်းပွဲအခြေအနေကိုကြည့်ရင်း အံကိုတင်းတင်းကြိတ်ထားမိသည်။ ရင်ထဲတွင် နာကြည်းမှုနှင့် ခံပြင်းဒေါသတွေက တောက်လောင်နေတော့၏။
YOU ARE READING
မုန့်ဟင်းခါးတစ်ပွဲ၊ မေတ္တာဖြူးပါ၊ အချစ်မပေါ့စေနဲ့
Romance🍁ကောင်းခြင်းတည်မြဲ.. 🍁 နိုင်ငံခြားပြန်ကောင်လေး။ ရုပ်ရည်၊ ပညာ၊ စည်းစိမ်ဥစ္စာပြည့်စုံကြွယ်ဝသူမို့ အတော်လေးကြီးကျယ်သည့်လူ။ သူ့ကိုသူလည်း အထင်ကြီးလွန်းပါရဲ့..။ စိတ်ထားလေးကောင်းသော်လည်း ဆင်းရဲသည့်ကောင်မလေးတွေကိုတော့ အထင်သေးတတ်သူ။ သူ့ဘဝအတွက် အဘက်ဘက်ကပြီး...
