##Unicode##
မသွားတော့ဘူးလို့တွေးထားတဲ့နေရာတစ်ခုကို ယုယရောက်နေလေရဲ့ ။ ထိုနေရာကတော့ အန်တီရှိတဲ့ရပ်ဝန်းလေးပေါ့။
"ဟင်ငယ်!!.."ယုကိုမြင်တော့အံ့သြနေတဲ့အန်တီ့မျက်ဝန်း..သို့သော် ယုယကြောင့်မဟုတ်ဘဲ ဒေါ်လေးကြောင့်...
"အန်တီ"
"ယုယလား။"
"ကျနော့်ကိုထားခဲ့တော့မှာလားဟင်။ ကျနော့်ကိုမချစ်တော့ဘူးလား။"
"မင်းဘယ်လိုလုပ် ဒီပုံစံပြောင်းသွားတာလဲ။"
"အန်တီကဒီပုံစံကိုသဘောကျတယ်မဟုတ်လား။ ဒေါ်လေးရဲ့ပုံစံကိုအန်တီချစ်တယ်မဟုတ်လား။ အန်တီ့ဆီက အချစ်ခံရဖို့ ဒီလိုပြောင်းကြည့်တာပါ။"
"မင်းဘယ်လိုပုံစံဘဲပြောင်းပြောင်း တို့စိတ်ကတော့ပြောင်းမှာမဟုတ်ဘူး။"
"ပြောင်းနိုင်တာပေါ့အန်တီရယ်။ အစကအန်တီကျနော့်ကိုချစ်ခဲ့တာဘဲလေ။ ကျနော့်ရဲ့လက်စားချေချင်စိတ်ကိုကြောက်လို့သာ
အန်တီမချစ်ရဲတာမဟုတ်လား။"
"မဟုတ်ဘူး ။တို့မင်းကို ဘယ်တုန်းကမှမချစ်ခဲ့ဘူး။ မင်းချစ်နေလို့ တို့ကအချစ်ခံနေရုံဘဲ။ တို့မင်းကိုဆံချည်တစ်မျှင်မျှတောင်မချစ်ဘူးယုယပိုက်ထွေး။"
"ဟင့်အင်းလိမ်တာ။အန်တီလိမ်နေတာ။ အန်တီက ကျနော့်ကိုမချစ်လို့ ဘယ်သူ့ကိုချစ်မှာလဲ။"
"တို့ရင်ထဲမှာ တစ်စုံတစ်ယောက်အတွက်ဘဲနေရာရှိတယ်။ အရင်ကလဲသူဘဲ ။အခုလဲသူဘဲ။ နောင်လဲသူဘဲ။ သူနဲ့တူလို့ မင်းကိုစိတ်ယိုင်မိခဲ့ရုံကလွဲလို့ မင်းအပေါ်တို့ ဘာခံစားချက်မှမရှိဘူး။
ပြီးတော့ သူနဲ့တူတယ်စိုတာကလဲ အဲ့လိုတူအောင်ဘဲ မင်းကတမင်လုပ်ယူခဲ့တာတွေလေ။ သူ့အပြုအမူ အပြောအဆိုတွေကို မင်းကကော်ပီယူခဲ့တာ။ဟမ်း.အဲ့တော့ မင်းကိုတို့က ဘယ်လိုစိတ်နဲ့ ထပ်ချစ်ရမလဲယုယ။"
"အန်တီအချစ်ကိုရဖို့ ဒေါ်လေးနည်းလမ်းတွေကိုသုံးခဲ့တယ်ဆိုတာ မှန်ပါတယ်။ ဒါပေမယ့် အန်တီကို ကျနော်က ဒေါ်လေးထက်မပိုရင်တောင် ဒေါ်လေးအောက်မလျော့တဲ့ ချစ်ခြင်းမျိုးနဲ့ချစ်တာပါ။ဒါကိုတော့ယုံကြည်ပေးပါအန်တီ။ "
YOU ARE READING
ဆရာမကြွေ(သို့)အန်တီကျောင်းအုပ်
Short Storyအချစ်ဦးကသမီးငယ်ဖြစ်ပြီး အချစ်ဆုံးကတော့မောင်ပေါ့။ မောင်ဆိုတာကလဲ သမီးငယ်ဘဲလေ..။
